ISAI 5:25 - PATHIEN LEKHABU THIENGTHO (BSI)

²⁵ Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

ISAI 5:25 ပူးပေါင်းရင်းမြစ်များ

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.

ISAI 9:21

Manasseh mite leh Ephraim mite chuh kido un tin, a nih u chun Juda do khawm un au. Khuti khawpa a hihsa chun le, Lalpa lungnat chuh a hai diek puoh a, gawt dingin a khut a tha zing nalai hi.

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

2 LENGTE 9:37

Jezebel luong chu Jezreel khuo kulh kawmah, êk bang pheta theh zak hi’n tin, tichun, ziehi, Jezebel ahi hi tih het theih loh khawp in,’ tih thu a gen khah ahi hi,” a ti a.

DANIEL 9:16

Aw Lalpa, na diktatna chengcheng ziekin na lungnatna leh na lung-awihloh na chuh na khawpi Jerusalem, na tâng thiengtho apat chun kiheimang dingin ka hun ngên hi; ka gitlohnateu ziek leh ka pateu manlohna ziekin Jerusalem leh na mite hi ka kimvel u a mite chengcheng lak ah gensiet a hung hi tai.

JEREMIA 4:24

Tang haw chuh ka en a, ngaitie, a kilîng u a, muol haw chule a kilawk u a, a kilîng dup dup u a.

1 THESSALONIKA 2:16

Jentel te kawma hukdam a hung hih theihna ding u a, thu ka gen ding nasan uh ei khap sek uh a hi kha! Khutibanga chuh hihin, a gitloh tehnau chuh a sudim tau ui. Khutichun, Pathien lungnatna chuh a chungu ah a huoisie thei pên in a hungtung tai!

NAHUM 1:5

A masang achun tâng liente chuh a kithing a, tâng neute chuh a tuitha zo tau hi; a masang achun leisiet hi hawmngawn ahi a, khawvel leh a sunga um chengcheng te le bangmahlo ahi.

JEREMIA 16:4

Hipi’n thiu un tin, kuomah vuih loh leh kuomah sun loh in um un au; leichung a êk khuk bang phet hung hin au. Chemzâm te, kielte’n mangthai un tin, a luong hawu chuh leichung a chung leng vachate leh gamsate an ding hi tan au.”

SAM LEHKHABU THE PSALMS 18:7

Zie phet chun lei hi a lîng a, a kithing ta a, A lung a nat ziekin tâng haw chu le, A kingakna nasan in a lîng in a puok zak ta a,

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

ZEPHANIA 1:17

Lalpa chun, “Mihingte chungah gimtheihna tun sak ka ting, mitdûk bang mai in kimai viel dut dut un au. Ka chunga a gitloh tâk ziekun a thisan u chuh tui bangin sung tha’ng ka ting, a thi luongteu chuh tuol ah muot zeng zung in a.”

HABAKKUK 3:10

Tang liente chun nang a hun mu u a, a kithing sieu a; tuipi chuh a kifawn a, a kinawk zela, tui thuk te chun aw a suoh u a, chunglam ah aban a zak tai.

MIKA 1:4

Khutichun, a keng nuoi achun tângte chuh khuoilu meia hâl guolin tuithau intin, Tichun, tâng apat a tui sunthak guolin luiguom a chun sungtha’nau.

HOSEA 14:4

“A nungchawn nau chuh hih dam ing ka ting, amau apat a ka lungnatna a kithiel dawk tâk ziekin; ka lungthim pumpi’n ka lungsiet ngâl a: a chung uh ale lungna ta puo’ng ka.

SUNNA LA 5:22

A hih leh, nangin ei paih tha den ding na him? na lungnat hin tawptik neilo ding ahim?

JEREMIA 15:3

Thil chili a chung u ah guotsak ing ka tih hi Lalpa kamsuok ahi. Chemzâm chuh thah na dingin, ui haw chuh pet tel dingin, chung leng vachate leh leichung a gamsa haw chuh ne mang ding leh sumang dingin.

