ISAI 50:1 - PATHIEN LEKHABU THIENGTHO (BSI)

¹ Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

ISAI 50:1 ပူးပေါင်းရင်းမြစ်များ

DAN NIHNA 32:30

Bangti’n e mi khatin sang khat a delh a, Mi nih in sing a taihsiet sak dinguh, A Suongpiu in a nutsieh a, Lalpa’n a piekdawk ahih loh ngâl chun?

JEREMIA 3:8

Chun amah chun nungchawn Israel chuh a zawlsaih zieka ka mâk a mâk na lehkha ka piek a muh sa sa’n le a suohpihnu thep mang Juda chun a lau diek puoh a, zie malak chun, a va chieh a; hûkna thil a va bawl zaw ta a.

MATTHAI 18:25

Chun, piek ding a neih loh ziekin a pu chun amah tawh, a zi tawh a chate cheng tawh a neih chengcheng tawh khawt a, dit ding thu a pie a.

NEHEMIA 5:5

“Ka suohpih teu tawh taksa leh thisana pumkhat ka hi tho u a; chuleh, ngaitie, ka chapateu leh ka chanuteu chuh suok a um dingin ka hun pui u a, ka chanu teu khenkhat vang chuh suok a lutsa le a hitau hi. Amau chulah ka tan kit zo ta puou a, midang in ka lo u leh ka grep huon hawu a kilak ta ngâl u a,” a tiu a.

2 LENGTE 4:1

Thiemgau pawl khatte laka numei khat hin Elisha kawmah, “Hepu, ka pasal chu a thi ta a, amah khan Lalpa chu a kihcha sek hi tih na he a; tuhin, a leibatna pa hi a hung a, ka chate nih hi suok a pui dingin a hung hi,” ti’n a lungzîn thu a gen a.

ISAI 52:3

Lalpa chun hiti hin a tii, “Bangmahlo a zawk na hiu a, chun, dangka lo a tatdawk hiding na hiu hi.

JEREMIA 4:18

Na umdan leh na thilhih teu chun ziehaw hi na chunga a tunsak ahi. Zie hih na sietna ding chuh ahi a, a na mah mah ngâla, na lungthim a sun hi.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

SAM LEHKHABU THE PSALMS 44:12

Na mite hi bangmah lo in nei zuok ta a, A man u chuh tawmcha na ngek a.

2 LENGTE 17:17

Chun, a chanuteu leh a chapateu chu, milim pathien kawma hâlmanga kithawihna dingin a pieu a, aisânthiemte leh vang ente a dawng u a; Lalpa mitmuh a thil gilo hihin a kimangzo tau a, tichun, a lungnatna chu a chawktho tau hi.

ESTHER 7:4

Ka mite leh kei hi thah zawh vek dinga khawtsa ka hi ta ngâl u a. Suok a zawk a um maimai hi leuhing chuh, thip hiet hiet ing ka ting, ngaihsak puo’ng ka, himahleh tuhin sukmangthai ding leh thah vek ding ka hi tau hi!” a ti a.

1 LENGTE 21:25

(A zi Jezebel tîlsiet a Lalpa mitmuh a thil gilo hih dinga kizuok, Ahab tawbang hi kuomah a um hiel puou.)

PAWTDAWKNA 21:7

“Mi’n a chanu chuh suok numei dinga a zawk chun, suok pasal te chunga hih banga a pawtsak ding ahi puoi.

THIEMPUDANTE 25:39

Chun, na suohpih ahung chatgah a, na kawma ahung puklut chun suok guola na nasep sak ding ahi puoi:

ISAI 1:28

Himahleh, migilo leh thil hihkhielte chuh suksiet khawm in um untin; Lalpa ngaihsak lote chuh sukchimit in um un au.

ISAI 27:8

Lalpa’n mipite a gawtna chuh sala a sawl a a nawhdawk chuh ahi a. Saklam huih chun amau chuh a puimang ta a.

ISAI 43:27

Na pileputeu khan thil a na hihkhiel tau a; Nanguh hun sinsak te’n le ka chungah thil a na hihkhiel tau hi.

ISAI 46:8

Nang haw mi gilote haw, ziehi hezing unla ngaihtuoh unla, Ka thilhihte hi geldawk un.

ISAI 54:6

Vanglai zi ngaihsakloh a um, lunggil a thasie, sapkit guol in ka hun sam kit hi, Lalpa’n a tii!

ISAI 54:7

“Mitphetkal sung cha ka hun taihsan a; himahleh, lungsietna lien tak pum in hun puikit ing ka.

ISAI 58:1

Ngeihtak in kiko inla, kilen ki’n, pengkun guolin na aw suoh vuohvuoh inla, ka mite kawmah a bawhsietnau chuh hilh inla, Jakob insung mite kawm achun a gitlohnau chuh hilh in!

ISAI 64:6

Ka bawn un ka na buok vek tau a, ka diktatnau cheng le puonsie nen kihdak-um tawbang phet ahi. Ka gitloh ziekun nahpa hung vuoi tawbang phet ka hi tau a, ka sukkhelhna teu chun huih guolin ei tawkmang sek hi.

HOSEA 4:5

Sun lai takin kisuipai in na tin, nang ngêi le thiempute tawh zan leh kipuk khawm unlau. Na nu Israel chu le sumangthai ding ka hi.