ISAI 50:2 - PATHIEN LEKHABU THIENGTHO (BSI)

² “Ka mite hukdawk dinga ka chieh laia kha bang zieka ei ngaihsak loh uh a? Ka sap laia kha bang zieka ei dâwnglo ahiu u? Amau haw hukdawk theilo dingin ka bân hi sukchawm in a um a ahim? Ahihloh leh, hukbit dingin hihtheihna ka nei puoh a ahim? Ngaitie, thupiek chauh in tuipite ka sukang a, tuipite thalek ka suok saka, khutichun, tui um loh ziekin a sunga nga chengcheng chuh dangchâk in a thiu a; a uih zo vek tau hi.

ISAI 50:2 ပူးပေါင်းရင်းမြစ်များ

ISAI 59:1

Ngaitiem u, Lalpa khut chuh hukdam theilo dingin hih chawm in a um puoh a; a bil chule za theilo dingin a ngawng diek puoi!

KISIMNA 11:23

Chun, Lalpa’n Mosi kawmah, “Lalpa khut chuh sukchawm ahim? Ka gen chuh a guitung em, a guitung puo’m, hun mun la,” a ti a.

ISAI 66:4

Ka sap lai khan kuoma’n ei dâwng puou a, a kawm u a thu ka gen laia kha bil a a zak loh u a, ka mitmuh a thil gilo chuh a bawl zawk u a, ka kipah loh lam thil chuh a tel ziekun, ken le amau haw thepna ding chuh tel sak ing ka ting, a lauh zawng u haw chuh a chung u ah tunsak ing ka” ti’n.

JOSHUA 3:16

saklam apat a tui hung luong suk lai chuh a châwl ta a, gamla taka Zarethan panga Adam khawpi achun a kiting khawm viehvuoh zieng a; chun, Arabah Tuipi, Tuipi Al lama luong suk lai chuh a châwl ta a.

THILSIEMBUL 18:14

Lalpa a dingin thil bangkim a haksa taluo a um a ahim? Hun tiem ahung tun phat chuleh na kawmah hungkit ing ka ting, chun Sara’n chapa nei ina” a ti a.

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.

THUCHINGTE 1:24

Ka hun sama, na ngaitha nuom puou a, ka khut ka zaka kuoma’n na ngaihsak nuom puou hi.

JOHAN 1:11

A mite kawmah a hung a, a mite’n amah a na he puou.

NAHUM 1:4

Tuipi chuh kang dingin thu a pie a! luipite chuh a luon kang sak a. Bashan gama lote chuh a chultha ta a, Karmel tângte chuh a ngui zo ta a; Lebanon tânga pakchate chuh a vuoi zo hi.

HOSEA 11:2

Himahleh, ka hah sap phawt leh, kei apat in a taimang gamla zaw deuh a. Baal kawmah a kithawi u a, milim siemkawmte kawmah gimlimte a hâl u a.

DANIEL 3:29

“Zieziekchun mitin, namtin, pau tin in, Shadrak, Meshak leh Abednego te Pathien chunga thu phalo gen taphawt chuh sat nêl hiu intin, a inteu chuh thilsie kawihkhâwm tawbanga siem in um un au tin thupiek ka siem ahi: zie tawbanga hukdawk thei pathien dang mawng mawng a um puoh ngâl a,” a ti a.

DANIEL 3:15

Tuhin, pengkunte, châmngaite, kingkangte, gawsemte, bajate, pekgitte, leh thil githei tincheng na zak tiengu leh bawkkhup a ka milim siem chibai na bûk u chun phan tin: chibai na bûk loh uh le vang chuh zie hun mah mah chun hâltuina meipi a paih lut hi’n lau: ka khut apat nang haw hun hukdawk thei ding pathien dang um dingin na gingchau em?” a ti a.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

ISAI 65:12

Ka hun sap lai in nei dâwng puou a, ka hun hopih lai in le nei ngaihsak puou a, ka mitmuh in thil gilo chuh na hih u a, ka kipahpih loh thil na tel zawk ziekun chemzâm a thah in um un na tin; na bawn un zie thihna masang achun kûn un lau.

ISAI 59:16

Sukgimtheih a umte panpihtu ding um loh chuh mak a sa mah mah a. Zieziekchun, a thilhih theihna chuh hun suoh in tin; amau haw chuh hun hukdawk in a.

ISAI 43:16

Tuipi ah lamlien a siem a, tui hat lak a lampite gawlh pa chun hiti hin a tii,

ISAI 42:15

Muol leh tângte chuh suchai ing ka ting, thing leh hampa chengcheng te chuh sugaw vek ing ka; Luite chuh gamgaw’n siem ing ka ting, dîl tuite chuh hihkang ing ka.

PAWTDAWKNA 14:21

Chun, Mosi’n tuipi chungah a khut a vak zak a; chun, Lalpa’n suohlam huih hattak zânkhuo’n a nun sak a; chun, tuipi chuh lei hul a suok sak a, chun, tui haw chuh a hung kikhen tau hi.

PAWTDAWKNA 7:21

Chun, Nile luipi a ngahaw chuh a thi zo vek u a; Nile luipi chuh a uih vengvung zieng ta a. Aigupta mite chun lui a tui chuh a dâwn thei ta puou a; Aigupta gamsung chengcheng chuh thisan in a dim suok ta a.

PAWTDAWKNA 7:18

Tichun, lui a ngahaw chuh thiu intin, lui chuh uih vengvung in a; tichun, Aigupta mite’n luia tui chuh dâwn thei puo’n au a tii, ti’n gen in,” a ti a.

