ISAI 51:6 - PATHIEN LEKHABU THIENGTHO (BSI)

⁶ Chunglam akhun na mit hak to unla; chun, nuoi lama lei chuh en un! Vante khu meikhu guolin hung beimang intin; lei chuh puon banga lui in sie’n tin, a sunga chêngte chuh tho bangin thi vek un au. Himahleh, ka hukdamna chuh kumlekhuo’n um intin; ka zawhna chun tawp ni nei puo’n a.

ISAI 51:6 ပူးပေါင်းရင်းမြစ်များ

MATTHAI 24:35

Lei leh van bei in tin, ka thu vang chuh bei puo’n a.

ISAI 34:4

Nisate, thate leh aksite khu sukmang in um intin, van khu lehkhabu ziel bangin kiziel mang intin; a sunga um chengte chuh, grep nah kau a vuoi a, a pulh sek bangin leh, theipi gahhut a pulh sek bangin, vuoi zo untin, pulh vek un au.

ISAI 51:8

Amau chuh nget in puon a nêk siet guolin beimang un tin; himahleh, ka hukdamna chuh kumlekhuo a ding hin ti’n; Ka zawhna chuh suon chengcheng tiengin um zing in a.

ISAI 13:13

Khutichun, van khu sulîng ing ka ting, Kei, sepaihte Lalpa lungnat ziekin, ka lungnat etsakna ding chun, lei hile a umna mun chawn hiel khawpa suklîng in um ina.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

ISAI 40:26

Chunglam a khun na mitteu hak to unla en un! Aksite khu kuo siem ahim! Amah chun sepaihte chuh kizawm zelin a puidawk sek a a min un a sam chiet sek a; A hatna nasat ziekin leh, thilhih theihna lama a hât ziekin, khatchale kimlo a um ngei puoi.

DAN NIHNA 4:19

Ahihloh leh, na mit u a van lam a dâk to in, nisa ahim, thapi ahim, aksi haw leh vanthamzawl a thilsiem chuom chuom te, Lalpa na Pathien un van nuoia nam chuom chuom te dinga a guotsak haw ahim chuh na muh tieng u leh hun hîp mang in, hun ho in, a nau hun sem kha’n lau.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

HEBRAI 9:15

Zieziekchun, Krista chuh Thugawlh Thak palai a hii, thugawlh masa nuoia sukkhelhna haw laka pat tatna’n, mi a hung thih tâk ziekin, sap a umte chun kumsawt goluoh ding thutiem chuh chang thei un au.

ISAI 50:9

Ngaitie, Lalpa Pathien chun ei panpih intin; kuo a thiem loh ei chansak ding? Amau haw chuh puon banga ziel in um un tin; nget in puon a nêk siet guolin nek zawhin um un au.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

HEBRAI 9:12

Kel leh bâwng note thisan hilo in, himahleh, amah thisan ngêi in ei u dingin kumsawt tatna mu’n, set den dingin khatvei thu’n Mun Thiengtho pen ah a lut tai.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

HEBRAI 5:9

Tichun, bukim taka a um nung in, a thu zawpte chengcheng dingin, hukdamna bulpi a hung hi tai.

SAM LEHKHABU THE PSALMS 103:17

Himahleh, Lalpa zahngaihna vang chuh amah kihchate chung achun kumsawt apat kumsawt tiengin um in a, A diktatna le a tusawn tiengin um in a.

ISAI 33:6

Amah chuh na hun leh phat kingakna, hukdamna buting, chitna leh hetna haw um kihkeih ina. Tichun, Lalpa limbawl chuh a gochan hi ta’n a.

ISAI 54:10

Tangte chuh tawlmang a um in, muol te chuh a hung kichawn mai thei a; himahleh, ka hun lungsiet na chun tâwp nei ta puo’n tin; Thamuonna thu ka tiem chuh kumlekhuo’n tuzing ing ka,” nang hun lainat Lalpa chun a tii.

SAM LEHKHABU THE PSALMS 111:3

A nasep chuh a lopi a, zahum na a dim ahi a: A diktatna chuh kumlekhuo a um ding ahi.

ISAI 54:9

“Ziehi keia dingin Noah hun lai tawbang ahi, Noah hun khan tui let kit talo dingin ka kipautiem a; Tuhin, na chunga lungna kit ta lo dingin ka kipautiem ta a; hun gawt ngêi talo ding ka hi.