ISAI 5:5 - PATHIEN LEKHABU THIENGTHO (BSI)

⁵ “Tuhin, ka grep huon chunga ka hih ding chuh hun hilh ing ka; a ling dai chuh lamang ing ka ting, nek zawhin um in tin, a suong pal chuh suchim ing ka ting, gamsate tawhden in um ina.

ISAI 5:5 ပူးပေါင်းရင်းမြစ်များ

THILSIEMBUL 11:4

“Khai, hung tiem u, khawpi kisiem hiting un, insang a sip in van supha hiel dingin sai ting un, I min uh suthang hitiu; khutilochun lei chung pumpi ahin thehzak in um khâi tiu,” a kitiu a.

THILSIEMBUL 11:7

Hung tiem u, chieh hiting un, pau a kihettuoh lohna dingun zie tak a khun a pau uh va sukbuoi sak hitiu,” a ti a.

NEHEMIA 2:3

Chun, kei chun leng kawmah, “Leng chuh kum khuo’n dam zing hen; bang zieka lungkham mel pu lo ding ka him, ei suonteu thân umna khuo chuh a hawm zo ta a; a kawtkhak haw le mei in a katum suok ta ngâla,” ka ti a.

SAM LEHKHABU THE PSALMS 89:40

A dai chengcheng chu na susie a; A kulhpite chuh na hihsie ta a.

SAM LEHKHABU THE PSALMS 89:41

Lampi a hawh malam chengin thil a lâksak zel sek u a; A kimvel a mihaw gensiet in a hung um ta a.

THUCHINGTE 24:31

Ngaitie, ling leh khau in a khuhkhum suok kêi a, a lolai achun hamlingnei a kek dim a; a suongtien haw chuh a chimtha suok kêi hi.

THUGENPA 3:3

Suklup hun a um a, sukdam hun a um, phiet hun a um a, sakkit hun a um a,

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 25:10

Zie tâng ahin Lalpa khut chuh kinga’n tin, himahlele, Moab chuh kawkhuk a buhpawl chilgawp bangin tawh den in, chil gawp in a.

ISAI 28:18

Zie tieng chuleh, thihna tawh na thugawlh u chuh bangmahlo hi’n tin, Sheol tawh na kihocham nau chule mattheih hita puo’n tin. Sietna tuilien a luon pai tieng chuleh zawhin um unlau.

ISAI 28:3

Ephraim te zukham chîng, uonna lukhuk chuh tawhden in um intin;

ISAI 32:10

Numei ngaihsamte haw! ka aw hi ngaithau in; tuhin lungkim takin na um nau a, tu a pat kum khat nung leh grep lâkkhâwm ding um talo ding ahih ziekin beidawng a kithing ding na hiu ui.

JEREMIA 18:11

Zieziekchun Juda mite leh Jerusalem a chêngte kawm achun, Lalpa’n hiti hin a tii; Ngaitiem u, na chung u ah thil phalo ka gel a, na chunguh ah thil ka guonggalh a, tuhin mitin in a umdan phalo teu taihsan u hen la, na umdan u leh na thilhih teu siemphau in, va ti phawt in.

JEREMIA 21:4

Lalpa, Israel Pathien chun hiti hin a tii; “Ngaitie, Babulon leng leh Kaldai mi kulh pawlam a hun um kimvela hun dote gâlvan matchâk chuh vaihkik sak ing ka ting, chun, zie khawpi sunga hin amau chuh puikhawm ing ka.

JEREMIA 28:8

Kei leh nang masanga thiemgaute chun gam tamtak chungah kidonate, thil phalo leh, hipite thu a gen sek uh a.

JEREMIA 45:4

A kawm achun hiti hin gen ah, “Lalpa chun hiti hin a tii; ‘Ngaitie, ka sak sa chuh phie kit ing ka ting, ka phuh sa chuh bawt dawk kit ing ka, gamsung chengcheng achun.

SUNNA LA 1:15

Lalpa’n ka mihatteu chu bangmahlo a chansak ta a; Ka tangvalteu sumangthai dingin khawppi pawimawh a sama. uain thawkna bang mai in Lalpa’n Juda chanute chu a tawh den a.

SUNNA LA 2:6

Amah I honau Ho-In ngêi chule hiemngam takin huon guolin a susie a: Lalpa chun Zion ah kikhawppi hunbi neite leh Chawlhni te chule hetngilh in a um saka. Lungna takin lengte leh thiempute chu a paih tha tai.

SUNNA LA 4:12

Mi cheng cheng leh lei a lengte nasan aka tum tai; Gâlte leh melmate Jerusalem kulhkawta a lut ding chu a gingcha puou hi.

DANIEL 8:13

Ziephet chun, mi thiengtho te aw chuh ka za a, chun mi thiengtho dang kuo ahim in thu hun gen pa kawm achun, “Hâlmang thilpiek um zing sek te, bawhsietna suksiet a um mun thiengtho leh sepaih hawnte chuh tawhden dinga piek a hihna teu chungthu a kilâkna chuh bang chana sawt ahi die?” a ti a.

HOSEA 2:12

A grep gui leh a theipi kung, Ziehaw hi ka deihchakte ei piek, ka lawh chuh ahi, a tih sekte chuh sukmangthai sak vek ding ka hi. Thalek gam suoh sak ka ting, gamsa ten ne zo un au.

HOSEA 2:14

Zieziekchun tuhin thalek gam ah puikit ing ka ting; zie tak achun lungsietna aw nem takin thêm ing ka.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

THUPHUON 11:2

Ho-In sung pawlam dai sung vang chuh teh ki’n, zie chuh Jentel te kawma piek dawk ahi ta ngâl a, amau haw chun Khawpi Thiengtho chuh tha sawmli leh tha nih tawhden un au.