JEREMIA 9:22

Lalpa’n hiti hin a tii; mithi luong chuh mun âwng haw achun leining tang guol in kilik lem lum intin, buh âtte buhphal muh khelh bang mai in; kuoma’n lakhawm puo’n au,” ti’n.

JEREMIA 8:2

Nisa leh thapi leh van a lopina haw chengcheng hehpih a, a na a sep u a, a delh u leh a hawl u a chibai a bûk sekteu masang achun thehzak un tin, lâkkhâwm hita puou untin, vuih le hi diek puo’n au; leichung a êk khuk ding chauh hung hi’nau.

JEREMIA 4:8

Zieziekchun kawlladip silh unla, kap unla, khuoisa vungvung un. Lalpa lungnat na huoisie tak mai chuh I lak u apat in akithiel puoh ngâla.

SAM LEHKHABU THE PSALMS 114:7

Aw lei lung, Lalpa âng ah kithing in, Jakob Pathien masang achun;

SAM LEHKHABU THE PSALMS 106:40

Zieziekchun Lalpa chuh a mite chunga a lungnat na chuh a puok zak a, chun, A goluoh te chuh a kihdak ta a.

SAM LEHKHABU THE PSALMS 83:10

Ziehaw chu Endor khuo ah a beimang u a; Amau haw chu lei a dingin êk tawbang phet ana hiu kha.

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

SAM LEHKHABU THE PSALMS 77:18

Na van gi husa chuh chinpei ah a um a; Na kawlphe haw chun khawvel hi a salh zawt zawt a, Lei hi kilîng in a kithing dul dul a.

SAM LEHKHABU THE PSALMS 68:8

Lei a kilîng dul dul a, Van haw khule Pathien ma ah a tuitha tau a: Sinai tâng nasan le Pathien masangah, Israel Pathien masang a chun a kilîng dul dul kha.

2 LENGTE 13:3

Tichun, Lalpa lungnat na chu Israel chungah kuong dawk ta a, tichun, Suria leng Hazael leh, a chapa Benhadad khut achun a pie ta a.

1 LENGTE 21:24

Ahab inkuon laka mi khawpi a thi taphawt chuh ui in neu untin; gamlaka thi taphawt chu chung leng vachate’n ne ding ahiu,” ti’n.

1 LENGTE 16:4

Baasha inkuon laka mi, khawpi a thi taphawtte chu uicha’n neu untin; chun, a inkuon laka mi gamlaka thi taphawtte chuh chung leng vacha ten ne’n au, a tii,” ti’n.

1 LENGTE 14:11

Jeroboam inkuon a mi, khawpi a thi taphawtte chu ui in neu untin; chun, gam laka thi taphawtte chu chung leng vachate’n ne’n au: Lalpa chun a gen ta ngâl a.’”

DAN NIHNA 31:17

Khutichun, zie tieng chuleh a chung u ah ka lungnatna kuong intin, thahtham ing ka ting kiselmangsan ing ka. ting, sukmangthai hi’n tin un, tuohsie leh haksatna tamtak a chung u ah tung ina; khutichun, zie ni chuleh, I Pathien un ei umpih loh zieka zie thil phalo haw hi I chung u a tung hilo ahim, tiu in tin.

PAWTDAWKNA 7:19

Chun, Lalpa’n Mosi a hopih a, “Aron kawmah hiti hin gen in, Na tiengkhut chawi inla, Aigupta gama tui chunghaw ah, a dîl chunghawu ah, a tuikulhaw chung achun thisan a hung suok vek theih na dingin na tiengkhut kha tungdawk in; tichun Aigupta gamsung cheng chuh thisan in dim in tin, thing leh suong a kisiem kuong haw chule thisan in dim vek ina,” hun tih, a ti a.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 14:19

Nang vang chuh thân neilo in, kihdak-um tak leh, gâl thah, chemzâma sutlet pai, kawkhuka vuiha silhlechen muot bangin gamla taka paih dawkin na um zaw ta a; thiluong tawhden bang mai in.

ISAI 23:11

Lalpa’n tuipi chungah a khut a zak a, lalgam te chuh a susie vek ta a. Kanaan te kulhpi chuh suksiet vek dingin thu a pie tai.

