ISAI 52:11 - PATHIEN LEKHABU THIENGTHO (BSI)

¹¹ Chiehdawk un! Chiehdawk un! a sung apat hin chiehdawk un! Thil thienglo himhim chuh khawih kiu inla; kisuthiengtho un, Nang haw Lalpa matchâk chawite haw, thiengtho takin um un.

ISAI 52:11 ပူးပေါင်းရင်းမြစ်များ

2 KORINTH 6:17

Zieziekchun, “A lak uh apat hung pawt unla. A chuom in um un. Thil buok himhim le tham kiu.” Lalpa’n a tii. khutichun, “Nanguh hun lawp ing ka ting,

ISAI 48:20

Babulon apat in pawtdawk unla, Kaldai te chuh taihsan meng un! kipâk taka kiko in, “Lalpa’n a suok Jakob a hukdawk tai” ti’n kâwlmawng tiengin kiko unla, va phuongzak un.

EPHESI 5:11

Chun, khawthim a um mite’n thil manloh a hihna hawu achun telna himhim nei kiu in. Tel malak in, a mawhnau hetsak zawu in.

ISAI 1:16

Kisil unla, kisuthieng un ka mitmuh phâk loh ah na thilhih gitlohteu hi kawihmang unla, na gitlohna hih u hi haihsan tau un;

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

THUPHUON 18:4

Chun, van apat in aw dang khatin hiti a hi a gen ka za a, “Ka mite haw! amahnu apat chun hung pawt unla! A kigawtna a chuh na tel lohna ding un, a gitlohna haw achun tel kiu in!

1 PETER 2:11

Deihtakte, malzin leh khuolzin na hih ziekuh hin, thagau do sek pa phehlevo utnate hi haihsan dingin ka hun nget na hiu hi.

ROME 14:14

Amah zieng a chun bangmah thienglo a um puoi tih, Lalpa Isu achun ka hechien mah mah a, thil khat thienglo a ngaipa ding chun chuh, amah a dingin vang a thienglo ahi.

NASEPTE 10:28

Chun, a kawm u ah, “Juda mi’n, Jentel te kivawppih leh, a kawm u a chieh a thien loh zie nang un na heu hi; himahleh, ken, kuomah thienglo leh buok, ka tih ding ei puoi, tih Pathien in ei hetsak ahi.

NASEPTE 10:14

Himahleh, Peter chun, “Lalpa, hilo e; thienglo leh a buok himhim ka ne ngei puoi,” a ti a.

EZEKIEL 44:23

“Ka mite chuh thil thiengtho leh, mipi thilte a kibatloh dân a sinsak dinguh ahi a, sakhuo dana thil thieng leh thil thienglo a khenchuom sak dinguh ahi.

JEREMIA 51:45

“Ka mite haw, a sung apat hung pawt unla, Lalpa lungnat na lauh um tak apat chun, mitin nangmau kihumbit chiet un.

JEREMIA 51:6

Babulon khuo sung apat taidawk un la, mitin in amah hinna hukdam hen; a gawt na ziekin mangthai kihen; Lalpa phuba lak hun chuh ahi ngâla. Amah chun din thuk tei ding ahi.

JEREMIA 50:8

“Babulon apat in tai dawk un la, Kaldai te gam apat in chiehdawk un la, kel hawn laka kêlchal bangin um un!

THIEMPUDANTE 11:47

Thiengtho leh thiengtho lo khendang na ding leh, hinna nei nek theih chi leh nêk theih loh chi na khen thiemna dingun, ti’n.

1 PETER 2:5

Chun, nang haw le, suong hingte guola, thagau lam ho In a sak dawkin na um tau a, Isu Krista zâla Pathien pawm tâk, thagau lam kithawihna lân dinga, thiempu thiengthote banga na zenviel theihna dingun.

THIEMPUDANTE 11:45

Kei hi, Lalpa na Pathien uh hi dinga, Aigupta gam apat a hun puidawkpa chuh ka hi. Na thientho dinguh ahi, Kei ka thiengtho ngâl a.

PAWTDAWKNA 30:19

Zie taka chuh Aron leh a chapate’n a khut leh keng uh a sil sek ding uh ahi.

KISIMNA 8:6

“Levi te chuh Israel chate lak a pat in kawihchuom inla, suthiengtho in.

KISIMNA 16:26

Mipi kikhawm khawm haw kawm a chun a gena, “Zie migilo haw puon-In apat hin pawt un; a bangmah u hi khawih kiu un, khutilochun a gitloh nau hin hun tawkmang kha’n a,” ti’n a gen a.

KISIMNA 19:11

Chun, kuo hitaleh mithi luong khawihkha taphawt chuh ni sagih thienglo hi’n a.

KISIMNA 19:16

Chun, kuon le, mihing gam laka chemzâma kisatlum ahim, a mawk thih luong ahim, mihiem guh ahim, thân ahim, a sukkhak chun, ni sagih thienglo hi’n a.

ISAI 66:20

Tichun, Israel chate’n a thillat uh bel thiengtho a Lalpa masanga ahun chawihlut sek bangun, Lalpa kawma thillat dingin namtin apat in na suohpihteu chengcheng chuh sakawl kangtalaite leh kizawnna te, chun, sabiltung chung leh sangawngsau chung haw ah ka tâng Thiengtho Jerusalem achun hun pui un au, Lalpa’n a tii.

JEREMIA 31:21

Lampi melchikna kisiem inla, na taihsanna lampi, lam tuongpi ngêi chuh mudawk kit in. Aw nungak thiengtho Israel, hung vaikit in, zie na khawpi lam ngêi ahin.

THIEMPUDANTE 21:6

Pathien a dinga mi thiengtho a hih dinguh ahi a, a Pathien min uh a suksiet loh dinguh ahi; Lalpa dinga meia thillat te, a Pathien u a ding nek ding sieh te a lat sek uh ahi a; zieziekchun, a thientho dinguh ahi.

1 KHANGTHUBU 15:12

Levi te kawm achun, “Nang haw hi, Levi inkuon sunga lawiupa pente na hiu a. Israel te Pathien, Lalpa Thugawlh kawihna thingkuong chu, a mun ka guonggalhna a na chawn toh theihna dingun nang haw hi na unauteu tawh kihihthiengtho un.

ZEKARIA 2:10

“Aw Zion chanute, lâwpin la sau in! Na lak uh a cheng dingin ka hung ta ngâl a,” Lalpa’n a tii.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.