ISAI 49:2 - PATHIEN LEKHABU THIENGTHO (BSI)

² Ka kam chuh chemzâm hiem tak guolin a siem a; amah khut lim ngêi achun ei na selgu a. Thalpi chang banga hiem in, mat dingin ei na siem ta a.

ISAI 49:2 ပူးပေါင်းရင်းမြစ်များ

HEBRAI 4:12

Pathien thu hi a hing a, thil a hih thei a, chemzâm hiem tuok sangin le a hiem a, hinna, thagau leh guh kisuktuohna, theng sukhen thei hiela sun thei ahi; chuleh, lunggel leh lungthim ngaihtuohte hetuok pai zieng thei ahi.

THUPHUON 1:16

A khut changlam achun aksi sagih a chawi a, a kam apat chun chemzâm, a nih lang tuoka hiem hih a hung pawt a. A mel chuh, nisa sat vanglai tak tawbang hin a vak hi.

ISAI 50:4

Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

ISAI 51:16

Chun, vante khu ka kaimalh a, leisiet kingakna ka phum a, Zion kawm achun, ‘ka mite na hiu! ka thu sinsakte ka hun pie a, ka khut in ka hun liehkhuh na hiu hi,’” ka ti a.

THUPHUON 2:12

“Chun, Pergamos khuo a Sapchuom haw lawi vânsâwlchâk kawm achun hiti hin zik ah: “Chemzâm, a nih langtuok a hiem, hiem tak chawipa khan zie thu haw hi a gen a hii;

JEREMIA 1:18

Ngaitie, tuni hin a gam pumpiu a Juda lengte, a lawiupateu, a thiempu teu leh zie gama mite leh khawpi kulh nei haw leh thik khuom leh sumsan banga ka hun siem na hi.

ISAI 11:4

Mi chagahte phatak in vaihawm sak intin, leia mi thunuoigawlh te a ding chun khenchuom neilo in hilhgaih ina; a kama khetbuk in lei hi khên intin, a mûk a hu pawt in minunsie chuh that ina.

HOSEA 6:5

Zieziekchun thiemgaute mang in amau chuh ka theuh ngim a, ka kama thu’n ka sulum a, ka vaihawmna chuh vak tawbanga a chiehdawk ahi.

SAM LEHKHABU THE PSALMS 91:1

Chungnung pên Pa kisêlna a nei a, Bangakai hihtheipa lîm a umte chun.

THUPHUON 19:15

Chun, a kam apat in chemzâm hiem tak a hung pawt a, zie chuh namtin a satna ding ahi. A chunguh achun thik tiengin vaihawm intin; Pathien, Bangakai hihtheipa lungnatna nasatak grep thawkna khuk achun chilgawp ina.

LUKE 23:46

Tichun, Isu chuh ngeih tak in a kiko a, “Hepa! na khut ah ka thagau ka hun vawp sak hi,” a ti a. Zie chuh a gen zawhin, a thagau a thah ta a.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

EPHESI 6:17

Chun, hukdamna lukhuk leh Thagau chemzâm, Pathien Thu chuh kilak unla;

THUPHUON 2:16

Khutichun, lunghei ah, tichun, na kawmah hung vak ka ting, ziete haw chuh, ka kam apat a chemzâm pawt hin do ing ka.

PAWTDAWKNA 33:22

Chun, hiti hi hi’n tin, Ka hun chiehpelh sung chun, suongpi khi sung ahin hun kawih ing ka ting: ka hun chiehpelh masang sieh chuh ka khut in hun lieh khuh ing ka ting;

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

HABAKKUK 3:11

Nisa leh thapi chuh a ding zing ui, amau umna mun ah, na thal chang leng dawk leh na tiengcha mûk val liu lieute vaka chun.