ISAI 5:6 - PATHIEN LEKHABU THIENGTHO (BSI)

⁶ Susie vek ing ka ting, sat-hah in um puo’n tin, laihchuop in le um diek puo’n a; ling leh hamlingneite kek dim zaw’na; a chunga guoh a zuk loh na dingin meipi thu pie’ng ka,” ti’n.

ISAI 5:6 ပူးပေါင်းရင်းမြစ်များ

JEREMIA 25:11

Tichun, zie gam pumpi hi a hawm in um in tin, tizat-um takin um ina. Khutichun, zie namte chun Babulon lengpa na chuh kum sawmsagih sem un au!

THUPHUON 11:6

Ziete chun a thugen sung chenguh guoh zu lo dinga van khâk chak theihna thu a nei ui. Chuleh, tui thisan suoh sak theihna thu neihna le a nei uh a, lei hile gawtna tin chenga a ut phat phat uh a gawt theihna thuneihna le a nei uh ahi.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

AMOS 4:7

“Chun, buh âtna ding tha thum a um lai in, na chung u a guoh zu ding le ka tutâng a: khawpi khat chunga zuk sak in, khawpi dang chungah ka zuk sak puoh a, mun khenkhat ah a zu sek a, a zuk lohna munte chuh a gaw sek a.

HOSEA 3:4

Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.

JEREMIA 45:4

A kawm achun hiti hin gen ah, “Lalpa chun hiti hin a tii; ‘Ngaitie, ka sak sa chuh phie kit ing ka ting, ka phuh sa chuh bawt dawk kit ing ka, gamsung chengcheng achun.

JEREMIA 14:22

Nam dangte pathien lak ah guoh zuk sak thei a um u? Ahihleh, van in guohpi a zuk sak thei hi? Zie thil haw chengcheng hi nang hih hilo ahi? Nang achun ka kinepnau ka nga ngâl u a.

JEREMIA 14:1

Khawkhal chungchâng Jeremia kawma Lalpa thu hung tung chuh:

ISAI 30:23

Tichun, amah chun, lei a na buh chi tuh teu a dingin guoh hun zuk sak ta’n tin, Chuleh, lei in gah ahun suohdawk chuh tamtak, lim tak tak hung hita’n a. Zie ni chuleh, na ganchateu chuh, hampa phatna mun lien tak achun ta hiet hiet ta’n au.

ISAI 24:12

Khawpi chuh a hawma nutsieh in a um a, chun, kulh kawtkhak chuh khet siet in a um tai.

1 LENGTE 17:1

Tishbe mi, Elijah, Gilead gama Tisbea um chun, Ahab kawmah, “Lalpa Israel te Pathien, a âng a ka din sek na hinna sâlin ka gen hi: ka thu lo in, kum bang zah ahim sung chu guoh leh dâitui himhim kie puo’n a,” a ti a.

DAN NIHNA 29:23

Gam pumpi chuh chi leh kât a dim, bangmah kichîn lohna, bangmah cha keh lohna leh hampa nasan le a keh lohna hi’n a. Gam chuh Lalpa’n lungna leh hachangthaka a suksiet Sodom leh Gomorra leh Admah leh Zeboiim khawpi haw tawbanga kha suksiet hi’n a.

1 LENGTE 8:35

“Na chunga thil a hihkhelh ziek u a van kawt a kikhak a, guoh a zuk loh tieng leh, zie mun lam nga a na min lam a, a hung paucham tieng u leh, amau haw na sukgimtheih zieka a gitlohna hawu a kisik u chun,

JOB LEHKHABU THE BOOK OF JOB 31:40

Buh thasang in lingte kek zaw hen la, Buhpal thasang in buhlêmte kek zaw hen. Job thugen haw chuh a tâwp tai.

ISAI 7:19

Tichun, hung un tin, a bawn un guom sie lekluk lak ah suongpi hawm haw ah, hamlingnei chengcheng lak ah, gan tatna mun cheng haw achun um suok vek un au.

ISAI 32:10

Numei ngaihsamte haw! ka aw hi ngaithau in; tuhin lungkim takin na um nau a, tu a pat kum khat nung leh grep lâkkhâwm ding um talo ding ahih ziekin beidawng a kithing ding na hiu ui.

ISAI 49:19

“Na gam chuh suksiet leh nutsieh in a um ta a; himahleh, a cheng dinga hungte dingin tuhin neu taluo ding ahi tai. Nanguh hun susiete kha gamla taka chawnmanga um ding ahi ta ngâl u a.

ISAI 55:13

Hamlingnei thasang in châk thingte kek zaw’n tin; Lingbawk thasang in vaisuoklu thingte kek zaw ta’n a. Zie chuh Lalpa hetzingna, kumlekhuo a dinga melchikna satthak tâk loh ding hi’n a,” ti’n

HOSEA 9:6

Sietna a tun a, mipite a taih zak tieng u leh, Aigupta gam ah tai khawm untin, zie tak a chun Memphis khuo a vuiha um dinga tai khawm chauh hi’n au! A hauhsaknau, dangkaguote leh a In mun teu chuh hamlingnei in khuh khum in a.

JOEL 1:7

Ka grep guiteu a susieu a; ka theipi thing hawng teu a khawk uh a; A khawk ngim kei uh a, a paihmang tau a, a bâkte chuh a malngim suok kêi tau hi!

THUCHINGTE 24:31

Ngaitie, ling leh khau in a khuhkhum suok kêi a, a lolai achun hamlingnei a kek dim a; a suongtien haw chuh a chimtha suok kêi hi.

SUNNA LA 2:6

Amah I honau Ho-In ngêi chule hiemngam takin huon guolin a susie a: Lalpa chun Zion ah kikhawppi hunbi neite leh Chawlhni te chule hetngilh in a um saka. Lungna takin lengte leh thiempute chu a paih tha tai.