ISAI 47:8 - PATHIEN LEKHABU THIENGTHO (BSI)

⁸ “Khutichun, nang nawpchenna bawl a ngaihsam taka um a, Na lunggil a, Keimah hi ka hi, keimah lo chuh midang mawngmawng a um puoi, meithai guolin chu puo’ng ka ting, chate channa thu le he diek puo’ng ka, ti nu, ziehi he’n:

ISAI 47:8 ပူးပေါင်းရင်းမြစ်များ

ZEPHANIA 2:15

Ziehi a thilhih theihna kisuonpih a, a lungthim un, Kei ka hi, chun kei tih loh midang a um puoi, a ti a. Himahleh, khawpi taihsan leh, a sunga gamsate chênna mun a hung hi zaw tai! A kawm hawh taphawtte chun hipsa kawma chekkhum in, a luchang uh thinkhum un au!

ISAI 32:9

Numei, kinawptelte haw, dingdawk unla, ka thugen hi ngaitha tiem u; chanu ngaihsamte haw, ka thugen ahin bil dawh un.

JEREMIA 50:11

“Kipak in lawp mah mah leu chin le, aw ka gochan buluhte haw, hamdawng laka bâwngla ta heuh heuh bang leh, bâwngchal guolin hâm mahleu chin le,

ISAI 47:10

“Na gitlohna achun bit dingin na kigingcha a, kuoma’n hun mu theilo dingin na kingaihtuoh a, Zieziekchun, na chitna leh na hetna chun a hun puimang zaw tai!

ISAI 45:6

Ni suohna lama mite leh, tumlam geia mite’n Kei hi Lalpa chuh ka hi tih a het theihna dingun leh, Keilo chuh Pathien dang him a um puoi tih a het theihna dingun zie hi ka hih ahi.

2 THESSALONIKA 2:4

Amah chun pathien a vawh tâk phawt u leh, sakhuo chengcheng do in, a chung u a um guo’n amah kilimbawl ina. Chun, Pathien Ho-In achun lut in, chu’n tin, Pathien bangin kigen ina.

NAHUM 1:10

Zukhamte guola kham in um mahleu, lingbawk kisepkhawm guolin amau chuh meia hâltum in a um u a; buhpawl gaw guolin hâltum ahiu hi.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

DANIEL 5:30

Zie zan mah mah chun Babulon leng Belshazar chuh thah ahi ta a.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 4:30

a mah chun, “Zie Babulon khuo lopi tak hi keimah hatna ngêi leh, thilhih theihna a ka chênna ding leh, ka lopina leh ka thupi na suklatna dinga ka siem hilo ahim?” ti’n a gen a.

DANIEL 4:22

“Aw lengpa, nang hi na hi a; na hung khang a, na hung hât a, na lopina chuh a hung khang a, van a su hiel a, na thuneihna chuh kâwlmawng chan ahi ngâla.

JEREMIA 51:53

Babulon chuh van dawt hiel in sang hen la, a kulhbang te chuh sudet mah leh; ka kawm apat in a chungah sietna hung tung tho tho ding ahi tih hi Lalpa kamsuok ahi.”

ISAI 45:18

Lalpa chun vante hi a siem a, amah chuh Pathien ngêi chuh a hi! Leisiet hi a siem a, a din a, a hihdet a. Mawk um mai dingin a siem puoh a, mihingte chênna dinga a siem ahi. Amah chun, “Kei hi Lalpa chuh ka hi a, Pathien dang himhim a um puoi, a ti a.

VAIHAWMTE 18:27

Chun, Dan suonte chun Mika thilsiem haw leh a thiempu chuh a pui u a, Laish khuo gâlmuong taka um hiet hiet chuh a va tung u a, tichun, amau haw chuh chemzâm in a that u a, a khuou chuh mei in a hâltum tau hi.

VAIHAWMTE 18:7

Khutichun, mi ngate chuh a pawt u a, Laish khuo a va tung u a, zie gama mite khawsak dân te leh gâlmuong taka a khawsak dân uh, Zidon mite banga gâlmuong taka a um hiet hiet dân teu chuh a va muu a; zie gam achun a thilhih u a suzakcha ding vaihawmna a um puoh a; Zidon te tawh le a kinaih puou a, kuomah tawh kizawp matna himhim a nei puou hi.

ISAI 14:14

meipi haw sanga sangzaw’n kalto ing ka ting, Chungnung pên pa bangin um ing ka, na tih siet kha tawh.

ISAI 32:11

Hindan nuom takin na hing u a, lungkhamna neilo hielin, himahleh tuhin, lau in kithing un! Kisuohthau unla, sangawn in um unla, na kâwng u ah kawlladip puon chengun!

ISAI 45:5

“Kei hi Lalpa ka hi a, Pathien dang himhim a um puoi; nangin ei helo mah leh chin le, hatna hun pie ding ka hi.

JEREMIA 49:31

Tho unla, thamuong tak a um, amah maia khawsa, kulh kawtkhak neilo, a kamna thiktawn le neilo nam chuh sim un tih hi Lalpa kamsuok ahi.

EZEKIEL 28:2

“Mihing chapa, Tura lengte kawm achun gen in, Lalpa Pathien chun hiti hin a tii: Na lunggil a chapo a, Pathien ka hi a, tuipi laia pathiente chutna achun ka chûi, na ti a, ahihziekin mihing na hi zawa, Pathien na hi puoi, Pathien lungthim tawbang pu’n kingai mahleh chin le:

EZEKIEL 30:9

Zie ni chuleh kei apat in thupuo te kintak in lawng in chieh intin, mi kiginglo Ethiopia te sulau dingin, Aigupta sietna ni chuleh, a chung u ah lunggil lungzînna tung ina; ngaitie, hung tung ding ahi tai!

DANIEL 4:4

“Kei, Nebuknezar hi ka In ah nuom sa tak leh lopi takin ka leng In ah ka um a.

EZEKIEL 16:49

Ngaitie, na suohpihnu Sodom gitlohna chuh ziehaw hi ahi; chaponate, nêk vah takluotna te, amah leh a chanute nawpchenna leh chagah leh tasamte a panpih loh hi ahi.

DANIEL 4:27

Zieziekchun, aw lengpa, ka thu hun hilh hi zawp inla, ngai inla, na gitlohnate haihsan inla, mi gimtheite chungah lungsietna latsak inla, tichun hinkhuo kiphathei takin um zing inla,” ti’n a dâwng a.

NAHUM 3:4

Zie chuh nawhchizuok melhawih, dawithiem nu, a zawlsaih zieka a nam khâwnga, a dawi chîn zieka a inkuon khâwng nu zawlsaihna nasa tak zieka hung um ahi.

HABAKKUK 1:7

Amau chuh lauh-um tak leh tizat-um tak ahiu a, chapo takin, amau leh amau chuh thudik leh Dan kiti zieng un au.