ISAI 43:2 - PATHIEN LEKHABU THIENGTHO (BSI)

² Tuite na palkaih tieng u leh, kei na kawm u ah um ing ka ting; luipite na palkaih tieng uh lele, na buoinau chun hun chup puo’n a. Mei a na chiehpai tieng u lele, hun katum puo’n tin, meikuong in hun ka diek puo’n a.

ISAI 43:2 ပူးပေါင်းရင်းမြစ်များ

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

SAM LEHKHABU THE PSALMS 66:12

Nangin ka lu chung uh ka melmateu na tawh den saka; Tui leh meipi lak ah ka chieh pai u a; tichun, mun hausa taka lut dingin nei puidawk ta a.

SAM LEHKHABU THE PSALMS 23:4

Ahi, thihna lîm guom thim hawh mahleng le, Thil phalo mawngmawng lau hiel puo’ng ka; nang ka kawmah na um ngâl a, Na khetbuk leh na mawlh in nei thamuon sek ahi.

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

HEBRAI 11:29

Taksanna ziekin, tuol nam a chieh bangin, Tuisuohgiet San akhan a chieh kai uh a; Aigupta te’n le zie chuh hih a guou a, himahleh, tui chun amau haw chuh a chup mang suok ta a.

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

SAM LEHKHABU THE PSALMS 66:10

Aw Pathien, nangin nei en chien a; Tangkaguo etchet bangin nei en chien a.

PAWTDAWKNA 14:29

Israel chate vang chuh tuipi sung lei hul achun a chieh vek tau a; chun, tui haw chuh a changlam pang u leh, a veilam pang u a chun amau dingin bâng ahi ta a.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

ISAI 41:14

Nang tangtel tawbang chauh Jakob, nang ganhing neu tawbang Israel, himahleh, lau kiu inla, hun panpih ding ka hi. Kei, Israel Pathien Thiengtho, a hun hukdawktu chuh ka hi ngâl a.

2 TIMOTHE 4:22

Lalpa chuh na thagau kawmah um ta hen. Pathien hehpihna chuh na bawn u a kawmah um ta hen.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

ISAI 30:27

Ngaitie! Lalpa thilhih theihna leh a lungnat na mei khu kitung chuh gamla tak apat in a hung hi! A mûk chuh lung-awihlohna’n a dima, a lei chuh mei guola mi katum thei ahi.

ISAI 29:6

Van gite, inling te, thawm nasatak te, chinpei te, huihpi te, leh thil katum sek meikuong te mang in Sepaihte Lalpa’n hun gawt ding ahi.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

SAM LEHKHABU THE PSALMS 32:6

Khutichun, Pathien limsak mitin in hawl baihlam a a um lai in, na kawmah paucham chiet u hen; lungkham na tui a hung kinawk tieng lele amau chuh chup pai zieng puo’n a.

ISAI 43:5

Lau kiu inla, na kawm u ah ka um ngâl a! “Na suonteu chuh suohlam apat in hun pui ing ka ting, tumlam gam apat in hun puikhawm ing ka.

JEREMIA 42:11

Babulon leng na kihchak sek u chuh, kihcha ta kiu inla, amah chuh lau ta kiu un tih hi Lalpa kamsuok ahi; a khut a pata hukdam ding leh hukdawk dingin na kawm u ah ka um ngâla.

JEREMIA 46:28

Aw Jakob, ka suokpa, lau ki’n ka hun um pih zing hi, Lalpa’n a tii. Ka hun delhzak na gam haw cheng chuh sutawp ing ka ting, nang vang hun sutawp puo’ng ka; ahi’n gawtna diktak in hun gawt ing ka ting, gawt loh in vang hun suohchak sak puo’ng ka.”

DANIEL 3:23

Tichun, zie mi thum te, Shadrak, Meshak leh Abednego te chuh kantawm sa chun meipi a chun a puklut tau a.

HAGGAI 1:13

Tichun, mite kawma Lalpa mi sawl Haggai chun Lalpa thugen chuh mipite kawmah a gen ta a, “Na kawm u ah ka um hi; Lalpa chun a tii,” ti’n.

JOB LEHKHABU THE BOOK OF JOB 5:19

Buoina gup ah hun hukdawk intin, Ahi, sagih ah, thil phalo mawng mawng in hun sukha ta puo’n a.