ISAI 45:2 - PATHIEN LEKHABU THIENGTHO (BSI)

² “Keimah ngêi in na lampi ding guonggalh ing ka ting, muol leh tângte hihguol ing ka ting, thikdai kawtte chuh hihsie’ng ka ting, a thikzawlte chuh sugawp ing ka.

ISAI 45:2 ပူးပေါင်းရင်းမြစ်များ

ISAI 40:4

Guom tin chuh sun dim hi’n tin, tâng tin muol tin le sukniem hi’n a; lam kawite chuh sukzang in um intin, lam kiguol lohna haw chuh sukguol hi’n a.

LUKE 3:5

Guom tin sun dim hi vek intin; Tang tin muol tin le hihniem hi’n tin; Lam kawi le hung zang intin; Lam kiguollo le hung kiguol intin;

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

SAM LEHKHABU THE PSALMS 107:16

Amah chun sumeng kawtkhakhaw chuh a hihsie a, A kamna thiktawn haw chuh a khên bawng ta ngâl a.

JEREMIA 51:30

Babulon milopite chun kido a haihsan tau a, a kulhpi sung ah a kikulkhup zing tau hi. A pasal phatnau a dai zo a, numei tawbang mai a hung hi tau a; a chênna mun teu chuh a kavam zo ta a, a daidan na thik zawl a bawng tai.

NASEPTE 1:15

Chun, zie nung sawtlo cha chun gingtute kikhawp khawmna a um a, a bawn u chun za leh sawmnih vel ahiu a; tichun, Peter chuh a ding a, a kawm u ah,

ISAI 14:31

Aw kawtkhak, pêng luoi luoi in, aw khawpi, kiko in, aw Philistia mite, na bawn un tuimang zo un; mâllam apat in meikhu a hung pawt ngâl a, a hun guotsau achun vaigei tih a um puoi.

ISAI 24:12

Khawpi chuh a hawma nutsieh in a um a, chun, kulh kawtkhak chuh khet siet in a um tai.

ISAI 45:13

Keimah ngêi in, thutak leh ka thiltup te subukim dingin Kura chuh ka chawktho a. A chiehna lam chengah pui lamzang ka ting; Ka khawpi chuh tungding kit intin, ka mi saltângte chuh hun thahdawk ding ahi. kuoma’n kipahman a pie puou a, a thilpiek le a pie diek puou hi,” ti’n Bangakai hihthei Lalpa chun a gen tai.

ISAI 48:15

Kei, keimah ngêi hin thu ka gen ta a, ka na sam ta a; amau chuh ka puidawk a, a chiehna lampiu achun lawhtit sak zel ing ka.

JEREMIA 28:13

Chieh inla, Hanania kawmah tihin va gen ah, hiti hin Lalpa’n a tii: “Thing namkawl chuh na subawng a, a thasang in thik namkawl na siem sak zaw a hi hi.

JEREMIA 51:58

Sepaihte Lalpa chun hiti hin a tii: Babulon kulh bâng sah tak te chuh chim vek intin, a kawtpi sang tak te chuh mei in ka-tum vek ina; a mite chun a thâwn in a sem u a, namte chuh mei a hâl ding maia kisuchawl ana hiu ui.” ti’n.

DANIEL 5:28

PERES: Na gam chuh hawpzak in a um ta a. Media leh Persia te kawma piek a hi tai,” a ti a.

NAHUM 3:13

Na sepaihte chuh numei tawbang hiu untin, na gam chuh na melmate masangah vengtu bei guolin ding in a. A kawtkhak chunga thikte chuh mei in katum ding ahi.

ISAI 13:2

Miliente kawtkhak haw a chuh a lut theihna dingun, tâng kawlh vel vul achun melchikna takdawk unla, ngeih tak in amau haw chuh sam unla, khut in hui un.

DANIEL 8:4

Belam chal chun a ki a tumlam leh mâllam leh simlam nawh in ka mu a, a masang achun gamsa mawngmawng ding thei a um puou hi. A thilhih theihna apat a hukdawk thei le a um diek puou a; a nawpdan dân in a tawi a; a chapo mah mah a.