ISAI 5:18 - PATHIEN LEKHABU THIENGTHO (BSI)

¹⁸ Lepchiehna khauhuol a manlohna kai a, kangtalai kaihna banga gitlohna luoi sekte!

ISAI 5:18 ပူးပေါင်းရင်းမြစ်များ

JEREMIA 23:14

Jerusalem thiemgaute chunga le, thil zahhuoi tak ka mûi. Zawl a sai uh a, lepchieh in a khuosau a; thil gilo hihte khut chuh a suhat uh a, mite’n a nunsietnau a kisik loh lawh tau a, Kei dingin Sodom khuo a mite bang a hung hi vek tau hi! A khuo sunga mite cheng le Gomorah khuo mite bang a hung hi vek tau!

EZEKIEL 13:22

“Mi diktat te lungthim chuh diklo takin na sulungkham u a, ahi’n, kei suklungkham chuh hilo ahi.Chun, a hinna humbit dinga gitlohna lampi apat a vaihkit lohna dingin migilote chuh na tîlkhoh zaw a.

JEREMIA 23:10

Gam chuh zawlsaite’n a dim ta a, hansie ziekin zie gam chun a sûn a. Gamthip gam hingte chuh a gaw zo ta a! A lampiu chuh a pha puoh a, a hetnateu chule a dik puoi.

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

SAM LEHKHABU THE PSALMS 36:2

“Ka thulimlohna mudawk puou untin, hun mu dah diek puo’n au,” tin. Amah mitmuh ah amah mah a kipakcha kawm ngâl seka.

NASEPTE 26:9

“Keimah ngêi inle, Nazareth Isu min kalh lam in thil tamtak hih leng pha’na, ti’n ka na gingcha a.

JOHAN 16:2

Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

ZEPHANIA 1:12

“Chun, zie tieng chuleh, thaumei hâl in Jerusalem hawl dawk ka ting; mi, amau kisulungkim a, muong taka um maimai a, a lunggil u a, ‘Lalpa chun a hih pha puoh a, hih le a hihsie diek puoi,’ tite chuh gawt ing ka.

JEREMIA 23:24

Ka muh theih loh dinga mun thip a kisel thei a um dinga ahim? tih hi Lalpa kamsuok ahi. Lei leh van ahin ka dim hilo ahim? tih hi Lalpa kamsuok ahi.

ISAI 28:15

“Thihna kawmah thu na gawlh tau a, thihna khawvel tawh thu na tiem tau hi! Manthaina tui lien let chuh a luon pai tâk lele, keihaw tiengin hung luong puo’n a; lepchieh thute ka kihumbitna dingun ka mang u a, lepchieh nuoi ah ka kisel ta ngâl u a,” na tih ziekun.

SAM LEHKHABU THE PSALMS 14:1

Mingawlte chun a lungthim un, “Pathien a um puoi,” a tiu a. A se zo u a, thil kihdak-um tak ahih u a; Kuomah thilpha hih himhim a um puou.

SAM LEHKHABU THE PSALMS 10:11

A lungthim chun, “Pathien in a hetngilh ahi; A mai chuh a sel a; bangmah tikin mu puo’n a,” a ti seka.

VAIHAWMTE 17:13

Khutichun, Mika chun, “Tuzet hin chuh Levi chi thiempu ka nei ta a, Lalpa’n ei vangsak tei ina tih ka hêi,” a ti a.

VAIHAWMTE 17:5

Chun, Mika chun pathien In haw a nei a, Ephod leh teraphim a siem a, thiempu dingin a chapa khat chuh a kawihchuom ta a.

JEREMIA 36:23

Chun, tihi ahung hi a, Jehudi chun pêk thum ahim pêk li ahim a sim zawh chun, lengpa chun a la a, chemcha’n a âttan: a, thukkhuk achun a paih lut a, lehkhabuziel chuh a kâktum masieh thukkhuk achun a hâl tai.

THUCHINGTE 4:17

Nunsietna chângthâk chuh a neu a, thagum suoh chuh uain bangin a dâwn u a.