ISAI 51:16 - PATHIEN LEKHABU THIENGTHO (BSI)

¹⁶ Chun, vante khu ka kaimalh a, leisiet kingakna ka phum a, Zion kawm achun, ‘ka mite na hiu! ka thu sinsakte ka hun pie a, ka khut in ka hun liehkhuh na hiu hi,’” ka ti a.

ISAI 51:16 ပူးပေါင်းရင်းမြစ်များ

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

ISAI 49:2

Ka kam chuh chemzâm hiem tak guolin a siem a; amah khut lim ngêi achun ei na selgu a. Thalpi chang banga hiem in, mat dingin ei na siem ta a.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

DAN NIHNA 18:18

A suohpihteu lak apat ngêi in amau dingin nang tawbang thiemgau tungdawk ing ka ting; a kam ah ka thu haw chuh kawih ing ka ting, a kawma thu ka piek cheng chuh a kawm u ah gen ina.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

ISAI 66:22

“Tichun, Van thak leh lei thak ka siem ding chuh, ka ma a um zing ding ahih tâk ziekin, zie tawbang chun na suonteu leh na min u chuh um zing ding ahi, Lalpa’n a tii.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

ISAI 50:4

Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

ISAI 48:13

Ka khut hin leisiet kingaknate hi ka siem a; ka khut changlam in vante khu ka zak palh a; amau chuh ka sap tieng leh, a ngaitha sek ui!

2 PETER 3:13

Himahlele, Pathien thutiem; van thak leh lei thak, a sunga diktatna um ngêi chuh, ngak in I um zawu ahi.

ISAI 65:17

“Ngaitiem u, van thak leh lei thak ka siem hi! Tuma thilte chuh hetzing hi ta puo’n tin, lungthima le lut diek ta puo’n a.

HEBRAI 8:10

Zie nikhuo haw nung achun Israel inkawte kawmah, Ka thugawlh ding chuh ziehaw hi a hii, Lalpa’n a tii; A lunggil u ah ka dân thupiek haw kawih ka ting, A lunggil u ah le zik ing ka ting; Chun, amau dingin a Pathien uh hi’ng ka ting, Keia dingin le amau haw chuh ka mite hi’nau, Lalpa’n a tii.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

SAM LEHKHABU THE PSALMS 92:13

Lalpa In a phuh haw chuh, I Pathien uh Ho-In huongsung inmai achun duoh hut hut un au.

DAN NIHNA 33:27

Kumsawt Pathien chuh na kisêlna ahi a, Nuoi lam ah kumsawt bân haw chuh a um, Melmate chuh a hun nawhmang saka, ‘Sumangthai in,’ a tii.

PAWTDAWKNA 33:22

Chun, hiti hi hi’n tin, Ka hun chiehpelh sung chun, suongpi khi sung ahin hun kawih ing ka ting: ka hun chiehpelh masang sieh chuh ka khut in hun lieh khuh ing ka ting;

THUPHUON 1:1

Isu Krista thuphuon dawk; Pathien in a sawntawlawite hetsak dinga a kawma a piek, thil hungtung vak zieng ding thute chuh ahi. Zie chuh a vânsâwlchâk sawl in, a sawntawlawi Johan a hun hetsak a,

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

JEREMIA 32:38

Chun, ka mite hiu untin, kei a Pathien uh hing ka ting,

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 45:18

Lalpa chun vante hi a siem a, amah chuh Pathien ngêi chuh a hi! Leisiet hi a siem a, a din a, a hihdet a. Mawk um mai dingin a siem puoh a, mihingte chênna dinga a siem ahi. Amah chun, “Kei hi Lalpa chuh ka hi a, Pathien dang himhim a um puoi, a ti a.

SAM LEHKHABU THE PSALMS 75:3

Lei leh a chunga um chengcheng chuh a tuimang zo tai: Ken a khuom haw chuh ka phuh ahi. Selah

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

PAWTDAWKNA 4:15

“Khutichun amah chuh hopih in, thumawp in la; tichun, na nih u chun thugen dingin hun panpih ing ka ting, na hih ding u chuh hun hilh zel ing ka.

SAM LEHKHABU THE PSALMS 91:4

A tha’n hun khuh intin, A thanuoi achun bitna mu’n na tin; A thutak chuh phaw neu leh phaw lien ahi.

ISAI 57:19

Thamuonna, Thamuonna, mun gamla leh naia umte kawma achun thamuonna um hen; amau chuh sudam ing ka, Lalpa’n a tii.

JEREMIA 1:9

Tichun, Lalpa chun a khut in ei hun bana, ka kam a khawih a, chun Lalpa chun ka kawmah; “Ngaitie, na kam ah ka thu haw chuh ka kawih tai.

JEREMIA 24:7

Tichun, Lalpa ka hi tih ei hetna dingun lungthim pie’ng ka ting, tichun, ka mite hiu intin, Kei a Pathien uh hi’ng ka ting; a lunggil tak tak uh pum in ka kawma hung vaikit ding ahi ngâl uh a.”