ISAI 5:30 - PATHIEN LEKHABU THIENGTHO (BSI)

³⁰ Zie ni chuleh tuisuohgiet gi hum hum bangin a chung u ah gi hum hum un au. Tichun, mi’n gam chuh a vak et u chun, thimna leh lungzînna ngenin dim intin, vak chule meipi’n lieh thim ina.

ISAI 5:30 ပူးပေါင်းရင်းမြစ်များ

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

JOEL 2:10

A masang u ah lei a kilîng a; vante a kithing a, Ni leh tha chuh a thim a, aksite’n le a vakuh a suoh ngam puou hi.

THUPHUON 6:12

Chun. Belamno, tiemtehna gupna hihsie a a phel chuh ka vak mu a. Ziephet chun, lei nasatak in a hung kilîng a, nisa chuh samul puon vawm bang mai in a hung vawm tha ta a, chun, tha chuh thisan bang mai in a hung san ta a.

MATTHAI 24:29

“Himahlele, zie tawbang ni dahum tak zawh chuleh ni chuh hung thim intin, tha vak ta puo’n tin, van apat in aksite hung kie’n tin, van thilhih theihna haw chuh suklîng a um ding ahi.

JEREMIA 6:23

Amau chun thalpi leh tiengcha a chawi u a; Nunsie tak, zahngaihna himhim neilo ahiu a. A thawm u chuh tuipi gi hum hum tawbang ahi a; Sakawl chung haw ah a chuu a. Mitin chuh galdo ding banga kithuom in, Aw Zion chanu, nang hun do ding ahiu ui.”

ISAI 13:10

Van aksite leh sihzuchote chun a vakuh suoh puou untin, nisa chuh a suokna ah sukthim in um intin, thapi’n le a vak chuh suoh diek puo’n a.

AMOS 8:9

Chun, Zie ni chuleh nisa chuh sun lai takin tum sak ing ka ting, sun khawvak lai tak in lei chuh suthim ing ka, Lalpa’n a tii.

SUNNA LA 3:2

Amah chun ei pui a, thim lak ah ei nawhlut a, vak ah hilo in.

JEREMIA 50:42

Thalpi leh tiengcha a chawi u a, nunsie tak, zahngaihna himhim neilo ahiu. A thawm u chuh luipi gi hum hum bang ahi a; sakawl chung haw achun a chuong u a, mitin chuh gâlhât hangsan bangin a kivan u a, Aw Babulon chanu hun buluh ding ahiu hi.

THUGENPA 12:2

Nisa te, vak te, tha te, aksi te a hung thim ma leh, guoh nunga meipi a hung vaihkit ma hin.

ISAI 13:4

Ngaiin tânga mipi thawm, mipi nasatak thawm bang mai chuh namtin, lalgam a umkhawm haw sa vengvung thawm chuh Sepaih haw Lalpa chun galdo dingin sepaihhawn a pun khawm ahi tai.

ISAI 17:12

Thilhihthei tak namte chuh tuipi gi leh, tui kinawk nasatak gi bangin, a buoi un, a sa vengvung u a.

ISAI 30:6

Ziehi simlam a gamsate chunga chunggik na hungtung ding chuh ahi: “Buoina leh lungzînna adim gam achun, sakeibaknei-nu leh sakeibaknei humham leh gûl gu nei leh gûl leng theite umna gam achun; A neih leh lam teu chuh a sabiltungteu a puok sak u a, a sangawngsau teu chuh a sana leh dangkate chuh a puok sak u a, amau haw panpih theilo namte kawma chun a chieh u a.

ISAI 59:9

Zieziekchun, diktatna chuh ei uh apat in a gamla a, diktatna chuh I kawmuh ahung tung zo ta puoi; Vak I ngak u a, himahleh, thim ahung tung zaw ta a, chun, vak a um sangin thim lak ah I chieh zaw tau hi.

JEREMIA 13:16

Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

JEREMIA 30:5

Lalpa chun hiti hin a tii, “Thavaih aw ka zau a, dipdap um thawm ka za a, thamuonna aw hilo in!

EZEKIEL 26:3

“Lalpa Pathien chun hiti hin a tii: Ngaiin, Aw Tura, ka hun do ahi; tuisuohgiet a kinawk toh zung zung bang hielin na chunga hung dingin nam tamtak te chuh hun sawl ding ka hi.

AMOS 5:18

Lalpa ni utchate haw, na chung uh a gik hi! Bangati a, Lalpa ni utcha? vak hilo in thim ahi zaw ngâl a.