ISAI 52:9 - PATHIEN LEKHABU THIENGTHO (BSI)

⁹ Jerusalem, hawmngawn a um sate haw, kipaka lasa’n kiko dawk un la! Lalpa’n a khawpi chuh hukdawk intin, a mite chuh thamuon ding ahi ngâl a.

ISAI 52:9 ပူးပေါင်းရင်းမြစ်များ

ISAI 51:3

Zion chuh thamuon ing ka ting, a hawma taihsan a a umna mun cheng achun A gamgaw chuh Eden bangin siem ing ka ting, Lalpa huon bangin siem ing ka ting; zie tak achun ka kawma kipah thugenna te, pahchakna la te, lawpna leh kipahna thawmte um ta’n a.

SAM LEHKHABU THE PSALMS 98:4

Lei chung luoh chengcheng te haw Lalpa pakcha’n lawp takin kiko un: Kipak in kiko dawk unla, lawp takin la sau in.

ISAI 61:4

Chun, malaia khawpi lui siesa chuh tungding kit un tin; khawpi siesa chuh siemphau intin; khang tamtak a ana sie chuh siempha kit un au.

ISAI 55:12

“Lawp takin pawtdawk un na tin uh; thamuong taka puihkit in um un lau. Na masang uh achun tâng lien leh tâng neute chun la sa’n kiko dawk un tin, chun, gammânga thing cheng chengte chuh kipaka kiko in khutbeng un au!

ISAI 48:20

Babulon apat in pawtdawk unla, Kaldai te chuh taihsan meng un! kipâk taka kiko in, “Lalpa’n a suok Jakob a hukdawk tai” ti’n kâwlmawng tiengin kiko unla, va phuongzak un.

ISAI 44:26

Himahleh, ka suokte chun thu a genlawk uh a, ka thil guonggalh genlawk dinga mi ka sawl chun, ka thil guonggalh leh a genlawkteu chuh ka hih guitung sek hi. Jerusalem chuh mite hun luoh kit ding leh, Juda khawpite tun dawk kit ding ka gen a, zie khawpite chuh a sietna apat a tundawk kit dingin.

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

ISAI 14:7

Lei chung pumpi tuhin a chawla a thip dîl del, la a sa dawk tau a.

GALATI 4:27

Pathien Lehkhabu a chun, “Nang chîng, cha nei khalo, lawp ah, Nang, nauhanat khalo, kiko dawk ah; Pasal neinu sang chun, thawmhau nu chun chalenau a nei tam zawi,” tih zik ahi ngâl a.

ISAI 49:13

Aw vante haw, kipaka lasa’n kiko unla, Aw leisiet lâwpin kiko un, tângte chun lasa dawk u hen la; Lalpa chun a mite a thamuon ta a, Gimtheihna thuokte chung achun zahngaihna latsak ding ahi ngâl a.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

ISAI 40:1

“Thamuon unla, ahi, ka mite hi thamuon un, a Pathien un a tii.

ISAI 43:1

Himahleh, Aw Jakob, nangmau haw hun siempa, Aw Israel nangmau haw hun dindawk pa chun hiti hin a tii, “Lau kiu inla, ka hun tandawk ta ngâl a. Na min un ka hun sam ta a, Keia na hi tau a puo!

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

MIKA 4:10

Aw Zion chanu, numei nauhanat guolin mau un la, kitel viel un! Tuhin khawpi chuh pawtsan a, gamtalai-laka cheng ding na hi ta ngâl u a! Babulon lam ah chieh un na tin uh, himahleh, na melmateu khut apat in Lalpa’n hun hukdawk ina.

SAM LEHKHABU THE PSALMS 102:22

Mitinte chuh a hungkhawm u a, lalgamte chu Lalpa ho dinga a hung khawm tieng u leh.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?