ISAI 50:4 - PATHIEN LEKHABU THIENGTHO (BSI)

⁴ Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

ISAI 50:4 ပူးပေါင်းရင်းမြစ်များ

LUKE 21:15

na melmateu chengcheng in, a hun do dîl u a, a hun niel theih lohna ding, kam leh chitna hun pie ding ka hi ngâl a.

JEREMIA 1:9

Tichun, Lalpa chun a khut in ei hun bana, ka kam a khawih a, chun Lalpa chun ka kawmah; “Ngaitie, na kam ah ka thu haw chuh ka kawih tai.

THUCHINGTE 25:11

Ngaihdan diktak gendawk chuh; dangkaguo bawm sunga sana theigah tawbang ahi.

THUCHINGTE 15:23

Dawnna dik chun mi a sukipak a, a hun dik taka thugen chuh bang tienga pha ahi ta’m!

SAM LEHKHABU THE PSALMS 119:147

Phalvak masang in ka tho a, panpih ngenin ka uou sek a: Na thu haw chuh ka kineppih sek hi.

SAM LEHKHABU THE PSALMS 143:8

Zinglam in na zaidawhna ei zak sak inla; Nang ka hun gingcha ngâla: Ka chieh na ding lampi ei sinsak inla; Ka hinna nang lam ah ka dawmsang ngâla.

SAM LEHKHABU THE PSALMS 5:3

Aw Lalpa, zingkal hin ka aw hi a na he sek in na tin: Zingkal chun ka dinmun hi na masangah ka hun tun a, ka hun na ngak zing hi.

LUKE 4:22

Tichun, a bawn un amah a pakchau a, a kamsuok lungsietna thu haw chuh mak sa ten u a. tichun, “Zie pa hi Joseph chapa hilo ahim?” a tiu a.

MATTHAI 13:54

Chun, a umna khaw lam chu a tung a. A kikhawpna In hawu a chun amau haw a sinsak ta a, khutichun mak a sa ten tau a, “Zie pa hin zie chitna leh zie thilmak hih theihna haw hi hâwi apat a a muh ahi?

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

MATTHAI 22:46

Ziephet chun, kuoma’n kam khat chan le a dâwng thei ta puou a, zie ni a kipat chun kuoma’n thu dang himhim a dawng ngam ta puou hi.

JOHAN 7:46

Mi mante chun, “Tawbang himhim khun kuoma’n thu a gen kha puou!” ti’n a dâwng u a.

SAM LEHKHABU THE PSALMS 45:2

Mihiem chate lak ah na hawih pena; Lungsietna hi na mûk a sun khum ahi: Zieziekchun Pathien in kumlekhuo a dingin a hun vangsak ahi.

SAM LEHKHABU THE PSALMS 88:13

Mahleh Aw Lalpa, kei vang chun ka hun uou a, Ka pauchamna chuh zinglam in na ma ah hung tung ina.

THUCHINGTE 12:25

Lungthima lungkhamna chun mi a sawn kûn a, himahleh, thupha chun vang mi a sukipak sek hi.

ISAI 8:16

Hetsakna thu kiziel hi kân inla, Dan thu hi ka sinsakte lak ah nam in, tiemteh in.

ISAI 28:9

“Hetna lam chuh kuo’n a sinsak ta die? Thu vaithak chuh kuo hih a a hetsak ding? Nausen nawichep hai pan phet te leh nawichep lai kikaithate a ding ahi die?

ISAI 28:19

A luon pai cheng leh hun tawk zel intin; zingkal tin leh sun chengin luong zing ding ahi ngâl a. Sun leh zan in zie chuh thuok zing unlau. thuthak hung pawt cheng chun lauhna thak hun tun khum zel ina.

ISAI 35:5

Zie tieng chuleh, mitdûkte chun mu thei tau untin; bengngawngte chun le za thei ta’n au.

ISAI 40:29

Chaute kawm achun hatna a pie sek a; hatna himhim nei lote kawm achun hatna a pie sek hi.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

ISAI 54:13

Na chate cheng chuh Lalpa’n sinsak intin, na chate hauhsakna chuh lopi tak hung hi’n a.

JEREMIA 31:25

Thagau hinna chau haw chuh ka sutai ta a, mi lungkhamte chuh ka suhalh ta ngâla.

EZEKIEL 46:13

“Chun, ni chengin Lalpa kawma hâlmanga kithawihna dingin belamno kum khata upa, demna bei na lat ding ahi. Zie thillat chuh zingkal chenga hih ding ahi.

DAN NIHNA 18:17

Ziephet chun, Lalpa’n ka kawmah, ‘A thil gen u hi aphai.

DAN NIHNA 18:18

A suohpihteu lak apat ngêi in amau dingin nang tawbang thiemgau tungdawk ing ka ting; a kam ah ka thu haw chuh kawih ing ka ting, a kawma thu ka piek cheng chuh a kawm u ah gen ina.

JOB LEHKHABU THE BOOK OF JOB 4:4

Na thu chun pukthate chuh na tung ding a, Khupzawite chuh na hih hât a.

SAM LEHKHABU THE PSALMS 40:7

Ziephet chun, ken, “Ngaitie, ka hung hi; Lehkhabu ziel achun ka thu zik ahi a: