ISAI 5:14 - PATHIEN LEKHABU THIENGTHO (BSI)

¹⁴ Zieziekchun, thihna khawvel chun a an duhna chuh a na supung a, a kam chuh teh theih loh khawp in a na ka ta a. Tichun, Jerusalem a miliente leh a mi lopite, a mipite leh a masanga khawhelo khawpa thawm pha leh a laku a a kiletsakpih teu cheng chuh a lut suk sausau tau hi.

ISAI 5:14 ပူးပေါင်းရင်းမြစ်များ

LUKE 21:34

“Amahvang chuh, chingthei un! khutilochun, nek vah tâk luot tawh, zukham tawh, damsung khawsak ngaihtuohna tawh, na lungthim uh dim val taluo kha’n tin; zie Ni chu leh, thang âwk guolin thakhat in, na chungu ah hungtung phut ina.

HABAKKUK 2:5

Ahi, zielo chun le, uain heh chuh thepna ahi a; mi chapo leh kideihtawkte le a masang achun pang zo puo’n au; A utchakna chuh Sheol guolin a hawng lien a, thihna tawbang ahi a; suk tai theih ahi puoh a, a kawmah namtin a puikhawm a; Mi cheng cheng a samkhawm sek hi.

THUCHINGTE 30:16

Mithi khuo, chuleh sûl chîng, tui mu lo tânggawchak, “Hun ta’n a” ti ngeilo meikuong.

MATTHAI 7:13

“Kawt chîp a chun lut un, manthaina a chiehna kawt chuh a zan a lampi le a za ngâl a; zie lama lut chuh tam le a tam ui.

THUCHINGTE 27:20

Sheol leh sietna’n dim tik a nei kha himhim puoh a, zie tawbang chun, mihingte mit le a lung-awi ngei himhim puoi.

SAM LEHKHABU THE PSALMS 55:15

Thihna a chung u ah hung tung hen la, Sheol achun a hing in chieh suk u hen.

ISAI 30:33

Tuma lam apat in Asuria leng meia hâlna ding chuh guonggalh khawlsa a hi ta ngâl a. Thuk tak leh lien tak leh, thing kisieh vum velvul a hi a. Lalpa’n zie hâlna ding chun a kawm apat in mei thahdawk in a.

ISAI 14:9

“Nuoi lam apat Sheol chuh Babulon leng muok dingin a kisazo ta a. Lei chunga thagau thilhih thei mah mah te chuh a chawktho a. Namtin lalte thagau chuh a lalchutphah uh apat in a kaitho tai.

LUKE 17:27

Noah kuong a a lut a, tui a hung let a, a bawnchau a a thih suok kêi niu a tun masang sieh, a neu in, a chau a, zi leh pasal in a kichêng tuoh sek ui.

ISAI 21:4

Ka lung a vai a, lau in ka kithing ta a. Nitâk ni nêm ka ngaklah sek kha kei dingin kithinna a hung suok ta a.

THUCHINGTE 1:12

Sheol bangin a hingsan in valh zo hi tingun, mi kitûpte sheol a chieh suk bang mai in;

SAM LEHKHABU THE PSALMS 49:14

Belam thah ding banga Sheol a dinga guot ahiu hi, Thihna chuh amau chingpa hi’n tin: Zang takin thân ah kum suk un tin, a mellepâng u le bei pai intin, Sheol chuh a chênna dinguh hita’na.

DANIEL 5:30

Zie zan mah mah chun Babulon leng Belshazar chuh thah ahi ta a.

NAHUM 1:10

Zukhamte guola kham in um mahleu, lingbawk kisepkhawm guolin amau chuh meia hâltum in a um u a; buhpawl gaw guolin hâltum ahiu hi.

ISAI 14:11

Na lopi na chuh thihna khawvel a puih thâk ahi tai, na pekgit gi bulbulte tawh tangtel chuh na nuoi ah a kiphah u a, thil nget puon chun a hun khuh ta ahi’” ti’n.

ISAI 24:8

Khuongneu haw git chuh a châwl a, kipahna thawm chuh a thip ta a, kingkang pek a kipâk git chuh a dai ta a.

EZEKIEL 7:12

Hun chuh a hung tung ta a, ni chuh a nai huoi huoi tai: a chawte le kipâk kiu henla, a zuokte le lungkham kiu hen: lungnatna chuh a bawn u a chungah a tung ngâla.