ISAI 5:19 - PATHIEN LEKHABU THIENGTHO (BSI)

¹⁹ “Hung kinawh hen la, a hih ding chuh hih hen la; vak kimu ngâl leh aw! Israel Mi Thiengtho chuh I het theih na dingun, a thil guonggalh chuh hun hih zo kin leh,” tite haw na chunguh a gik hi.

ISAI 5:19 ပူးပေါင်းရင်းမြစ်များ

EZEKIEL 12:22

“Mihing chapa Israel gama zie paunak chawmcha na neih u hi bang tih na ahi? ‘Nite a liem zel u a, kilâkna taphawt a thâwn kit mai sek ui,’ na tih u hi.

JEREMIA 17:15

Ngaitie, mipite chun ka kawmah, “Lalpa thu chuh khawia um ahim hung tung he’n,” a ti sek uh a.

JEREMIA 23:36

Himahleh, Lalpa puokgik chuh gen kha ta puou in na tin uh, mitin a dingin, amah thugen mah chuh a puokgik hi mai ding a hi! Pathien hing, Sepaihte Lalpa, I Pathien uh thu chuh na kai kâwi ta ngâl uh a!

EZEKIEL 12:27

“Mihing chapa, ngaitie, Israel inkuon chun, ‘Kilâkna a muh chuh ni tamtak nunga ding ahi a, chun, a genlawkna haw le tunung gamla taka ding ahi,’ a tiu a.

JEREMIA 23:18

“Lalpa lemguotna a kuo a tel kha a, a thu mu a pawm ding kuo a um? A hihloh leh, a thu chuh kuo a limsak a, ngaitha kha?

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

ISAI 30:11

Lampi hilo ah chieh un, lam sik ah pet un. Israel Mi thiengtho thu ka ngaitha nuom puou ui,” ti sekte ahi ngâl u a.

JEREMIA 36:23

Chun, tihi ahung hi a, Jehudi chun pêk thum ahim pêk li ahim a sim zawh chun, lengpa chun a la a, chemcha’n a âttan: a, thukkhuk achun a paih lut a, lehkhabuziel chuh a kâktum masieh thukkhuk achun a hâl tai.

HOSEA 10:3

“Leng tak tak ka nei puou hi, Lalpa chuh ka kihcha ngâl puou a: a hin la leng chun le banga ei hih sak chuom ding?” hun ti pai un au.

MALAKI 2:17

Na thugenteu in Lalpa na suchawl zo tau a. Himahleh, nanghaw’n la, “Bangti’n a hi ka sukchawl uh?” na tiu a. Zie thu na genteu hin na suchawl ui: “Lalpa Bangkim hihthei chun, thil gilo hihte chuh a pha’n a ngai a, a deih ahi” na tih u leh, “Pathien diktak chuh khawia um ahi?” na tih nau haw ahin ahi, ti’n.