ISAI 5:2 - PATHIEN LEKHABU THIENGTHO (BSI)

² A lei a laichuop a, suonghaw chuh a hawm ngim a; grep kek phapente a phut a, huon lailung achun venbuk a sa a, zie chun grep thawkna khuk le a lai a grep tak gah dingin a kinem a, himahleh, grep lêm ngen a hung gah zaw ta a.

ISAI 5:2 ပူးပေါင်းရင်းမြစ်များ

2 SAMUEL 7:10

Chun, ka mi Israel te dingin mun guot ing ka ting, zie tak achun cheng untin, a chênnau achun sukgimtheih in um ta puo’n au. Zie gam a lut u a pat hin mi thagum suoh hatte sukgimtheih in a um u a, mahleh zie tawbang chu um kit ta puo’n a.

NEHEMIA 13:15

Zie hun lai chun, Juda mi khenkhat chawlhni a uain thawk te, buhphal hun pawlut a, uain te, grep te, theipi te leh van puokgik chichuom chuom a sabiltung teu a hun puok sak haw chuh ka mu a; ziehaw chun chawlhni’n Jerusalem ah a hun pawlut u a. Chun, zie ni a nek ding a zawk u chuh a dikloh zie ka hetsak a.

SAM LEHKHABU THE PSALMS 80:8

Aigupta gam apat in grep gui na hun puoh a; Namte chuh na nawhdawka zie chun na phut ta a.

SAM LEHKHABU THE PSALMS 80:9

A masang u ah gam na guonggalh sak a, Thuk takin zung a kai a, gam chu a luoh dim vek ta a.

PAWTDAWKNA 33:16

Kei leh na mite hi na mittung in ka um ui tih bangti’n ahim hetna a um theih tâk ding? Lei chunga mihing chengcheng te leh na mite kihetkhen theihna chuh, nang ka kawm u a na um sek hi hilo ding ahim?” a ti a.

ISAI 1:8

Zion chanu chuh grep huon a venbuk bang leh, changmai huon a bûk bang leh khawpi huol kimvel bang mai in nutsieh in a um tai.

ISAI 5:7

Sepaihte Lalpa grep huon chuh Israel Inkuon hi ahi a, Juda mipite hi a grep phuhte chuh ahiu hi. Thu dik a kineppih a, himahleh thisan suohna’n a dim a; diktatna kineppih mahleh lungkham taka kiko aw zak ahi tai!

JEREMIA 11:17

“Sepaihte Lalpa nangmah hun phutpa chun, Israel inkuon leh Juda inkuon te gitlohna, Baal kawma gimlim hâla, ei suklungnat nau thil, amau sepdawk chunga thil phalo ding thu chuh a phuongdawk tai.”

JEREMIA 2:21

Chi diktak manga grep chi thieng tak a ka phuh na hih maizen tawh; bangti dana kihei a kei a dinga grep lêm hung suok ta mai na him?

HOSEA 10:1

Israel chuh grep bawk phatak, gahsuoh tak tawbang ahi a, himahleh, a gah suoh dungzui in maichâmte a supung zel ta a. A gam gahsuoh dungzui zelin, dawikhuom suongte a hihpung zel u a.

MIKA 4:8

Aw nang Zion chanu kulh dettak, gan guolte venna In sang, na kawma hung ding ahi; masang laia vaihawmna masa chuh hungkit ding ahi. Jerusalem chanu lal chuh!

KISIMNA 23:9

Suongpi chungnung pên apat chun amau chuh ka mu theia, tâng apat chun a mau chuh ka mu thei ngâl a. Nam khat a mau chauh a um ahiu a, namdangte chunga vangsak na chang ahiu ui tih a kihe ngâl u a.

MATTHAI 21:19

Lam panga chun theipi kung khat a mu a, a va zuon a, a nah ngâllo chuh bangmah a mu puoh a. Khutichun, thing kawm achun, “Kumkhuo’n gah ta kih,” a ti a. Tichun, theipi kung chuh a nâng zieng ta a.

MATTHAI 21:33

“Tehkal thu dang ngai un, mi kuo ahim, gam nei khat a um a, zie pa chun grep huon a bawl a pal in a ûmkimvel a; grep thâwkna khûk a lai a, in sang a sa a, tichun a ngakte kawmah thawh lawh dingin a pie a, gam chuom ah a chieh ta a.

MATTHAI 21:34

Chun, a gah lawh phat a hung hih phetin, a chanvo la dingin a ngakte kawm achun a suokte a sawl a.

MARK 11:13

Theipi kung, a nahbawk in a khuh lieiluoi chuh gamla tak ah a vak mu a, a gah a muh khâk leh ti’n a va zuon a; himahleh a va tun phetin, a nah ngâllo chuh bangmah a mu puoh a; theipi gah hun a hi puoh him a.

MARK 12:1

Chun, Isu’n tehkal thu’n a kawm u ah thu a gen a: “Mi kuo ahim in huon a bawl a, pal in a um kimvela, grep thâwkna ding khuk a lai a, venna insang a sa a. Tichun, huon enkawlte kawmah thawhlawh dingin a pie a, tichun, gam gamla tak ah a chieh ta a.

MARK 12:2

Tichun, grep lâkkhâwm phat ahih phetin huon enkawlte haw apat a a chanvo la dingin a suokte laka khat a sawl ta a.

ROME 9:4

Israel mi ahi ngâl u a, cha hihna le, Pathien nasepna le; thutiem chengcheng le amau haw a ahi ngâl a

1 KORINTH 9:7

Sepaih kuo a, amah kivak a gâl kap sek? Kuo a, a gah ne sam lo a grep huon bawl sek? A hihloh leh, kuo a gan guol vak ngâla a nawitui nelo?

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

VAIHAWMTE 16:4

Chun, hiti hi ahi a, chawmkhat zawh chun Sorek phaicham a numei khat hih a deihcha ta a, a min chuh Delilah ahi.