ISAI 48:8 - PATHIEN LEKHABU THIENGTHO (BSI)

⁸ Mi genhakte ti a heta um zing na hih ziekun, gingcha puo’n lau tih ka he him hi. Ziehaw chuh na bil u a a lut khâk loh ziekin, ziehaw hi na helo him uh ahi.

ISAI 48:8 ပူးပေါင်းရင်းမြစ်များ

SAM LEHKHABU THE PSALMS 58:3

Minunsie te chuh a nuu sunga kipan mawng mawng inle a chieh khiel u a, Pathien apat a khen in a um u a: A suok u akipat in zuou thugen a gen sek ui.

MALAKI 2:11

Juda mite chun Pathien kawma a thutiem u chuh a bawhsie tau a, a gamsung pumpiu leh Jerusalem a chun thil ten um tak a hih tau a. Tichun Lalpa’n a deih mah mah Ho-In chuh a hihbuok tau a, pasal te chun gamdang numei– pathien chanute chuh a kichênpih uh a.

HOSEA 5:7

Lalpa a dingin a ginum ta puou a, a chateu chule amah a ahi ta puoi. Zieziekchun, amau haw leh a gam u chuh sukmangthai in um un au.

JEREMIA 6:10

A hettheih ding un kuo a ka hopih ding, kuo a ka sap ding? Ngaitie, bilvih loh ahiu a, a za thei puou a, Lalpa thu chuh amau dingin nuihzat um ahi a, kipahna himhim a nei ta puou hi.

EPHESI 2:3

Zie, awilo chate tawbang mah khan, eihaw le, makhan phehlevo leh lungthim nawpna lam bawl in, I phehlevo utchaknau bangin I um vek uh a. I hihnau mâwnga le lungnatak cha mi dangte tawbang mah in, Pathien lungnatna thuok dinga guotsa him I hiu hi.

JEREMIA 5:11

Israel inkuonte leh Juda inkuonte chuh ka chungah gukhah takin thil ahih ta ngâl u a, Lalpa’n a tii.

JEREMIA 3:20

Zi ginumlo in a pasal a zawlsaih san bangin, Aw Israel inkuon te haw, ginum lo takin nei um san tau hi ti’n Lalpa’n a gen hi.

ISAI 50:5

Lalpa Pathien chun ka nakhang ei sukhawn sak a, kei chuh ka genhak ngei puoh a, amah apat in le ka taimang ngei diek puoi.

ISAI 48:4

Mi genhak na hiu a, na ngâwng u chuh kahpathik banga khauh leh na chalpâng u chuh sumeng banga tâk ahi tih ka het ziekin.

ISAI 46:8

Nang haw mi gilote haw, ziehi hezing unla ngaihtuoh unla, Ka thilhihte hi geldawk un.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

SAM LEHKHABU THE PSALMS 51:5

Ngaitie, gitlohna a hinthak in ka um a; Ka nu’n gitloh na’n nau in ei vawp a.

SAM LEHKHABU THE PSALMS 40:6

Kithawihna leh thillat chunga hin kipahna himhim na nei puoh a; Ka nakhang haw hi nei hih hawn sak ta a: Hâlmang thilpiek leh gitloh dinga thilpiek chuh na ngek puoh a.

HOSEA 6:7

“Himahleh, Adam guolin amau haw tawh ka thugawlh chuh a bawhsieu a, zie taka chun gukhah takin ka chungah ahih u a.

JEREMIA 5:21

Aw hetthiemna neilo, mingawlte haw, mit nei ngâla mulote; bil nei ngâla za lote haw, zie thu hih ngaitha tiem u.

ISAI 33:1

Ehe! nang suom tuokkhalo pi a, mi suoma pang, chitgil taka bawl tuokkhalo pi a, chitgil taka thilhih, na chung a gik hi! Mi suom na haih tieng leh suomna hun tuok in na tin, chitgil taka hih na haih tieng leh chitgil taka bawl in hung um inla.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

ISAI 47:11

Khutichun, thil phalo na chungah hungtung intin, na dawi thilhih theihna chun dal thei puo’n a. Hatkhat in na chungah sietna hungtung intin; sietna na hêtkhâk loh chuh hungtung phut ina.

ISAI 48:7

Ziehaw chuh tuhin ka hih ta a, tumasang in zie tawbang chuh a na um kha puoi. A na um kha hile chuh, Ka hetsa vek uh ahi, ti ding na hi ngâl uh a.

ISAI 57:4

Kuo a tawtbawlna a na mat sek uh? Kuo a kam lien tak tak ka a, lei na thâk dawk khum sek uh? Nang haw hi thil sukhielte cha, lepchieh gente suon hilo na hiu hi?

HOSEA 7:9

Gamdang mite chunga a kinepnau chun a hâtnau a lâksak ahi tai tih a he puou ui.

DAN NIHNA 31:16

Chun, Lalpa’n Mosi kawma chun, “Ngaitie, na pilepute kienga ipmu ding na hi ta a, zie mite hi kipan untin, a va umna dingteu gama pathiente chung achun zawl ei saihsan intin un, ei ngaihsak puo’n tin un, amau tawh ka thuthun chuh bawtsie’n au.

DAN NIHNA 31:18

Pathien dang haw lam nga a thil phalo a hih ding hawu chengcheng ziek chun zie ni chuleh kiselmangsan teitei ding ka hi.