ISAI 51:5 - PATHIEN LEKHABU THIENGTHO (BSI)

⁵ Ka hukdawkna chuh kin takin hung nai intin; ka hukdamna chuh ka sawldawk ta a, amau haw chuh hukdam ing ka. Ka guolzawhna ni chuh a nai ta ngâl a. Keimah ngêi hin namte chungah vaihawm ing ka ting; Tuisuohgiet panga chêngte chun ka hung ding ngak in, ka vaihawmna chuh kinem takin a ngak ngâl u a.

ISAI 51:5 ပူးပေါင်းရင်းမြစ်များ

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

2 KORINTH 5:10

Mitin in, sapum a thil bawlte, a sie a pha, I bawl bang uh a, I muh chiet theihna dingun; Krista vaihawmna chutphah masanga kilak chiet ding I hi ngâl u a.

ISAI 60:9

Amah chun ahun limbawl tâk ziekin, Lalpa na Pathien min a ding leh Israel Mithiengtho a ding chun na chapate chuh a dangkau leh sana tawh gamla tak apat a pui dingin, matheilo in tuikuol a umte chun ei ngak un, Tarshis lawngte chun masak pên hih guo’n au.

ISAI 42:4

Leichung a thutanna dik phuhdet a a um masang sieh chuh chau puo’n tin, a lung le kie diek puo’n a; tuikuol gamte chun a dân thu chuh ngaklah takin a um ngâl u a,” ti’n.

ROME 2:16

Khutichun, Chanchin Pha ka gen guolin, mihiemte lunggil a thuguk te, Pathien in Isu Krista manga a hun vaihawm ni chu leh zie tawbang mah chuh hi ding ahi.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

MATTHAI 3:2

“Lunghei un, vangam chuh a nai tai,” tin.

ZEPHANIA 2:11

Amau a dingin Lalpa chuh tizat-um tak hi’n tin, leia pathiente chuh sumangthai vek in tin, tichun, namtin a masang ah khun un tin, mitin in amau mun chiet apat in Amah chuh ho ta’n au.

JOEL 3:12

“Namte chuh kichawktho u hen la, Jehoshaphat guom achun hung u hen. Zie tak achun a kimvela nam cheng chengte vaihawm sak dingin chu ding ka hi!

ISAI 63:5

Tichun, ka vak en viel a, himahlele, kuomah ei panpih ding a um puoh a. Ka mit ka thawlh viel a, himahleh, ei hukdawk ding kuomah a um puoh a. Khutichun, ka lungnatna chun ei suhat a, tichun, keimah khut ngêi chun zawhna ei pie ta a.

ISAI 56:1

Lalpa chun hiti hin a tii, “Diktak in vaihawm unla, thil dik hih un, ka hukdam na chuh hungtung pai ding ahi ta a; ka hun hukdawkna chuh hung kilang pai ding ahi ta ngâl a.

ISAI 49:1

Nang haw thielkal a chêngte leh namte haw, ka thu hi a na ngaithau in! Lalpa chun sûl apat in ei sam ta a; Ka nu sunga ka um lai in ka min ana sa tai.

ISAI 40:10

“Entie, Lalpa Pathien chuh thilhih theihna a vaihawm dingin a hung a, a bân chun a sik in vaihawm intin, entiem u, a kipahman chuh a kawmah a um hi; a ditna chule a masangah um ina.

SAM LEHKHABU THE PSALMS 98:9

Khawvel vaihawm dinga hung Lalpa masang achun: Khawvel hi diktat takin vaihawm sak intin, Khenchuom neilo in mi cheng cheng hi vaihawm sak ina.

SAM LEHKHABU THE PSALMS 85:9

A hukdamna chuh amah kihchate kawmah achun a um ngêi ngêi sek hi; Zie lopina chuh ka gam u ahin a um theih na dingin.

SAM LEHKHABU THE PSALMS 67:4

Namtin chu kipâk u henla, lawp in lasau hen: Nangin mitin chu khenchuom neilo in vaihawm sak in, Leichung a namtin chu kaihuoi ding na hi ngâl a.

1 SAMUEL 2:10

Lalpa dote chu phieh dimdem in au, Vana pata vanpi git in do intin: Lalpa chun kâwlmawng tiengin vaihawm in tin; A leng chu hatna pien tin, a thaunuh ki chu dawmsang ina,” a ti a.

DAN NIHNA 30:14

Ei puoi, thu chun a hun naih mah mah hi; na zuih theihna dingun na kam u a le a uma, na lungthim u a le a um hi.

SAM LEHKHABU THE PSALMS 110:6

Amah chun namte chungah vaihawm intin, Mun haw chuh mithi luong in dim intin, Gam tamtak luchangte chuh sat phel lem lum in a.

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

ISAI 24:15

Zie ziek chun, ni suohna lam a chêngte chun Lalpa pakchau in tin; tuipi panga chêngte chun Lalpa min chuh lopina pie’n au, Israel Pathien chuh!

ISAI 26:4

Lalpa chuh kumlekhuo’n muong un: Lalpa, Jehovah ahi a; kumsawt suongpi ahi.

ISAI 33:2

Lalpa, ka chungu ah zahngai in, nang ka hun ngak zing ngâl u a; zingkal chenga ka bit nau hi’n la, buoina apat in ei hukdawk in.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.

ISAI 59:16

Sukgimtheih a umte panpihtu ding um loh chuh mak a sa mah mah a. Zieziekchun, a thilhih theihna chuh hun suoh in tin; amau haw chuh hun hukdawk in a.

ISAI 62:11

Ngaitiem u, Lalpa chun kâwlmawng tiengin a phuong ta a; “Zion chanu kawm achun gen inla, Ngaitie, na hukdamna chuh ahung tung ta a, a kipahman chuh na kawmah a um a; na sepman ahun piek ding chuh a masang ah a um hi” ti’n.