ISAI 48:14 - PATHIEN LEKHABU THIENGTHO (BSI)

¹⁴ Na bawn un hung khawm unla, ngaithau un! Ka mi teldawkpa chun Babulon do intin; hih ding ka tihte chuh hih ina tih pathien dang khatcha’n le a genlawk thei puou ui.

ISAI 48:14 ပူးပေါင်းရင်းမြစ်များ

ISAI 43:9

Namte chuh hung kikhawm u hen la, chitin a mite chuh hung kikhawm tau hen. A lak u ah kuo a zie thu hi genlawk thei leh tunung thil ding a genlawk thei um? A diknau hetpih dingin hetpihtu hun pui u hen la, a thugen u chuh a dik ngêi hi tih phuong u hen.

ISAI 41:22

Zie hin hung paw khawm unla, thil hungtung dingte chuh ei hilh un. Thil chieh sa haw chuh bang ahim tih kei uh ei hilh tiem u le! tichun, a tun tieng leh hechien hi tingun, Vaihawmna In achun thil chiehsate chanchin chuh genchien unla; a umzie ei hilh tiem u le!

ISAI 44:28

Kura kawm achun, ‘Amah chuh belam chin a ei chingpa ahi a; amah chun hih ding ka tih cheng chuh hih buting ina,’ tipa leh Jerusalem chungchâng a ‘Tundin a um kit ding na hi,’ tih leh Temple chungchâng a ‘Na suongphumte lem thak a um kit ding ahi,’ tipa chuh ka hi,” ti’n a gen ta a.

ISAI 44:7

Ka thilhih bang hi mi dang kuo a hih thei ding? Kuo a thil abul apat a a tâwp ding chan genlawk thei? Ei hilh u hen.

MARK 10:21

Isu’n amah chuh a en a, a hehpih ta a, a kawmah, “Thil khat na vat nalai hi; chieh inla, na neih chengcheng zuok inla, mi neilahte kawmah pie’n, tichun, van ah go nei in la; chuleh, hung inla, ei zui ah.” a ti a.

ISAI 13:19

Chun, Babulon chuh khawpi laka hawihpen leh, a mipite kisuonpih ahi a, himahleh, Kei, Lalpa hin, Sodom leh Gomorra ka sukmangthai bang khan, sumangthai ding ka hi.

ISAI 21:9

Ngaitie! thakhat in, mihing hawn, sakawl chung chuong, a kawp kawpa chieh a hung ui,” ti’n. Amah chun, “Babulon khawpi chuh a chim tai! A chim tai; a pathien uh, milim siemkawmte chengcheng chuh lei ah suknel in a um tai,” ti’n a dawng a.

THILSIEMBUL 49:1

Chun, Jakob in a chapate chuh a sama, hiti hin a gen a, “Tunung a na chung u a thil hungtung ding chuh ka hun hilh theihna dingin hung kikhawm un:

THILSIEMBUL 49:2

“Nang uh Jakob chapate, hung kikhawm unla, ngaithau in: na pau Israel thugen hi ngaithau in.

ISAI 45:13

Keimah ngêi in, thutak leh ka thiltup te subukim dingin Kura chuh ka chawktho a. A chiehna lam chengah pui lamzang ka ting; Ka khawpi chuh tungding kit intin, ka mi saltângte chuh hun thahdawk ding ahi. kuoma’n kipahman a pie puou a, a thilpiek le a pie diek puou hi,” ti’n Bangakai hihthei Lalpa chun a gen tai.

JEREMIA 50:44

“Ngaitiem u, Jordan gammâng apat in sakeibaknei, gancha tat na muna hung to bangin hung to intin, amah apat chun amau haw taihmang sak ing ka ting; a chunga thunei dingin ka deih taphawt guot ing ka. Kei tawbang hi kuo a um em? Kuo a hunbi ei guot sak ding? Belampu kuo ahim ka masang a ding ding chuh?