ISAI 52:12 - PATHIEN LEKHABU THIENGTHO (BSI)

¹² Kinawh taka chiehdawk ding na hi puou a; taisie a pawt ding le na hi diek puou hi; Lalpa chun na mau pui ding ahi a, chun, Israel Pathien chuh na nung dal uh a pang ding ahi.

ISAI 52:12 ပူးပေါင်းရင်းမြစ်များ

ISAI 58:8

“Zie tieng chuleh, na vak chuh zing nino suok bangin hung vak dawk intin, chun, na sukdam na chuh kin takin hung kilang intin. Nang hun hukdam dingin hun umpih zing ka ting, Lalpa lopina chun na masang ah hun veng zing ina.

DAN NIHNA 20:4

Guolzawhna na chan theihna ding u a na melmateu do dinga hun umpih zing chuh Lalpa na Pathien uh ahi ngâla,’ a tih ding ahi.

ISAI 45:2

“Keimah ngêi in na lampi ding guonggalh ing ka ting, muol leh tângte hihguol ing ka ting, thikdai kawtte chuh hihsie’ng ka ting, a thikzawlte chuh sugawp ing ka.

MIKA 2:13

A kawt hawng pa chun amau haw dingin lampi hawn sak intin, zie chun lut hut hut un au. Khawpi kawt chuh hihsieu in tin, nuom takin lut un au! A lengpau chuh a masang u ah a chieh a, Lalpa’n a mau pui ding ahi a, amah chuh a kingaknau hiding ahi.

1 KHANGTHUBU 14:15

Thingtheimi lêk a kal thawm tawbang gi na zak chun, kipan zieng in, Philistia te do dingin, na masang ah ka chieh tai tihna hi’n a,” a ti a.

KISIMNA 10:25

A nunung pên in, Dan namte chuh amau tam dân bang zelin a pawt u a; a lawiupa chuh Ammishaddai chapa Ahiezer ahi.

PAWTDAWKNA 12:11

Chun, na nek dân ding u chuh hiti hi hi’n a, na kâwng uh gâk sa’n, na keng u a kengtawbek butsa’n, na khut u a na tiengkhut uh chawikawm in; chun, kintaka na nek ding uh ahi; Lalpa chiehkân ankuong hi ding ahi ngâl a.”

VAIHAWMTE 4:14

Chun, Deborah chun Barak kawmah, “Kipan in, Lalpa’n na khuta Sisera a piek ding ni chuh tuni hih ahi. Na kawma Lalpa umlo a na ngaihtuoh ahim?” a ti a.Khutichun, Barak chuh a sepaih singkhat tawh Tabor tâng apat chun a chieh suk tau a.

PAWTDAWKNA 12:39

Aigupta gam apat a chângthâk chawl sawhloh a puok hawu chun chângthâk a siem u a, Aigupta gam apat a kintaka delhdawka a um ziek u leh a um sawt theih takloh ziekun nek ding nasan le a guonggalh man ta puou hi.

PAWTDAWKNA 12:33

Chun, Aigupta mite chun, “Nei pawtsan loh u chun thi suok ding ka hiu hi,” ti’n mipite chuh a gam uh kintaka pawtsan dingin a nawh tau a.

ISAI 51:14

Sala puih a umte chuh kintaka pawtsak in um un tin, sawttak dam un tin, nek ding tasam diek ta puo’n au.

PAWTDAWKNA 14:8

Chun, Lalpa’n Aigupta lengpa Pharaoh lunggil chuh a sukkhauh sak a, Israel chate chuh a delh ta a: Israel chate chula guolzawhna lopitak tawh pawt ahiu a.

ISAI 28:16

Zieziekchun, Lalpa Pathien chun, “Ngaitiem u, Zion achun a ning a suong lul tak leh to tak ka lem hi, a ning achun suong detdo tak ka kawih a, a chung achun, ‘Amah gingcha taphawt chuh muolpho puo’n au,’ tih kizik chuh.

DAN NIHNA 16:3

Chângthâk chawl kisawh tawh na nek dinguh ahi puoi; ni sagih sung chângthâk chawl sawhloh, gimtheihna chângthâk, chuh na nek dinguh ahi zawi, kinlebuong a Aigupta na nutsieh lai u a na nek u tawbang kha; khutia chuh na damsung cheng u a Aigupta na nutsieh niu kha na hetzing theihna dingun.

JOSHUA 6:9

Chun, kigalthuomhaw chuh pengkun mût thiempute masang achun a chieh u a, a nungdalte chun bawm chuh a zawn u a, thiempute chun chieh kawmin pengkun a mût zel u a.

ISAI 26:7

Mi diktat lampi chuh dikna ahi a, nang lunggil diktak pu chun; mi diktat lampi chuh na hihzang sek hi.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

ISAI 49:10

A gil uh kiel ta puo’n tin, a dang uh châk diek puo’n a; huihlum in a sugimthei in, nisa’n ka diek ta puo’n a, amau haw lungsietpa chun puihuoi intin; tichun, lui luong pang haw achun pui intin, tui nak nei mun haw achun pui ding ahi ngâla.

ISAI 49:11

“Tichun, tâng lien takte kantan in lam tuongpi siem ing ka ting, ka mite zin vielna dingin lamliente siem ing ka.

ISAI 57:18

“A lampi teu chuh ka mu a, amau haw chuh sudam ing ka ting; pui ing ka ting, thamuonna piekit ing ka ting, a lusûnteu kamsuok chuh thamuonna suoh sak ing ka.

JOSHUA 4:11

Chun, hiti hi ahi a, mipi chengcheng chuh a galkaih zawh kêi phat u chun Lalpa bawm zawn thiempute chuh mipite masang achun a chieh tau a.