ISAI 5:20 - PATHIEN LEKHABU THIENGTHO (BSI)

²⁰ Thilpha chuh thilpha lo a ngaia, thil phalo chuh thilpha a ngai a, vak chuh thima ngai a, thim chuh vaka ngai sekte. Thilthum chuh thilkha a ngaia, thilkha chuh thilthum a ngai sekte chung chuh a gik hi!

ISAI 5:20 ပူးပေါင်းရင်းမြစ်များ

THUCHINGTE 17:15

Migilo thiemchan sak leh mi dik thiemloh chansak chuh, Lalpa a dingin a kihdak-um dân akibang hi.

LUKE 16:15

Ziephet chun, Isu’n a kawm u ah, “Mipi dangte mit muh a thiem kichan mai mai na hiu hi, himahleh, Pathien in na lungthim uh a he ngâl a. Mihingte’n a ngaihlul mah mah uh thilte chuh, Pathien mitmuh in bangmahlo ahi.

MALAKI 2:17

Na thugenteu in Lalpa na suchawl zo tau a. Himahleh, nanghaw’n la, “Bangti’n a hi ka sukchawl uh?” na tiu a. Zie thu na genteu hin na suchawl ui: “Lalpa Bangkim hihthei chun, thil gilo hihte chuh a pha’n a ngai a, a deih ahi” na tih u leh, “Pathien diktak chuh khawia um ahi?” na tih nau haw ahin ahi, ti’n.

JOB LEHKHABU THE BOOK OF JOB 17:12

Zan chuh sun a suok sak a, Vak chun thim a naih hi, a tiu a.

2 PETER 2:1

Malai khan le, mite lak achun thiemgau lêmte a um sek uh kha, zie tawbang mah chun, nang haw lak ah le, sinsaktu diklote hung pawt ding ahiu hi. Khutichun, sietna, thugin diklo hun puo lut un tin; amau haw hukdampa Lalpa ngêi chuh kizuksan in, amau haw chung ngêi ah, kintaka manthaina hun tunsak un au.

AMOS 5:7

Vaihawmna dik gamsai suoh saka, diktatna leia paihte haw,

MALAKI 3:15

Chun, mi kiletsakte chuh mi kipâk ahiu a. Mi gilote chuh a kiphattheih chauh uh hilo in, a thilhih gitlohteu chun Pathien thuokhatna chuh a patep u a, tichun, a suokcha zel ui,” na tiu a.

ISAI 24:9

La sa kawmin uain dâwn ta puou untin, zu chuh a dawnte dingin kha tak hi’n a.

ISAI 30:10

Thiemgaute kawmah, “Thil dikte chuh ei hilhlawk kiu in, thil nuom lam ngen ka kawm u ah gen un, thepna thu genlawk un;

HABAKKUK 1:4

Zieziekchun, dân chuh ngaihkhawk ahi ta puoh a, mattakloh a suok tai! Thudik a vaihawmna a um ta puoh a. Mi gilote chun mi diktat te chan changin, thu dik chuh heikawi ahi tai!

PAWTDAWKNA 23:7

Thu diklo taka mi na hêk ding ahi puoi; chun, mi gitlohna bei leh mi kitûp haw chuh sulum ki’n; mi gilote chuh thiem chansak ding ka hi puoh ngâl a.

DAN NIHNA 25:1

“Mi’n thubuoi a neih tieng u leh vaihawmna ah tun intin un, chun, vaihawmte chun thubuoi chuh khen intin un, a dik chuh thiemchan sak untin, a diklo chuh thiemloh a chansak dinguh ahi;

THUCHINGTE 4:17

Nunsietna chângthâk chuh a neu a, thagum suoh chuh uain bangin a dâwn u a.

ISAI 29:21

Mi themte leh mi gilote gawtna ding dal a, lepchieh gen a, mi dik thiemloh chansak te chuh Pathien in sumangthai vek ina.

ISAI 32:5

Mingawl chu mi thupi ti kit ta puou un tin, mi lelo chule mi zahum ti kit diek ta puo’n au.

EZEKIEL 13:19

Buh tawmcha leh chângthâk thêm khat ziekin ka mipite lak achun nei suminsie a, a thi lo ding te that in, a hing lo dingte na hinghawih a, lepchieh gingcha ka mite kawma zuou na gen u a.”

MIKA 3:2

Thilpha na hawu a, thil phalo na ngainau a; ka mite chuh a vun uh na hâwk sak u a, a guh uh apat in pheh na leuthau a;