ISAI 5:17 - PATHIEN LEKHABU THIENGTHO (BSI)

¹⁷ Zie phat chuleh belam note chuh a tatna mun u a ta guolin ta dip dip un tin, belam thaute leh a no haw chun thilsie lak achun hampa pet un au.

ISAI 5:17 ပူးပေါင်းရင်းမြစ်များ

ZEPHANIA 2:6

Chun, tuipi pang chuh hamhing mun hi’n tin, belam chingte giehbuk leh, belamte huong hi’n au.

ISAI 7:25

Chun, tâng gam, tudal a kilaisa mun cheng achun, ling leh hamlingnei lauh ziekin hung ngam ta puo’n na tin, bâwngchalte tatna leh, belam hawnte chilgawp maimai ding hung hizaw ta’n a,” a ti a.

ZEPHANIA 2:14

Tichun, a sung achun gan hawnte leh ganhing chi tinte giek un tin, Simbute chuh thilsie lak achun cheng un tin, a tukvan haw achun hâm un au! Chun, vangawngsau leh sakuh te chuh a pindan chungnung ah giek un tin, Sidar thinga In kisa haw chuh suksiet hiding ahi ngâl a.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

HOSEA 8:7

Huih a chîng uh a, chinpei ât ding a hi ngâl uh a. Lo a buh ding laite chun vui suoh puo’n tin, nek ding sepdawk diek puo’n a. A gah sepdawk mahlele, gamdang mite’n ne zo tho un au.

SUNNA LA 5:2

Ka neihlelam teu chu gamdang mite khut achun a um zo ta a; Gamdang mite chu ka In hawu achun a cheng tau hi.

JEREMIA 5:28

A hung thau u a, a hung zawl u a. Ahi, a nunsietna thilhih teu chun chintawk a he puou. Pa neilote lamzan na dingin dikna’n vai a hawm puou a, mi gimtheite te dinmun chuh a venbit sak puou hi.

ISAI 65:10

Chun, ka mipi kei ei hawlte a ding chun, Sharon phai chuh belam hawn tatna mun hung hi’n tin, Akor guom chuh bâwng hawn giehna mun hung hita’n a.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

ISAI 32:14

Leng In chuh taihsan a um in, mipi a dim sek khawpi ngêi chu nutsieh ahi ta a, In lopi tak tak leh a gâlven bûkte chu gamsate chênna mun hung hi’n tin; gam sabiltung leh belam hawnte chuh muong takin ta ta’n au.

ISAI 17:2

Asuria khawpi chuh taihsan in a um tai. Belam hawnte umna mun ding mai hi ta’n tin, ziehaw chuh bawk un tin, kuoma’n delh dawk puo’n a.

ISAI 10:16

Zieziekchun, Sepaihte Lalpa chun a mi thaute laka chun natna sawl intin, a taksau chung achun meikuong zing bang hin, mei tihin um ina. Mei chuh Israel vak Pathien chuh ahi a;

ISAI 1:7

Na gam u chuh a hawm zo ta a; na khawpiteu chuh mei in a katum zo a, na mit muh ngêi un na gam u chuh gamdang mite’n a la zo u a, a hihsie zo tau hi.

SAM LEHKHABU THE PSALMS 119:70

A lunggil u chu sathau bang in a thau a; Himahleh, kei vang na dân chungah ka kipâk sek hi.

SAM LEHKHABU THE PSALMS 73:7

Thauna ziekin a mit uh a pawng a; A lunggil u a duhthusam sanga tamzaw a nei u a.

SAM LEHKHABU THE PSALMS 17:14

Aw Lalpa, na khut in mihiemte lak ah, Khawvel mihiemte lak ahin, humbit inla; Amau chanvo chuh tu damsunga a neih u hi a hi a, A gilpiu chuh na go in na sukdim sak sek a: Cha lungkim na kham set a nei u a, A sum mat val u chuh a chasen teu a taihsan sek ui.

SAM LEHKHABU THE PSALMS 17:10

Amau haw chun lainatna a nei puou a, A kam un chapo takin a pau sek u a.

NEHEMIA 9:37

Ka gitloh ziekun ka chung u a lal dinga na guot te chuh a hauhsak lawh u a, ka taksa chung u leh ka ganchateu chung tieng in a nawp dân dân un vai a hawm u a; ka lungzîng mah mah mai ui.”

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

DAN NIHNA 28:33

Na lei gahteu leh na sepgim gahteu chuh na hêtkhâk loh uh nam in ne zo intin un; chun, nang u chuh nuoisieh leh tawhden hi kumkhuo’n lau;

HOSEA 4:16

Israel mipite chuh sabiltung genhak tawbang in a genhak u a, bangti’n a belamno hampa phatna muna um tawbanga ka vak theih ding?