ISAI 25:11

Tichun, tuizap te’n tuizap dinga a khut uh a zak guol un alak u ah theihtawp in khut zak zak untin, himahleh, Pathien in a chaponau chuh tawhden tho tho ding ahi.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

ISAI 51:20

Na chapateu chuh a chautha zo tau a, sazuk thânga âwk bang mai in khawlai ning tin a chun a kital lemlum zieng tau hi; Pathien lungnatna chun a dim u a! Pathien hansie a thuok tau hi!

ISAI 64:3

Ka kinep loh hiel uh thil huoisie na hih lai khan na hung kum a, tâng te’n ahun muu a, na masangah a kithing u kha!

ISAI 66:15

Ngaitie, a lungnatna chuh thangtawm taka sungtha ding leh a hilhgaihna meikuong a sungtha dingin Lalpa chuh mei a hung ding ahi ngâla, a kangtalai haw chuh chinpei bang mai hi’n au.

ISAI 66:24

“Tichun, chiehdawk sek un tin, ka chunga kiphinte luong chuh mu sek un tin, a than u chuh thi ngei puo’n tin, a mei chule mit ngei puo’n tin; mi chengcheng mitmuh achun thil kihdak-um tak hi ta’n au,” ti’n.

JEREMIA 17:4

Tichun, na chanvo ding ka hun piek khah chan in na tin, na gam het khâkloh gam achun melmate na hun sep sak ing ka. Ka lungnatna mei, kumlekhuo a kuong ding chuh na mût kuong ta ngâl a.

EZEKIEL 6:14

Khutichun, a chung u ah ka khuttha’ng ka ting, gamthip apat Diblah chanin a chênna gam cheng u chuh gamgaw suoh sak in bangmah keh lohna’n siem ing ka ting: Khutichun, kei hi Lalpa chuh ka hi tih hun he tan au,” ti’n.

EZEKIEL 30:25

Khutichun, Babulon lengpa bân haw chuh suhat ing ka ting, Pharao bân haw chu vang zawitha’n a; Babulon lengpa khuta ka chemzâm ka chawihsak a, Aigupta chunga a leh tieng leh Lalpa chuh ka hi tih he ta’n au.

AMOS 8:8

Zieziek hin gam chuh kilîng in, a sunga cheng taphawtte chuh lungkham lo ding ahiu em? Ahi, lui bangin hung lien vek intin; Aigupta gama Nile luipi bangin hung lien in, hung kiem ina.

DAN NIHNA 31:18

Pathien dang haw lam nga a thil phalo a hih ding hawu chengcheng ziek chun zie ni chuleh kiselmangsan teitei ding ka hi.

JOB LEHKHABU THE BOOK OF JOB 9:13

Pathien in a lungnatna chuh la kit puo’n tin, Mi chapo panpihte chuh a nuoi ah khun ding ahiu hi.

ISAI 9:11

Zieziekchun, Lalpa chun a melmate chuh amah do dingin a tungdawk a.

ISAI 9:16

Zie mite pui haw hin a pui khiel sek uh a; tichun, a puihteu chuh a mangthai sek ui.

ISAI 9:20

Tichun, mi’n a changlam u a um chuh chuh un tin, himahleh, gilkiel zing tho un au; nêk theih a muh taphawt u chuh neu un tin, himahlele, tai diek puo’n au. Mitin in, amau invengte sa nasan ne’n au.

ISAI 29:2

Ahih ziekin, Ariel chuh subuoi ding ka hi; Zie tak achun kahna leh mauna um intin, Jerusalem chuh keia dingin Ariel tawbang hung hi’n a.

JEREMIA 6:12

A in u haw chuh midang kawma piek hi’n tin, a lo u leh a ziteu tawh. Zie gama chêngte chung achun ka khuttha ding ka hi ngâla, Lalpa’n a tii.

EZEKIEL 15:6

Zieziekchun Lalpa Pathien chun hiti hin a tii: “Gammâng nuoia thing laka grepgui thing, Meichawhna dinga meia ka tih mai guol chun, Jerusalem luohte chu siem ing ka.