ISAI 48:1 - PATHIEN LEKHABU THIENGTHO (BSI)

¹ Nanguh Jakob insung mite leh Israel mipite, Juda suona mite haw, ziehi ngaithau in! Israel Pathien chuh ka ho ui, ti’n Lalpa min in na kipautiem u a himahleh, thudik leh tih tak takin na hih puoh ngâl uh a.

ISAI 48:1 ပူးပေါင်းရင်းမြစ်များ

JEREMIA 4:2

Tihtakzet leh vaihawmna diktak manga diktak a, Lalpa a hin zing bangin ti a na kipautiem chun, namte chuh amah achun vangsak in um untin; Amah chuh suong tan au.

SAM LEHKHABU THE PSALMS 68:26

Mipi kikhawm haw lak achun Pathien pakchau inla, Israel tuinak a pawtte haw, Lalpa ngêi chu pakchau in.

JEREMIA 5:2

Amau chun Lalpa chuh a hin zing bangin a ti nau a, lepchieh a kihâksiel ahiu hi.

ISAI 65:16

Kuole, gamsung a vangsakna ngên taphawt chun, Pathien ginum tak vangsakna chuh ngên ta’n au. Kuole, thutiemna nei taphawt chun, Pathien ginum tak min chun kipautiem untin; tuma a lungkhamna haw kha hetngilh a a um tâk ziek leh ka mitmuh apat a sel ahih tâk ziekin.”

DAN NIHNA 6:13

Lalpa na Pathien u chuh na lauh u a, a na chuh na sep u a, amah min sama na kihâksiel dinguh ahi.

THILSIEMBUL 32:28

Amah chun, “Na min chuh Jakob hita puo’n tin, Israel hizaw ta’n a; Pathien leh mihing na suol a, na zo ta ngâl a,” a ti a.

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

1 TIMOTHE 4:2

Amau chuh, mi thephat, lepchiehte, a sielephahetnau thik-âm a deh lup tawbang ahiu a, zie sinsakna haw chuh a thehzak uh a.

ROME 9:8

Zie chuh, phehlevo a chate chuh Pathien chate ahiu ui tihna ahi puoh a, thutiem chate chuh Abraham suona san ahi zawu tihna ahi.

ROME 9:6

Pathien thutiem chuh a lawhsam tai ti ka hi puoh a; Israel mi chengcheng chule Pathien mite ahi suok diek puou ui.

ROME 2:17

Himahlele, nang Juda minpuo khat na hi ngâl a, Dan chuh na set a Pathien na suon a;

JOHAN 4:24

Pathien chuh Thagau ahi, amah hote chun Thagau leh thutaka a ho dinguh ahi,” a ti a.

JOHAN 1:47

Isu’n, Nathanael a kawma hung a muh chun, a chanchin a gen a, “En tiem u, Israel diktak, amah a diklohna him um lo chuh!” a ti a.

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

ZEPHANIA 1:5

A inchung a kaldawk a, nisa te, tha te, aksi hote chuh sumangthai vek ding ka hi. Kei ei ho a, ginum taka um dinga thutiem bawl a, himahlele, zie nunga chuh Milkom min a kihâksielna neite chule sumangthai vek ing ka.

ISAI 62:8

Lalpa chun a khut changlam in thutiem dettak a siem a, A thilhih theihna chun subukim ngêi ding ahi; “Na buhteu chuh na melmateu an ding hita puo’n tin; Na uain u chule gamdang mite’n dâwn diek ta puo’n au; zie dinga chuh gimthei taka nasem na hi ngâl u a.

ISAI 58:2

Amau haw chun ni chengin ei ho sek u a, Ka lampi thute le het a nuom sek u a; diktat taka hih leh, a Pathien uh vaihawmna haihsan ngeilo namte bangin ka kawmah vaihawmna diktak ei ngên sek u a, Pathien hun naih le a utcha sek ui.

ISAI 45:23

Ka thutiem chuh a dik a, kisang ngeilo ahi. Mitin cheng chuh ka masanga hung khupdin un tin, keia dinga ginum dingin, keimah kama ngêi in ka kipautiem ta ngâla.

ISAI 44:5

“Mi khat hung in tin, ‘Lalpa a ka hi hi,’ ti’n. Israel mipite chun hun zuon untin, midang in Jakob kiminvawh intin; chun, midang in a ban u ah, ‘Lalpa a’ tih zik intin, Israel chuh a nam min dingun hun mang ta’n au.”

ISAI 26:13

Aw Lalpa, ka Pathien uh, nang tih loh mi dangte’n ka chung u ah vaihawm mahleu, kei un vang nang min mai chuh ka hedawk zing ui.

THUCHINGTE 5:16

Na tuinak haw chuh luon zak sak a um in khawlai dunghaw achun tuinak haw chuh zak ding maw?

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

SAM LEHKHABU THE PSALMS 63:11

Himahleh leng chuh Pathien ah kipâk ina: Amin lo a kitiemna nei ta poh in suong un au; Zuou gen hatte kam chuh him in um ding ahi ngâla.

