ISAI 43:4 - PATHIEN LEKHABU THIENGTHO (BSI)

⁴ Aziek chuh, ka mit muh a lul tak leh zahum tak na hiu a, nanguh ka hun lungsiet a, ka hun hehpih ziekin nanguh sika thuok dingin nam dangte ka piedawk a; na hinnau thatheng in namte chuh ka piedawk tai.

ISAI 43:4 ပူးပေါင်းရင်းမြစ်များ

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

JEREMIA 31:3

Masanga ka kawma hung kilak Lalpa chun hiti hin a tii, A hi, lainatna tâwp lo in ka hun lainat a: zieziekchun, nanga dingin ka ginum zing hi.

THILSIEMBUL 12:2

tichun nam lopi takin hun siem ing ka ting, chun, hun vangsak ing ka; na min sulopi’ng ka ting, chun, nang vangsakna hung hi’n la:

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

JOHAN 16:27

Pa ngêi in nanguh a hun lungsiet ngâl a. Nangun kei nei hehpih u a. Pa apat a hung ngêi ka hi tih nei ginchak ziekun.

HOSEA 11:1

Lalpa chun, “Israel chuh a naupan lai apat in ka lungsiet a, Aigupta gam apat ka chapa dinga ka sap dawk ahi.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

MALAKI 3:17

Tichun, “Amau haw chuh ka mite hita’n au.” Lalpa Bangkim hihthei chun a tii. “Na ka sep ni chuleh amau haw chuh Keia chuom bîk hiu un tin, chun, nulepa’n a nasem a chateu chunga zahngaihna a neih guol un zahngaihna sulang ing ka.

SAM LEHKHABU THE PSALMS 135:4

Lalpa chun Jakob chuh amah dingin a tel ngâl a, Israel hi a go ding chuom in a tel a,

DAN NIHNA 26:18

Chun, tuni hin a hun tiem guol khan, a thupiek chengcheng te zuia, amah a chuom hi ding leh,

DAN NIHNA 14:2

Lalpa na Pathien u a dinga nam thiengtho na hi ngâl u a, khawvel a nam chengcheng lak apat amah a ding chuom a a hun teldawk na hih ziekun.

JOHAN 17:26

A kawm u ah na min ka hetsak ta a, hetsak kit zel ing ka, ti a chuh, nangin kei nei hehpihna kha amau ah a um a, keile amau a ka um theihna dingin,” a ti a.

MALAKI 1:2

Lalpa chun a mite kawmah, “Ka hun lungsiet zingzing hi,” a ti a. Himahlele, nang u chun, “Bang akhan e kei uh nei lungsiet?” na tiu a. Lalpa chun a dâwng a, “Esau chuh Jakob suohpih hilo ahim? tih hi Lalpa kamsuok ahi: hilele, Jakob chuh ka hehpih a.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

JOHAN 5:44

Nang haw, kilimbawl tuoh lawpte haw! Pathien tak a pawt, limbawlna chuh na hawl ngâl puou a; bangti’n nei gingcha thei ding u?

ISAI 63:9

A lungkhamna chengcheng u achun amah chule a lungzîng seka, a masanga um Vânsâwlchâk chun amau chuh a hukdawk seka; a hehpihna leh a zahngaihna chun a tandawk ta a, a masang hun lai cheng khan amau chuh a puoh a, a pawm sek hi.

SAM LEHKHABU THE PSALMS 112:9

Huongphal takin a hawmzak u a, chagahte kawmah a pieu a, A diktatnau chuh kumlekhuo’n a um hi: A lopinau chuh zah taka dawpsa’n in a um hi.

ISAI 49:5

Chun, a nasem dinga sûl apat a ei siem Lalpa chun, Jakob te a kawma puikit ding leh Israel chate chuh a kawma puikhawm ding ahi a, Lalpa mitmuh a limbawla ka um theih na dingin, Lalpa chuh ka hatna bulpi ahi ngâla.

DAN NIHNA 4:37

Na pu na pateu a hehpih ziekin a nung u a a suonteu chuh a hun tel a, a umpihna leh a hatna nasatak chun Aigupta apat a hun puidawk a;