ISAI 50:8 - PATHIEN LEKHABU THIENGTHO (BSI)

⁸ Pathien chuh a nai a, ka thiemna thu chun hun sulang intin; kuo a kei ei do thei ding? Ei kimaituohpih u hen la! Ei hêkna thuu chuh hun gen u hen!

ISAI 50:8 ပူးပေါင်းရင်းမြစ်များ

THUPHUON 12:10

Chun, van a kipat chuh aw ngeih tak in, “Tuhin chuh I Pathien uh hukdamna leh, thilhih theihna leh gam chuh a hungtung tai! Tuhin, Krista chun a thuneihna chuh a sulang tai! Tuhin, I Pathien uh masanga dinga, I suohpihteu sun leh zan a hêk sekte khah, van apat a paihthâk in a um tau hi.

ISAI 41:1

Aw, tuikuol gamte haw, ka masangah thipkêi in um un! mitin in a hâtnau la thak u hen la, hun naih u henla, thu gen sak un; vaihawm dingin kinaih tuoh dii tiu.

ISAI 43:26

Mawh ei chansak un la, ngaihtuoh khawm hitiu; na diknau chuh het a hih theihna dingin na thuu chuh gen un.

ISAI 41:21

Na thuu chuh hun gen tiem u leh, Lalpa’n a tii. Adik hi ti a na pansaknau chuh hun pawdawk un, Jakob Pathien chun a tii.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

MATTHAI 5:25

“Na kilanpih chuh lampi a na kitawn pet u chun kichampih vak ah; khutilochun na kilanpih chun vaihawmpa hun matsak in tin, vaihawmpa chun mi mante kawmah hun pie’n tin, suongkul a khum in um khan la.

DAN NIHNA 19:17

a kilangsehte nih chuh Lalpa ma a, zie pêt a thiempute leh vaihawmte ma a chuh a din dinguh ahi;

PAWTDAWKNA 22:9

“Kiniel buoina taphawt chuh bâwngchal thu ahim, sabiltung thu ahim, belam thu ahim, silhlechen thu ahim, thil bang hileh mansak chungchâng thu mawngmawng ah mi’n, ‘Ziehi chuh keia ahi,’ a tih chun, a nih u a thubuoi chuh vaihawmte masanga a tut ding ahi. Vaihawm te’n mawh a chansak zawk zawk chun a invengpa chuh a lehnih pie’n a.

JOB LEHKHABU THE BOOK OF JOB 13:19

Thiemmawh ei chan dinga hung na hi maw? Khuti ahih chun, thip ing ka ting, thi ding ka hi.

SAM LEHKHABU THE PSALMS 119:151

Aw Lalpa, nang chuh na nai a; Na thupiek cheng chu thutak ahi.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

ISAI 45:25

Tichun, Israel suonte chengcheng chuh Lalpa achun guolzo un tin, tichun, Lalpa suong ding ahiu hi, ti’n.

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.