2 LENGTE 17:34

Tuma lama a hihdan bangun tuni tieng hin a hih zing nalai u a. Lalpa chu a ho nuom puou a, Lalpa’n Jakob suon, Israel ti a a vawhte kawma a piek leh thupiek bangin le a hih diek puou hi.

DAN NIHNA 33:28

Khutichun, Israel chuh gâlmuong takin a uma, Jakob tuilaihdawk chuh melma apat a bit, Grep tui leh buh tamna gam achun; Ahi a vante chun dâichîm a vat sak ui.

DAN NIHNA 10:20

Lalpa na Pathien chuh na lauh u a, a na nasep u a, amah chuh na tuk det u a, a min a na kihâksiel dinguh ahi.

DAN NIHNA 5:28

“Chun, nei hopih lai u a na thugen u chuh Lalpa’n a na he a; khutichun, Lalpa’n ka kawmah, ‘Zie mipite’n na kawma a thu gen u chuh ka na he a; a thugen chengcheng u chuh adik ahi.

KISIMNA 24:7

A tuibel apat guohtui phatak in muu intin, A thai teu chuh lo tui phatna mun ah ding un au. A lengteu chuh Agag leng sangin a lien zaw a, A vaihawmna chuh muntin ah um in a.

THIEMPUDANTE 19:12

Chun, ka min susie’n ka min salin bangmah na kitiem dinguh ahi puoi; Kei hi Lalpa na Pathien u chuh ka hi.

PAWTDAWKNA 23:13

“Tichun na kawm u a ka gen chengcheng hi khawksau inla; pathien danghaw min himhim suoh kiu inla, na kam u apat in zak le kiza kihen la, a kawm u ale na paucham loh ding uh ahi.

THILSIEMBUL 35:10

Pathien chun a kawmah, “Na min hi Jakob ahi a; na min chuh Jakob kiti ta puo’n tin, na min chuh Israel hi zaw ta’n a,” a ti a: tichun a min ding chun Israel a sa tai.

ISAI 46:12

“Hukdawkna hi gamla taka um banga gelte leh; mi gukhahte haw, ei na ngaithau in!

ISAI 64:6

Ka bawn un ka na buok vek tau a, ka diktatnau cheng le puonsie nen kihdak-um tawbang phet ahi. Ka gitloh ziekun nahpa hung vuoi tawbang phet ka hi tau a, ka sukkhelhna teu chun huih guolin ei tawkmang sek hi.

JEREMIA 44:26

Zieziekchun, nanguh Aigupta gama Juda chengcheng te, Lalpa thu hi ngaitha tiem u: Ngaitiem u, Lalpa Pathien a hin zing bang hin ti’n Aigupta gam pumpi a cheng Juda mi kuomah kama pat in ka min kigen ngei ta puo’n a ti’n, ka min lopi sal in ka kitiem hi tih hi Lalpa kamsuok ahi.

ZEKARIA 5:3

Chun, amah chun ka kawmah, “Zie chung ahin gam pumpi chunga hansie chiehdawk chuh a kizik hi, langkhat a chun, ‘Tu apat in gucha taphawt chuh, sukmang hi ding ahi ngâl u a,’ tih a chuong a, a sik langkhat achun, ‘Lepchieh a kipautiem a taphawt chule sukmang hi’n au.’ ti’n a kizik hi.

2 LENGTE 5:20

Himahlele, Elisha suok Gehazi chun, “Ka pu hin, Suria mi Naaman thil hun chawihsakte la lo in a chieh sak kit ta mai a! Suria mi thilpiek chu a lâk ding hi a, Lalpa hinna sâlin ka gen hi, delh ka ting, bang ahim khat bêk va la’ng ka,” ti’n a lungthim in a ngaihtuoh a.

SAM LEHKHABU THE PSALMS 68:27

Zie tak achun cha sang dang pên Benjamin a vaihawm uh ahi a; Juda te miliente leh a upahawu tawh, Zebulun te miliente, Naphtali te miliente tawh.

ISAI 51:1

Nang haw suohchakna ngên a ka kawma hungte leh hukdamna hawlte haw, ei ngaithau in! Na hung kipatnau suongpi chuh en unla, suong lâkna muna na kilaihdawknau khah ngaihtuoh un!

ISAI 51:2

Na pileputeu, Abraham leh Sarah nanguh hun suonte khah ngaihtuoh un. Abraham ka sap lai khan cha a nei puoh a, himahlele, ka vangsak a, cha tamtak leh suon tamtak nei in ka siem ta a.

MIKA 2:7

Aw Jakob inkawte haw, zie hih gena um ding ahim? Lalpa thagau chuh a thuokhat puoh a ahim? Zie tawbang chun thil a hih taktak em? Thil dik hihte kawma chun nunnem takin thu a gen puoh a ahim?” ti’n.