ISAI 51:20 - PATHIEN LEKHABU THIENGTHO (BSI)

²⁰ Na chapateu chuh a chautha zo tau a, sazuk thânga âwk bang mai in khawlai ning tin a chun a kital lemlum zieng tau hi; Pathien lungnatna chun a dim u a! Pathien hansie a thuok tau hi!

ISAI 51:20 ပူးပေါင်းရင်းမြစ်များ

THUPHUON 14:10

Pathien lungnatna uain, a thangtawmna khawn bangmah tawh helloh a hun sundawk chuh dâwn untin, chun, vânsâwlchâk thiengthote leh Belam No mitmuh ah mei leh kât a gawt a um ding ahi, ti’n aw ngeih tak in a kiko a.

EZEKIEL 39:19

Nanguh dinga kithawihna guolvak ka bawl thau chuh vah set in neu un na tin, a thisan chuh kham khawp in dâwn un lau.

EZEKIEL 17:20

Lên in khuh ing ka ting, ka thâng achun âwk intin, Babulon achun hun pui ing ka ting, kei dinga a ginum loh ziekin zie chun a chunga thutanna siem ding ka hi.

EZEKIEL 12:13

Amah chuh ka lên khuh ing ka ting, ka thâng ah âwk hi’n a; amah chuh Kaldai gam, Babulon achun pui ing ka ting; ahih ziekin ama’n muh chuh mu puo’n a, zie tak a chuh thi ding na hi na a.

SUNNA LA 5:13

Ka tangvalteu chu suongsumhei hêk dingin nawh in a um u a; Pasal naupangte chu thing lawm nuoi achun a lawn duoi duoi u a.

SUNNA LA 4:2

Zion tangval lul tak, sana hawih tak tawh tehkal theih haw chu; bangti dana bêldêngpa khuta leibel bang mai hung hi ahi tau hi?

SUNNA LA 1:19

Ka ngaihnatte chu ka sama, himahleh amau haw chun ei thêm tau hi; Thiempute leh upate chu khawpi sung ah a thi zo tau a, A hinna ding u a nek ding a hawl lai ngêi u chun.

SUNNA LA 1:15

Lalpa’n ka mihatteu chu bangmahlo a chansak ta a; Ka tangvalteu sumangthai dingin khawppi pawimawh a sama. uain thawkna bang mai in Lalpa’n Juda chanute chu a tawh den a.

JEREMIA 14:18

Daikieng a ka va chieh leh, ngaitie, chemzâma thah te, khawpi sunga ka lut leh, ngaitie, kielpi a thite ka mu a; Gamsung achun thiemgaute leh thiempute chuh, amau lawkna mai hawl in a vakviel u a, zie tawbang a thiltung haw chuh a hepha puou hi.” ti’n.

JEREMIA 14:16

Chuleh, a thu gen uh a na dawng namte chule kiel leh chemzâm in Jerusalem kawtthêl achun paih dawk in um un tin, amau haw leh a ziteu, a chanuteu leh a chapateu pum in a vui ding umlo khawp in um un au. A nunsiet nau chuh a chung u a sungtha ding ka hi ngâla.

ISAI 51:21

Zieziekchun, nang haw liemna thuok, Jerusalem a gimtheihna thuokte haw, uain dâwn kham hisâm lo a lawn duoi duoi te haw, zie hi heu in!

ISAI 51:17

Aw Jerusalem, tho dawkin! Nangmah kipan inla; ding dawk in! Lalpa’n a lungnatna khawn dâwn ding a hun piek chuh na dâwn zo ta a, Na dâwn zo a, a hun sulawn duoi duoi a.

ISAI 49:26

Nang haw hun bawl gimtheite chu amau leh amau kithah tuoh sak ka ting; lungnatna leh tuolthahna thisan chun uain guolin dâwn kham un au. Khutichun, Kei hi Lalpa, nang haw hun hukdawkpa leh, Jakob mihat chuh ka hi tih micheng in he ta’n au,” ti’n.

ISAI 29:9

Ding zing unla, maksau un! kimuhmawh sak unla, mitdûk in um den un! a kham u a, himahlele, uain ziek ahi puoi; a lawn a lawn u a, mahleh, zu dâwn ziek ahi puoi.

ISAI 8:21

Lungkham tak leh gilkiel kawmin zie gam chuh tawh viel untin, chun, hiti hi hi’n tin, a gil uh a kiel tieng a lung uh na mah mah untin; a lal u leh a Pathien u chuh hansie lawh zawk zawk un tin, van lam nga’n dâk uou uou un au.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

DAN NIHNA 14:5

Sakhi haw, sangai haw, sakhineute haw, sakel haw, gamkel haw, sakhi hang chi haw, gam belam haw hi.

ISAI 40:30

Khangdawng laite nasan le chau in puk un tin uh, tangval thahat laite le puktha kêi un au:

DAN NIHNA 28:20

“Lalpa’n na chungu ah gâusapna hun sawl intin, na sep na bawl cheng u ah buoina leh gimthawnna hun sawl intin, amah nusieh a thil phalo na hih ziekun, kintaka sietna leh châtvaihna na tuok masangsieh un.

ISAI 66:15

Ngaitie, a lungnatna chuh thangtawm taka sungtha ding leh a hilhgaihna meikuong a sungtha dingin Lalpa chuh mei a hung ding ahi ngâla, a kangtalai haw chuh chinpei bang mai hi’n au.

SUNNA LA 2:19

Zan in tho dawk inla, zan ven hun kipat tûngin Lalpa ma ah na lunggil tui bangin sung dawkin. Khawlai ning tina gilkiel a sawlsam na chate dingin a kawm lam ah na khutte dawmsang in.

SUNNA LA 4:11

Lalpa’n a lungnatna lauh-um tak chu a suguitung a, a lungnatna tizat-um tak chu a sungbuo a; Zion achun mei a chawhkuong a, zie chun, a suongphum haw nasan a katum tai.