ISAI 51:12 - PATHIEN LEKHABU THIENGTHO (BSI)

¹² Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

ISAI 51:12 ပူးပေါင်းရင်းမြစ်များ

SAM LEHKHABU THE PSALMS 118:6

Lalpa chuh kei lama pang ahi; lau puo’ng ka: Mihing in bang ei lawh thei die?

1 PETER 1:24

“Mi chengcheng hampa guol ahiu a, A lopina chengcheng u le, Hampa pak bang ahi. Hampa chuh a vuoi a, A pak chuh a pulh a,

ISAI 2:22

A nak a hu a neih ziek chauh a hing, mihing, thi zieng theite ginchak hi haihsan tau un; bang lam ah ahim ginchak tâk a hihnau chuh?

JOHAN 14:18

“Thawmhau in nanguh hun nusieh puo’ng ka; na kawm u ah hungkit ing ka.

ISAI 66:13

Nu’n a cha a lungmuon bangin hun lungmuon ing ka ting; Jerusalem achun lungmuong takin um ta’n lau.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

ISAI 51:3

Zion chuh thamuon ing ka ting, a hawma taihsan a a umna mun cheng achun A gamgaw chuh Eden bangin siem ing ka ting, Lalpa huon bangin siem ing ka ting; zie tak achun ka kawma kipah thugenna te, pahchakna la te, lawpna leh kipahna thawmte um ta’n a.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

THUCHINGTE 29:26

Mi tam takin vaihawmte deihsakna chuh a hawl sek u a; himahleh, mihingte chun Lalpa apat thudik a muu hi.

SAM LEHKHABU THE PSALMS 146:4

A hat uh a beih tieng leh, amah chu lei achun a vaikit a; Zie ni mah mah chun a thil guonggalh haw chu a bei ngâl hi.

SAM LEHKHABU THE PSALMS 92:7

Minunsie chuh hampa bangin a hung dâwn dawk u a, Thil phalo hihte chengcheng chuh a hung duoh u a; Amau chuh kumlekhuo a dingin hih mangthai in um ding ahiu ui tih hi.

NASEPTE 9:31

Khutichun, Sapchuomte chuh Judai gam vel ale, Galili gam vel ale, Samari gam vel haw achun a det deuh deuh tau a, muong takin a um tau hi. Lalpa limbawl in, Thagau Thiengtho lungmuon in, a um u a, a hung pung tiltil tau hi.

1 SAMUEL 15:24

Chun, Saul chun Samuel kawmah. “Thil gilo hih kha ka na hita hi: Lalpa thupiek leh na thu chu ka na bawhsie ahi tai; mipite ka lau a, a thuu ka na zuih ziek ahi.

2 LENGTE 1:15

Tichun, Lalpa vânsâwlchâk chun Elija kawmah, “Amah hi tawh kitawnsuk un, lau ki’n,” a ti a. Tichun, a kipan a, leng kawma ding chun a kitawn suk tau a.

ISAI 40:1

“Thamuon unla, ahi, ka mite hi thamuon un, a Pathien un a tii.

ISAI 49:13

Aw vante haw, kipaka lasa’n kiko unla, Aw leisiet lâwpin kiko un, tângte chun lasa dawk u hen la; Lalpa chun a mite a thamuon ta a, Gimtheihna thuokte chung achun zahngaihna latsak ding ahi ngâl a.

ISAI 57:11

“Kuo na lauh ziek leh na kihchak zieka lepchieh gena ei hezing lo a ei ngaihtuoh lo na hi? Hun sawttak ka hun thipsan ziekin nei limbawl talo ahi maw?

JEREMIA 38:19

Ziephet chun, Zedekia chun Jeremia kawmah, “Kaldai te khuta umsa Judate chuh ka lau hi, a ziek chuh, a khut uh a piek in um ta leng, ei sugimthei ding a hih ziekun a hi!” ti a.

JEREMIA 41:18

Tichun, Nethania chapa Ishmael chun Ahikam chapa Gedalia, Babulon leng in zie gam awp a a kawih chuh a thah ziekin a mau chuh a lau mah mah zieng ta ngâl u a.

EZEKIEL 2:6

Chun, nang mihing chapa, amau chuh lau ki’n la, a thuu le lau diek ki’n, na kimvel achun hamlingnei leh ling um in, aikawm laka cheng himahleh chin le: helchîng mi himahleu le a thuu chu lau ki’n la, a kilat dân u ah lungthuoi diek ki’n.

1 SAMUEL 17:11

Chun, Saul leh Israel sepaihte chengcheng chun zie Philistia pa thugen chu a het phet un a taisieua, a lau mah mah mai tau a.

1 SAMUEL 21:13

Khutichun, a mau achun a umdan a theng a, a khut u a a um zing lai chun a kingawlsak ta a, kawtkhakhaw bang chu a khuot diek diek mai ta a, a khamul haw achun a chil poh a luon sak zeng zung zieng ta a.

ISAI 8:12

“Zie mite phielgukna hi kizawppih kiu unla, a kihchak u chule kihchalo in, lauh le lau kiu in, a ti a.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 52:9

Jerusalem, hawmngawn a um sate haw, kipaka lasa’n kiko dawk un la! Lalpa’n a khawpi chuh hukdawk intin, a mite chuh thamuon ding ahi ngâl a.

ISAI 61:2

Lalpa lungkim kum thu phuong ding leh I Pathien uh phulakna ni a tung tai tih gen ding leh lusûnte thamuon ding leh,