ISAI 5:16 - PATHIEN LEKHABU THIENGTHO (BSI)

¹⁶ Himahlele, Sepaihte Lalpa chun diktatna chuh thil dik hih in etsak intin, a thienthona chuh a mipite vaihawm sak ni achun a sulang tai.

ISAI 5:16 ပူးပေါင်းရင်းမြစ်များ

SAM LEHKHABU THE PSALMS 46:10

Thip unla, Pathien ka hi tih hi heu in: Namte cheng lak ah chawih sa’n in um ing ka ting, lei ahin chawihsân in um ing ka.

ISAI 12:4

Zie ni chuleh, mipite chun la sau untin, “Lalpa kawmah kipahthu gen un la! amin lo un la, a thilhih haw chuh mitin hetsak un la; amin chuh chawihsân in a um hi tih gen un.

1 KHANGTHUBU 29:11

Aw Lalpa, lopinate, thilhih theihna te, limbawlna te, guolzawhna te, lalnate, nanga a hi a; lei leh van a um chengcheng hi nanga ahi ngâl a; aw Lalpa, gam chu nanga ahi a, mi chengcheng laka chungnung pên na hi.

1 PETER 2:15

Mingawlte thugen ngawlhuoi takte, thilpha hih a na sukthip uh hi, Pathien deihlam tak ahi ngâl a.

EZEKIEL 36:23

Ka min lopi tak, namte laka gensieta um, amau haw lak ngeia na gensiet u chuh hih thiengtho ding ka hi; khutichun, a mitmuh u a nangmau a hih thientho a ka um tieng chuleh Lalpa chuh ka hi tih he’n au, Lalpa Pathien chun a tii.

ISAI 29:23

Ka khutsuok, a chateu chuh a lak uh a a muh tieng u leh, ka min chuh limbawl tau untin; maksa takin ka masangah dingun tin, Jakob Pathien hi kihcha ta’n au.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii:

ISAI 33:5

Lalpa chuh a lopi na e! Thil bangkim chungah thu a nei a. Zion chuh thudik leh dikna’n a hih dim ta a,

ISAI 8:13

Himahleh, Sepaihte Lalpa chuh na kawih thiengtho dinguh ahi a, amah chuh na kihchakpau hi henla, amah chuh na lauhpau hi hen.

EZEKIEL 38:23

Chun, ka lopi zie leh ka thientho zie sulang ing ka ting, chun, nam tamtak te mitmuh ah kisulang ing ka, chun, kei hi Lalpa chuh ka hi tih he ta’n au.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

ISAI 2:17

Mihing kideihnate chuh suktawp hi’n tin, mite chapona haw chuh sukmangthai in um ina. Zie ni chuleh Lalpa chauh chuh chawihsân in um intin;

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

ISAI 61:8

“Kei Lalpa hin vaihawmna dik ka ngaina sek ngâla, diklohna leh chapona hi ka haw a. Tichun, amau haw diktatna chuh tihtakzet in a kawm u ah pie’ng ka ting; chun, kumlekhuo a thuthun chuh amau haw tawh siem ing ka.

ISAI 28:17

Chun, diktatna chuh a tehna khau in mang ing ka ting, ginumna chuh a etzawnna’n mang ing ka,” ti’n. Lepchieh thu kihumbitna a neite chuh giel in sep mang kêi intin, a kisêlna mun hawu chuh tui haw chun chup mang vek ina.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

SAM LEHKHABU THE PSALMS 21:13

Aw Lalpa, na hatna a chun chawih-ât in um inla: Khutichun na thilhih theihna chuh pakcha’n la sa’ng kau.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

ISAI 2:11

Zie ni chuleh mi kingaisangte chuh sukniem in um untin, mi chapote chuh tawh niemin um in au; Lalpa chauh chuh chawihsân in um ina.

SAM LEHKHABU THE PSALMS 9:16

Lalpa chuh a kiphuonga vai a hawm ta a, Mi dukdaklo chuh amah khutsuok ngêi chun a âwk sak a. Selah. (Higgaion hi ngaihtuoh tihna ahi)

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

1 PETER 1:16

“Nanguh na thientho dinguh ahi, Kei ka thiengtho ngâl a,” tih zik a hi kha.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

EZEKIEL 28:22

Lalpa Pathien chun hiti hin a tii: Ngaiin, ka hun do ahi, Aw Sidon; Limbawl in hung um ing ka, na sung ah; Lalpa chuh ka hih zie hun he’n au, a chunga gawtna ka tunsak a, a sunga thiengtho a ka kitaklat tieng.

1 PETER 3:15

Himahlele, na lunggil u ah Krista chuh zah tak leh Lalpa banga limbawl zingin um un. Nangmau a um, na kinepnau thu hun dawp ta chuh dâwng dingin kisazosa’n um zingun,

ISAI 33:10

Lalpa chun, tuhin vang kipan ing ka ting, tuhin limbawl in um tang ka ting, tuhin limbawl in um tang ka.

EZEKIEL 20:41

Namte lak apat a ka hun puih dawka, thehzak na hihnau gam tin apat a ka hun puih khawm tieng chuleh gimlim guolin hun na pawm ta’ng ka ting, Jentel te mitmuh achun nangmau haw ahin ka thientho zie kilang ta’n a.

EZEKIEL 38:16

Meipi’n gam a khuh mepmup bang hiel hin ka mi Israel te chungah hung in na tin; hiti hi hung hi’n tin, ni nunung haw achun ka gam do dingin hun pui ing ka ting, namte chun ei hen au, Aw Gog, a mitmuh u a nangmah a hih thientho a ka um tieng chu leh.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

KISIMNA 20:13

Zie hi ahi Meribah a tui haw chuh; Israel chate chuh Lalpa chungah a phun u a, Amah ngêi chuh a lak u a thiengtho a a ki-etsak tâk ziekin.

ISAI 2:9

Khutichun, mitin chuh sukniem leh sukmuolpho in a um u a, zieziekchun, Lalpa amau haw chuh ngaidam ki’n.

EZEKIEL 28:25

“Lalpa Pathien chun hiti hin a tii: Israel inkuon chuh thehzak a a umnau mite lak apat ka puihkhawma, Jentel te mitmuha a lak u a ka thienthona ka taklat tieng leh Ka suok Jakob kawma ka piek, amau gam ngêi achun cheng ta’n au.