ISAI 52:7 - PATHIEN LEKHABU THIENGTHO (BSI)

⁷ Tang haw chiehkân pai a, Chanchin Pha tun a, kichamna chanchin pha hun puo a, Zawhna thu kiko pih a, hukdamna thu phuong a, Zion kawma, “Na Pathien in vai a hawm hi” tite keng chuh a hawih na e!

ISAI 52:7 ပူးပေါင်းရင်းမြစ်များ

SAM LEHKHABU THE PSALMS 59:13

Amau haw chuh lungna’n katum hen la, a beih masang sieh un sumangthai in. Pathien in Jakob chungah vai a hawm hi tih he chiet u hen. Kâwlmawng tieng inle. Selah.

SAM LEHKHABU THE PSALMS 68:11

Lalpa’n thu chuh a pie seka Chanchin suoh haw chu pawl lien tak ahiu hi.

SAM LEHKHABU THE PSALMS 93:1

Lalpa chuh lal in a chu a, a lopina’n a kivan a; Lalpa chuh a kithuom a, hatna’n a tai ah a kigak ta a. Ahi, khawvel hile a kilin theih lohna dingin a hih det a.

SAM LEHKHABU THE PSALMS 96:10

Namtin laka chun, “Lalpa chuh lal in a chûi,” tiu in: Khawvel hi a phuhdet ahi a, kilîng ngei puo’n a: Amah chun khenchuom neilo in namtin vaihawm ina.

SAM LEHKHABU THE PSALMS 97:1

Lalpa chuh lal in a chu a, lei hi lawp takin um hen la; Tui in a kuolkhum sunga gam tamtak haw chu kipâk takin um u hen.

SAM LEHKHABU THE PSALMS 98:2

Lalpa chun a hukdamna chuh a hetsak a! A diktatna chuh namtin mitmuh achun kichien tak in a lat sak ta a.

SAM LEHKHABU THE PSALMS 98:3

Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

SAM LEHKHABU THE PSALMS 99:1

Lalpa chuh lal in a chu a, mitin chu lau in kilîng u hen: Amah chuh Cherub te chungah a chu a; lei hi kilîng hen.

SOLOMON LA 2:8

Ka deihtak aw chuh ka za a, ngaiin, a hung hi tânghaw chunga hung kithawh in, muol haw chungah a kichiem hi.

ISAI 24:23

Zie tieng chuleh, tha chuh hung thim intin, nisa le vak diek ta puo’n a, Sepaihte Lalpa chuh Zion tâng leh Jerusalem achun leng a um ding ahi ngâla; tichun, a upate masang a chun a lopina latsak ding ahi ngâla.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

ISAI 40:9

“Aw Zion, tâng sangte achun va kalto inla, Chanchin Pha hi va gen in! Aw Jerusalem, Chanchin Pha chuh phuong in ngeih tak in kiko in la! Lau ki’n. Juda khawpite kawm achun, Na Pathien chuh zie hin a um hi,” ti’n hilh in.

ISAI 41:27

Keimah ngêi in Zion kawmah, ‘Entie, amau khu entie,’ ti masa’ng ka ting; Jerusalem kawm achun Chanchin Pha hun puo ding khat ka sawl a, (Ka mite chuh a hung tau a, In lam zuon in a hung ui!)

ISAI 42:11

Gamgaw leh a khawpiteu chun Pathien pakchau he’n; Kedar te umna khuote chun leh, Sela khuo a umte chun, kipâk takin la sau henla, tâng sip apat haw chun kiko u hen.

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

NAHUM 1:15

Tang haw a Chanchin pha tun a, chamna thu tângsappih te kengte chuh entie! Aw Juda na guolvak nate kipahpih in la, na thutiem te chuh muolsuoh in. Migilo chun la hun palzut kit ding ahi ta puoh ngâl u a, kichien taka sukmang ahi tau hi.

NAHUM 2:1

Nang hun do a hun sugawp ding ahung ta a, kulhbang hawmna achun mi hangsante pansak in la; lampi chuh entha zing in la, kâwnggak in la, na hatna la thak in. Na kulh siem phan la, lam tin chuh veng in. Kido dingin kiguonggalh khawl in.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

MARK 13:10

Khutichun, tawpna a tun masang in, Chanchin pha chuh mi cheng kawma gen in um ina.

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

LUKE 2:10

Himahleh, vânsâwlchâk chun a kawm u ah, “Lau kiu inla, ngaiun, mitin a dinga Chanchin Pha kipah-um mah mah ka hun puoksak na hiu hi!

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

EPHESI 6:15

kichamna Chanchin Pha kiguonkhawlna chuh na keng u a kibuh in dingun.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

THUPHUON 14:6

Chun, lei chunga mite kawma leh, namtin chengte, chitin chengte, pautin chengte, mitin chengte kawma tângsappih dinga, kumsawt a Chanchin Pha nei, vânsâwlchâk dang vanlaizawl a leng ka mu a.