ISAI 45:8 - PATHIEN LEKHABU THIENGTHO (BSI)

⁸ Aw Vante haw, chunglam a kipatin guoh bangin hung zuu in, chun, van apat in diktatna chuh guoh bangin hung zu henla; lei in a kam ka henla, hukdamna chuh hung kikhawh dawk henla; chamna leh diktatna um tan a; Kei Lalpa hin zie chuh umsak ing ka.”

ISAI 45:8 ပူးပေါင်းရင်းမြစ်များ

HOSEA 10:12

Nanguh a dingin diktatna kit uh unla, lungsietna diktak chuh ât un: na lei sit u chuh let unla, Lalpa hawl hun ahi ngâla, tichun, hung intin na chung u a hukdamna hun sungtha ding ahi.

ISAI 61:11

Lei hin a thil dâwn a suohdawk bang leh huon in asunga thaichi haw a kehdawksak bang hin; Lalpa Pathien chun diktatna leh kipahna pie’n tin, namte masang achun hung khang dawk sak ding ahi ngâla.

SAM LEHKHABU THE PSALMS 72:6

Amah chuh hampa ki-âttan chunga guoh zu bang hi’n tin: Lei chunga guohmal châk bang hi’n a.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

JOEL 3:18

Zie hun tieng chuleh hiti hi hung hi’n tin, tâng sangte chuh nawitui in luong intin; Tang haw achun ganguolte tau un tin, Juda gam luicha chengcheng achun tui luong dim ta’n a. Lalpa Ho-In apat tuinak hung kichikdawk intin; tichun, Shittim luiphaite chuh hihnawm ina.

ISAI 32:15

Himahleh, khatvei chuh, Pathien in a Thagau chuh hun sungtha kit intin, gam chulnung chuh lei pha hung chang kit intin, Lote chun gah hun suoh kit ina.

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 53:2

Amah chuh lei gaw tak apat a thil zung kek guola, a suok khan dawk chuh Lalpa phasak lam ahi ngâla. Pienken phatna leh mel hawihna himhim a nei puoh a; amah I muh u a I deih na dingun hawihna himhim a nei puoi!

SAM LEHKHABU THE PSALMS 72:3

Tang lien haw chun na mite dingin hauhsakna hun suoh u henla, tâng neu haw hin diktatna’n, Mihaw kawmah thamuonna hun tun un au.

EPHESI 4:24

mihiem thak, thutak diktatna leh thienthona, Pathien tawbanga siem khan kivan un.

EPHESI 2:10

Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

NASEPTE 2:33

Pathien khut changlam ah limbawl in a um ta a, Thagau Thiengtho tiem chuh Pa kawm apat a mu a, na muh u leh, na het u hi a hun sunthak ahi.

EZEKIEL 34:26

“Amau leh ka tâng kimvela mun cheng chuh vangsakna’n siem ka ting, a hun cha’n guoh zuk sak ing ka ting; vangsakna guoh haw zu’n a.

JEREMIA 31:22

Aw nang, chanu nungchawn, bang chan ahim na zawn vak ding? Lalpa chun lei ahin thil thak a siem ta a, numei in pasal hum zaw ta ding ahi,” ti’n.

ISAI 66:22

“Tichun, Van thak leh lei thak ka siem ding chuh, ka ma a um zing ding ahih tâk ziekin, zie tawbang chun na suonteu leh na min u chuh um zing ding ahi, Lalpa’n a tii.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

SAM LEHKHABU THE PSALMS 68:8

Lei a kilîng dul dul a, Van haw khule Pathien ma ah a tuitha tau a: Sinai tâng nasan le Pathien masangah, Israel Pathien masang a chun a kilîng dul dul kha.

ISAI 48:18

“Ka thupiek a na ngaitha hita leu chin, luicha tui kangtheilo guolin vangsakna chuh hungtung ding hita a!

2 LENGTE 19:25

“Ziehaw chengcheng chu, malai pek a ka phuh ei tai tih, helo na him? Tuhin, ka kiko dawk ta ahi! Khawpi kulh neite chu, suongchang kisiekhawm bang hiela susie thei dingin thilhih theihna ka hun pie a.

ISAI 44:24

Lalpa, nanguh hun Tandawkpa; sûl apat nanguh hun siempa chun “Kei hi Lalpa, thil chengcheng siempa ka hi, kei chauh a van zak palh a, kuomah panpih loh a leisiet siempa chuh ka hi!

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.