ISAI 52:8 - PATHIEN LEKHABU THIENGTHO (BSI)

⁸ Ngaiin, khawpi vengte chuh a kiko u a, kipâk takin la a sakhawm u a, Zion tânga Lalpa a hung tieng chuleh kimaichangtuoh a mu ding ahi ngâl u a!

ISAI 52:8 ပူးပေါင်းရင်းမြစ်များ

ISAI 62:6

Aw Jerusalem, na kulh bâng chung achun vengtu ding ka kawih a, Sun leh zan in thip tik him nei puo’n a. Nanguh Lalpa a kingate haw kichawl hiel kiu in.

EZEKIEL 33:7

“Khutichun, nang, mihing chapa, Israel inkuon dingin gâlveng a ka hun siem na hi; zieziekchun, ka kama thu pawt hi na het cheng leh ngaitha’n la, ka kawm apat kigalginna ding thu chuh amau hilh in.

JEREMIA 32:39

Chuleh kumlekhuo a ei kihchak theihna ding un lungthim khat leh lampi khat neih sak ing ka; amau leh a nung u a a chateu in ei kihchak na dingun.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.

ZEPHANIA 3:9

“Zie ni chuleh mite chuh pau thiengtho pie’ng ka ting, lungthim munkhat pu a, Lalpa min a sap uh a, a na a sep vek theih na dingun.

EZEKIEL 3:17

Mihing chapa, Israel insung mite dinga gâlveng a ka hun guot na hi; khutichun, ka kam apat a thu na het cheng leh amau chuh ka thathenga na vaulawk ding ahi.

JEREMIA 33:11

Lawpna aw te moneipa aw te, mo aw te tawh, Lalpa In a kipahthu genna thilpiek hun chawi kawm in “Sepaihte Lalpa chuh pakchau un, Lalpa chuh apha ngâla, A zahngaihna chuh kumlekhuo’n um ding ahi ngâla” ti a hun gen ding ahiu a, A tunga a um bang bang in gam chuh tungdawk kit ding ka hi ngâla, tih hi Lalpa kamsuok ahi.

JEREMIA 6:17

Chun, nanguh a dingin gâlvengte ka kawih a, “Pêngkun gi chuh ngaithau in,” ti’n. Amau chun la, “Ngaitha puo’ng kau,” a tiu a.

ISAI 58:1

Ngeihtak in kiko inla, kilen ki’n, pengkun guolin na aw suoh vuohvuoh inla, ka mite kawmah a bawhsietnau chuh hilh inla, Jakob insung mite kawm achun a gitlohnau chuh hilh in!

ISAI 56:10

A gâlvengteu chuh mitdûk ahiu a, hetna neilo ahiu a; amau chuh uicha bengngawng gâlveng, bangmah hap theilo tawbang ahiu a, a kuol hiet hiet u a, ipmu a mang nei tawbang ahiu hi.

ISAI 48:20

Babulon apat in pawtdawk unla, Kaldai te chuh taihsan meng un! kipâk taka kiko in, “Lalpa’n a suok Jakob a hukdawk tai” ti’n kâwlmawng tiengin kiko unla, va phuongzak un.

ISAI 40:9

“Aw Zion, tâng sangte achun va kalto inla, Chanchin Pha hi va gen in! Aw Jerusalem, Chanchin Pha chuh phuong in ngeih tak in kiko in la! Lau ki’n. Juda khawpite kawm achun, Na Pathien chuh zie hin a um hi,” ti’n hilh in.

ISAI 35:10

Tichun, Lalpa tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

1 KORINTH 13:12

Tuhin vang, lim-et a, kimu guolin, I mu giel guol uh ahi, khutih hun le vang chuh, kimaichangtuoh in mu tai tiu. Tuhin vang, a kimlo in ka he a, zie tieng chule vang, Pathien in ei het kim guol hin he kim ta’ng ka.

1 KORINTH 1:10

Chun, suohpihte, na bawn u a na thugen hawu a na kithuguol u a, na lak u a kibungkhenna a um lohna dingin, Lalpa Isu Krista min in ka hun nget na hiu hi. Ngaihtuoh munkhat leh, tup kibang in dettak in um un.

NASEPTE 4:32

Khutichun, gingcha mipite chuh lungthim munkhat leh, ngaihtuohna mun khatin a um u a. A lak u a khat chan le, a thil neih teu chuh keia chuom ahi a ti puou a; a thil neih taphawt u chuh a kihawm zaw sek ui.

NASEPTE 2:1

Chun, Pentekost ni a hung tun in, gingtute cheng chuh lungthim mun khat in abawn un mun khat ah a um khawm vek u a.

ISAI 27:2

Zie ni chuleh grep huon hawih tak limbawl in la sau un:

ISAI 26:1

Zie ni chuleh Juda gama chun zie la hi sa’nau: Khawpi dettak I nei u a; Pathien ngêi chun Hukdamna chuh kulhpi bangin a tungdawk a!

ISAI 24:14

Amau chun kipâk in aw suoh un tin, tum lama mite chun Lalpa lopi zie chuh gen untin; chun, suohlam gama mite chun pakcha’nau.

SOLOMON LA 5:7

Khawpi venga vak vielte’n ei muu a, ei zêp u a, ei suliem tau a, kulh vengte chun a hâwk ui, ka silhpuon.

SOLOMON LA 3:3

Khawpi venga chieh vielte’n ei muu a, a kawm u ah ka tha’n a hehpih chuh na muu em ka ti a.

THUPHUON 19:4

Khutichun, upa sawmnih leh lite leh, ganhing lite chun khupbawk in, “Amen, Halleluia,” ti’n, Pathien, Lalchutphah a chu pa chuh a ho uh a.

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.

HEBRAI 13:17

Na chunguh a lawiupate thu’n nung un la, a thu thuu in um un. na chungthuu gen ding a hih ziekun, chawllo in, na thagau uh a hun ven sak uh ahi ngâl a. A thuu na zawp uh chun vang, kipâk kawmin na sem un tin; khutilo a, lungkham tak kawma a gen u chun chuh, nang haw dingin khawk ding ahi ngâla.

SAM LEHKHABU THE PSALMS 102:22

Mitinte chuh a hungkhawm u a, lalgamte chu Lalpa ho dinga a hung khawm tieng u leh.

JEREMIA 31:12

Zion tângsip achun lasa’n hung un tin, Lalpa phatna achun kipâk untin: buhte, uain te, sathau te, anchehlohing, belam leh gan guol note ka piek achun kipâk un au. A hinnau chuh huon tui pha mun bang hi’n tin, kumlekhuo’n lungkham kit ta puo’n au.

JEREMIA 33:7

Chun, Juda saltanna leh Israel saltanna apat in puikit ing ka ting, a tunga ka siem bang khan siem dawk kit ing ka.