ISAI 48:11 - PATHIEN LEKHABU THIENGTHO (BSI)

¹¹ Keimah a ding chauh in, ka thilhih hi ka hih a; Ka min hi sukminsiet in umsak ding ka him? Ka lopina chuh mi dang kawmah pie lo ding ka hi,” ti’n.

ISAI 48:11 ပူးပေါင်းရင်းမြစ်များ

ISAI 42:8

“Kei hi Lalpa na Pathien ka hi a, Pathien dang mawng mawng in ka lopina hi chang puo’n au, Pahchak a ka umna hi milim pathiente kawmah pie diek puo’ng ka.

EZEKIEL 20:9

Ahih ziekin ka min vangkhuopna’n a lak u a a chênna teu, Jentel te’n ka min chuh a ngaihho lohna dingun, amau mitmuh ngêi achun Israel te kawmah, Aigupta gam apat puidawk in, keimah ngêi ka na kihetsak a.”

EZEKIEL 20:14

Himahleh, ka puihdawk pet hete nam ngêi mit muh ah hihsiet a a um lohna dingun ka min ziekin ka tawi zaw ta a.

ISAI 37:35

Keimah ziek leh ka suok David ziekin, zie khawpi hi hukbit in, hum ding ka hi,’ ti’n” a ti a.

EZEKIEL 20:22

Himahleh, ka khut ka na tim a, amau haw ka puih dawk lai mute, Jentel te’n ka min a ngaihho lohna dinguh vangkhuopna’n ka na tawi zaw ta a.

1 SAMUEL 12:22

Amin lopi tak ziek hin Lalpa chun a mite chu kilehheisan ding ahi puoh ngâla: A mite dinga hun siem chu Lalpa kipah lam tak ahi ngâla.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

JEREMIA 14:7

Ka manlohnau chun ei phawlchil mahleh, na min ziekin Aw Lalpa, hung sem in; ka nungchawnnau a tam ta ngâl a; na chung ngêi ah thil ka hihkhiel ui, a tiu a.

EZEKIEL 20:44

Na umdan phalo hawu leh na thilhih tenum hawu dungzui hilo a, ka min zieka ka hun kipapvaipih tieng leh, Aw Israel inkawte haw, Lalpa chuh ka hi tih he ta’n lau,” Lalpa Pathien chun a tii.

EZEKIEL 20:39

Nang u chuh na hih u leh, Aw Israel insung mite haw, Lalpa Pathien chun hiti hin a tii: “Chieh unla, na milim hawu na chuh sem chiet mai tau u! Ahihziekin, tunung leh ka thu hun ngaitha ta’n na tin un, ka min thiengtho chuh na thilpiek hawu leh na milim hawu chun subuok ta puo’n lau.

ROME 2:24

A zik guol ngêi u khan, Pathien min chuh nangmau ziekin Jentel te lak achun gensiet in a um tai.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

ISAI 52:5

Zieziekchun,Lalpa chun zie thu ahin bang ka gen ta die, ka mite chuh aziek beia puihmang ahiu a; a vaihawm teu chula a khuoisa-akhuoisa zieng u a; sun ni tum in ka min chuh a musit u a.

ISAI 48:5

Zieziekchun, tuma lam apat in na masang uh a, thil hungtung dingte ka na genlawk a; na milim pathienteu leh, milimte hih a hi na tih lohna dingun, a hungtun ma pek apat in ka gen ta khah!

SAM LEHKHABU THE PSALMS 25:11

Aw Lalpa, na min ziekin Ka thulimlohna ngaidam inla, huoisie tak ahi ngâla.

SAM LEHKHABU THE PSALMS 106:8

Khuti tieng chun le amin ziekin amau haw chuh a hukdam ta a, A thilhih theihna lopi tak chuh a hetsak theihna dingin.

SAM LEHKHABU THE PSALMS 115:1

Aw Lalpa, kei uh hilo in, kei mau haw ei pie lo in, Na min chu lopina pie zaw’n la, Na zahngaihna leh na thutak ziek in.

ISAI 48:9

“Ka min pahchak a a um theihna dingin, ka lungnat chuh dieh tadih ing ka ting; Ka hun sukmangthai lohna dingin, kizuk kit ing ka.

DANIEL 9:17

Zieziekchun, Aw ka Pathien uh, tuhin na suok pauchamna leh ngetna hi ngaitha’n la, Lalpa ziekin na mun thiengtho hawmsa chung achun na mel hih vakin.

SAM LEHKHABU THE PSALMS 25:7

Ka tanglak gitlohna haw leh ka sukkhelhna haw chuh hezing ki’n la: Aw Lalpa na phatna ziekin, Na chit zie bang zelin ei hezing in.

EZEKIEL 36:22

“Zieziekchun, Israel inkuon kawma chun hiti hin ti’n: Lalpa Pathien chun hiti hin a tii: Aw Israel inkuonte haw, nang haw ka hun khawksak ziek hilo in, namte laka na chiehna lam cheng u a na gensiet uh ka min thiengtho ka ngaihkhawk ziek zawa ziehi ka hih ahi.