ISAI 5:12 - PATHIEN LEKHABU THIENGTHO (BSI)

¹² Kingkang leh pekgitte, khuong leh châmngaite tawh uain a a guolvaknau a um sekte; Lalpa thilhih ngaihsak sek lote leh a khut nasep mu thei sek lote chung chuh a gik hi.

ISAI 5:12 ပူးပေါင်းရင်းမြစ်များ

SAM LEHKHABU THE PSALMS 28:5

Lalpa nasep te leh, A khuta a thilhih chuh a ngaihsakloh ziekun, A mah chun amau haw chuh siempha lo in hih sie’n a.

JOB LEHKHABU THE BOOK OF JOB 34:27

Amah apat a a petmang ziekun leh, A dante a khawksak loh ziek un.

JUDA 1:12

Ziete haw chuh, kihehpihna guolvakna a na kawmuh a a tel tieng uh leh, suongpi, tui chup suoksa tawbang ahiu a, lauhna zie helo, belam chinga amau kivakte tawbang ahiu hi. Meitang tui puo lo, huih mût lawn viel tawbang ahiu a, thinggah lo, chavang nasan ale gah lo, thing, a zung puma kibawtdawk ahiu a,

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

LUKE 16:19

“Chun, mineizo kuo ahim a um a, puon sandup leh patngatpuon a silh a, ni chengin nuomsa takin a um sek.

ISAI 22:13

Himahlele, kipahna leh, lawpna te, bâwng thahna leh belam thahna te, zu leh sa nekna na nei zawu a, “Nêi tingun dâwn hitiu, zing leh thi ding I hi ngâl u a,” na tiu a.

ISAI 5:19

“Hung kinawh hen la, a hih ding chuh hih hen la; vak kimu ngâl leh aw! Israel Mi Thiengtho chuh I het theih na dingun, a thil guonggalh chuh hun hih zo kin leh,” tite haw na chunguh a gik hi.

THILSIEMBUL 31:27

Bang zieka gûk a taimang a, nei kilep san ahi? Kipahna tawh, la haw tawh, khuong haw tawh, kingkang haw tawh ka hun thak theihna dinga bang a ti a nei hilh loh hiel ahi?

1 KORINTH 14:7

Thil hinna bei, githeite hile, châmngai ahim, kingkang ahim, hilele, mal nei taka a git loh chun, bang la a, a mût uh, tih leh banga a nawt uh tih, kuo’na he thei ding?

1 SAMUEL 12:24

Lalpa chu lau phawt mai unla, na lungthim chengcheng un tihtakzet in a na sem unla; nang u dinga thil thupi taktak a hih dân haw hi ngaihtuoh un.

2 SAMUEL 19:35

Tuhin kum sawmgiet a upa ka hi a; a sie leh a pha le ka khendang theia ahim? Na suok hin ka thil nek leh dâwn haw hi a lim leh a lim loh le ka he thei na laia ahim? Pasal leh numeihaw lasak git le ka za khen thei ta puoh a. Zieziekchun na suok hi bang dingin em lengpa ka pu a dinga puokgik tak ka hih mai ding

ISAI 24:8

Khuongneu haw git chuh a châwl a, kipahna thawm chuh a thip ta a, kingkang pek a kipâk git chuh a dai ta a.

ISAI 29:1

Ehe, Ariel, Ariel! David chênna khawpi! Na chung a gik hi! Kum khat hung beiin, kum dang hungtung zelin, Kut nite mang zel mahleh chin,

ISAI 56:12

“Amau chun, hung unla, uain va lai tingun, dâwn kham hitiu! I bawn un zu chîk tak dâwn in kisukham hitiu; zing khu tuni tawbang tho hi’n tin, nuom zaw nalai bawn ding ahi ngâla,” a ti chiet sek ui.

EZEKIEL 26:13

Na lasak git haw suthip ing ka ting, Na kingkang git le het hita puo’n a.