JOHAN 3:19

Ziehi mawhna chuh a hii: Vak van nuoi ah a hung a, himahlele, mite’n vak sangin thim a deih zawu, a thilhih hawu a gitloh ziekin.

MARK 4:39

Tichun, Isu chuh a hung tho a, huihpi chuh thu a pie a, “Thip inla, um hiet hiet ah” a ti a. Tichun, huih chuh a hai ta a, a hung thip kêi zieng ta a.

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.

ISAI 63:13

“A kisuih loh na ding u a tui thuk taka, thalek a sakawl puih banga amau haw puipa kha khawi tak a um?

ISAI 51:10

Tuisuohgiet thuk tak leh lien takte hih kang a, Hukdam sate chieh galkaihna dinga, tui laka lampi siempa kha nang hilo na hi?

ISAI 41:28

Himahleh, ka vak et leh kuomah a um ta puou hi, a lak u achun lemguottu khatchale a um puou a, ka thil dawt ei dâwng thei khatchale a um diek puou ui!

ISAI 36:20

Zie gam haw pathiente chengcheng lak achun, a gam uh ka khut apat kuo a hukdawk kha ta? Lalpa chun Jerusalem hi kei apat in a hukdawk laizang ding ahim? ti’n” a ti a.

ISAI 19:5

Tichun, Nile luipi tuite chuh tawm intin, luite chuh awl awlin hung kang ina.

SAM LEHKHABU THE PSALMS 107:33

Amah chun luipi haw chu gamgaw a suok sak sek a, Tuinak haw chu tânggawchak a suok sak sek hi.

2 KHANGTHUBU 32:15

Zieziekchun, Hezekia hin hun thêm dah henla, khutibang chun hun thêm kihen la, amah chu gingcha kiu in; bang nam pathien leh bang gam pathien inle a miteu ka khut apat in leh ka pute khut apat hukdawk thei a um puou a; bangti’n ahim na Pathien u chun ka khuta pat a hun hukdawk theih diek ding?” ti’n Jerusalem ah mite a sawl a.

PAWTDAWKNA 14:29

Israel chate vang chuh tuipi sung lei hul achun a chieh vek tau a; chun, tui haw chuh a changlam pang u leh, a veilam pang u a chun amau dingin bâng ahi ta a.

JEREMIA 8:6

Bil dawh in ka ngaitha a, kuoma’n thudik a gen ta puou a; kuoma’n bang ahim ka na hih, ti’n a gitlohnau a kisik diek puou hi. Mitin amau lampi chiet ah a chieh u a, kidona muna sakawl kikhawh viel puotpuot guol in.

SAM LEHKHABU THE PSALMS 106:9

Tuipi San chuh a hilhgaih a, tichun a hung kang ta a: Khutichun amau haw chu thaleka a puih kaih tawbang in tui thuk tak a chun a puikai ta a.

DANIEL 6:27

Amah chun a humbit a, a hukdawk a; lei leh van a hin melchiknate leh thilmakte a hih a; amah hi sakeibaknei thilhih theihna apat a Daniel hukdawkpa chuh ahi,” ti’n.

JEREMIA 7:13

Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.

ISAI 11:15

Tichun, Lalpa chun Aigupta Tuisuohgiet ningkawite chuh hihsie vek intin; Euphrates luipi chule a huih lum peppup chun hih kang ina. Luicha sagih suoh theih khawp in zêp intin, mite chuh kêngpêk le chek lo in chieh kaih sak ina.

ISAI 23:11

Lalpa’n tuipi chungah a khut a zak a, lalgam te chuh a susie vek ta a. Kanaan te kulhpi chuh suksiet vek dingin thu a pie tai.

ISAI 44:27

Chuleh, tuili thuk tak kawmah ‘Hung kang tan inla, na lui liente chuh hih kang vek ding ka hi,’ tih leh,

ISAI 54:6

Vanglai zi ngaihsakloh a um, lunggil a thasie, sapkit guol in ka hun sam kit hi, Lalpa’n a tii!

JEREMIA 7:27

“Zieziekchun, zie thu haw cheng hi a kawm u a na gen ding ahi; ahin vang hun ngaitha diek puo’n au. A mau haw sam in na tin, hun, dâwng diek puo’n au.

JEREMIA 14:9

Bangati a mi lungkie tak a um bang leh, pasalpha hukdam theilo tawbang mai a um na him? Mahleh, Aw Lalpa nang chuh ka lak uh ah na um a, na min pu ka hiu a, ei taihsan ki’n.

JEREMIA 35:14

Rekab chapa Jonadab in a chapate thu a piek uain dâwn loh ding thu chuh tuni tieng hin a zawp u a. amau haw laka khat cha’n le uain a dâwn puou hi. Amau chun a pau thupiek chuh a zuih zing ziekun; kei vang in na kieng u ah zingpi a tho in ka gen zinga, ahih ziekin ka thugen na ngaihsak puou hi.

HABAKKUK 3:8

Aw Lalpa, luipite chunga hi lungna a, tuipite chung ahih lungkim lo na him? Ahihloh leh tuisuohgiet chunga lung-awi lo na him? Ziehaw zieka chuh na sakawlte chunga hung chu a, na gâl zawhna kangtalai chunga hung chu sek na him?

ISAI 64:6

Ka bawn un ka na buok vek tau a, ka diktatnau cheng le puonsie nen kihdak-um tawbang phet ahi. Ka gitloh ziekun nahpa hung vuoi tawbang phet ka hi tau a, ka sukkhelhna teu chun huih guolin ei tawkmang sek hi.