ISAI 45:9 - PATHIEN LEKHABU THIENGTHO (BSI)

⁹ Lei bel chun a siempa chuh a niel dinga ahim? Leibel in a dengpa kawmah, Banga na siem? Na nasep in hih theih a nei puoi, a ti dinga ahim?

ISAI 45:9 ပူးပေါင်းရင်းမြစ်များ

ISAI 64:8

Tuhin vang chuh aw Lalpa, nang chuh ka pau na hi a, kei u hi bellei ka hiu a; nang chuh keihaw ei dengpa na hi. Zieziekchun, ka bawn u hin na khutsuok ka hiu hi.

JEREMIA 18:6

“Aw Israel inkuonte haw, bêldêngpa hih bang hin ka hun hih thei puoh a ahim? Lalpa’n a tii. Ngaitiem u, bêldêngpa khuta tungman bang hin ka khut a um na hiu hi, Aw Israel inkuonte haw.

ISAI 29:16

Thil cheng hi na lehbulh vek u a, bêldêngpa chuh bellei tung bang a ngaih in a um dinga ahim? Thilsiem chun a siempa chuh, “Nang nei siem ka hi puoi,” a ti ngei em? “Ahihloh leh bel chun bel dengpa kawmah, Bangmah na he puoi,” a ti dinga ahim?

ISAI 10:15

Himahlele, Lalpa chun, “Heicha chun a mang pa chuh a uon khum dinga ahim? Thing-âtna chun a ât pa chuh a nuoisieh dinga ahim? Khetbûk in a dawm pa chuh a dawm zaw dinga ahim? mawlh in mi a mang thei puo a, mi’n mawlh a dawp zawk uh ahi ngâl a,” ti’n.

THUCHINGTE 21:30

Lalpa do thei dingin pilnate, hetnate, lemguotthiemna bangmah a um puoi.

JEREMIA 50:24

Aw Babulon nanga dingin thâng ka kam hi; helo in na âwk ta a, muhdawk leh mat na hi tai Lalpa na do dal ziekin.

1 KORINTH 10:22

A hihloh leh, Lalpa chuh itthik dinga chawhtho I guot uh ahi maw? Amah sangin I hatzawu a ahi?

JOB LEHKHABU THE BOOK OF JOB 9:12

Ngaitie, a nawp taphawt a la mang zieng a, kuoma’n a zadah thei puou hi. “Banga na hih?” ti ngam le a um puou hi.

JOB LEHKHABU THE BOOK OF JOB 33:13

“Khatvei le ka thugen ei dâwng puoi,” ti a, Bang zieka amah chuh na dodal ahim?

JOB LEHKHABU THE BOOK OF JOB 40:2

“Mi nielkalhpa chun Bangakai hihtheipa chuh a niel ding ahim? Kuole, Pathien niel ta chun dâwng hen,” ti’n,

THUGENPA 6:10

Thil hung um taphawtte hi amin phuoksa ahi a, chun, mihing hile bang ahiu em tih hetsa ahiu a, amau sanga hatzaw a kinielpih thei puou hi.

ISAI 45:10

A pa kieng a, “Bang zieka hitibang ahi nei hin ahim?” tite leh a nu kienga “Bang dinga nei na hin ahim?” tite chuh a chunguh a gik hi.

JEREMIA 36:29

Chun, Juda leng Jehoiakim chungchâng achun Lalpa’n hiti hin a tii: Babulon lengpa hung in tin, zie gam hi susie’n tin, a sunga mihing leh ganchate hi sumangthai vek in a, ti a kizik chuh bang zieka zie tawbang thu chuh na zik ahim ti’n lehkhabuziel chuh na hâlvam ta a.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

JOB LEHKHABU THE BOOK OF JOB 9:4

Amah chuh pil tak, thil hihthei tak ahi a, Hat kisa a amah do a zo thei kuo a?

JOB LEHKHABU THE BOOK OF JOB 10:9

Zie hi hezing in, ka hun nget na hi, nangin tung a pat in nei siem a; Leivui ei suok sak kit ding na him?

ISAI 64:7

Tichun, na min sama nang hun tu dinga kisuhalh kuomah a um puou a, kei u kawmah na mai na sel ta a; Ka gitloh ziekun nei sumangthai ta a.