ISAI 50:7 - PATHIEN LEKHABU THIENGTHO (BSI)

⁷ Lalpa Pathien in ei panpih ziekin muolpho in ka um puoh a, zieziekchun ka maichang hi meisuong bangin ka dawh a; tichun, zahhuoi a umlo ding ka hi tih ka hêi.

ISAI 50:7 ပူးပေါင်းရင်းမြစ်များ

HEBRAI 13:6

Khutichun, hangsan takin, “Lalpa chuh ei panpihpa ahi a, lau puo’ng ka; Mihiem in banga ei lawh theih dinguh?” I ti sek ui.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

ROME 1:16

Chanchin Pha chuh ka zahchâkpih puoh ngâl a; kuole a gingcha tapohte dingin hukdamna dinga Pathien thilhih theihna ahi ngâl a, a tûngin Juda mite dingin ahi a, chun, Grik mite dingin a hung hi kit a.

1 PETER 4:16

Himahlele, Kristien a hih ziekin thuok mahleh, zakcha kihen; Krista minpu na hih ziekuh chun, Pathien pakcha zawu hen.

LUKE 9:51

Chun, tihi ahi a, Isu chuh van a laktoha a um ding phat a hung naih phetin, a lungthima kiguo’n, Jerusalem a chieh dingin a kipan dawk ta a.

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

ISAI 50:9

Ngaitie, Lalpa Pathien chun ei panpih intin; kuo a thiem loh ei chansak ding? Amau haw chuh puon banga ziel in um un tin; nget in puon a nêk siet guolin nek zawhin um un au.

JEREMIA 1:18

Ngaitie, tuni hin a gam pumpiu a Juda lengte, a lawiupateu, a thiempu teu leh zie gama mite leh khawpi kulh nei haw leh thik khuom leh sumsan banga ka hun siem na hi.

SAM LEHKHABU THE PSALMS 110:1

Lalpa chun ka Lalpa kawmah, “Na melmate na keng ngakna a ka siem masang sieh, Ka changlam ah chu’n,” a ti a.

ISAI 29:22

Zieziekchun, Lalpa, Abraham hukdawkpa chun, Jakob insung thu achun hiti hin a tii “Jakob chuh zahhuoi in um ta puou un tin, a mai chuh le zakcha’n dângtha diek ta puo’n a.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

ISAI 54:4

Lau ki’n la, sukzahhuoi a um kit lo ding na hi a; lungkie ki’n, muolpho in um kit diek ta puo’n la; Na ngaklak lai zahchâkna cheng kha hengilh ta’n na tin, meithai chansie tak guola na umna chuh hengilh ta’n la.

MIKA 1:2

Nang haw, namtin chengte haw, zie hi heu in! Aw lei leh a sunga um chengcheng te haw, ngaithau in! Lalpa Pathien chun nang haw do in thu gen in tin; A Ho-In thiengtho apat a a thugen chuh ngaithau in!

SAM LEHKHABU THE PSALMS 54:6

Keimah deihlam a thillat in na kawmah kithawi ing ka ting, Aw Lalpa, na min chuh pakcha’ng ka, a pha ngâla.

ISAI 49:23

Tichun, lengte chun na chateu chuh dâwn un tin; lengnute chun le na chateu enkawl un au. Amau haw chun maia lei si’n chibai hun bûk un tin, na kêngpêk u a leivui chuh liek un au. Tichun, Kei hi Lalpa chuh ka hi tih hun he ta’n au; kuole ka panpihna ngakte chuh muolpho in um puo’n au,” ti’n.