ISAI 42:7 - PATHIEN LEKHABU THIENGTHO (BSI)

⁷ Mitdûkte mit sukvak sak ding leh; Suongkul tângte pawtsak ding leh, thimnuoi a chute puidawk ding in,

ISAI 42:7 ပူးပေါင်းရင်းမြစ်များ

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

ISAI 49:9

Suongkultângte kawm achun, ‘Hung pawtdawk un!’ na tih a, thim laka umte kawm chun, ‘Vak ah hung dawk un’ na tih theih na dingin. Amau chun lampi vel chun nek ding kimuh un tin; tânggaw châk haw achun a kivakna dinguh hamhing um ina.

ISAI 35:5

Zie tieng chuleh, mitdûkte chun mu thei tau untin; bengngawngte chun le za thei ta’n au.

2 TIMOTHE 2:26

Khutichun, Diabol thâng a awkte chuh Pathien deih bang sem dinga a hung suohchak theih na dingun.

MATTHAI 11:5

mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.

LUKE 24:45

Tichun, Pathien lehkhathu hethei dingin, a lungthimteu a suk-hawn sak a,

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

JOHAN 9:39

Isu’n “Zie vannuoi leisiet a hin, vaihawm dinga hung suk ka hi, mitdûkte chuh a mit uh a hung vakna ding leh, mit vakte chuh a mit uh a hung dûkna dingin,” a ti a.

ISAI 29:18

Zie ni chuleh, bengngawngte chun lehkhabu kisim chuh a bil un za tau intin, mitdûk mit chun le thimnuoi leh thim lak apat chun mu ta’n au.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

ISAI 9:2

Thim nuoia chute chun vak lopitak a muu a. Thihna thim sah tak nuoia chêngte chunga chun vak lopitak a hung êng tai.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

ISAI 42:22

Himahlele, a mite chuh suoma um leh, guom sunga kie tha a hi vek uh a, suongkul a sel mang in a um u a; lâksak leh puok mang in a um u a; a panpih ding khat chale a um puou hi.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

JOHAN 9:7

“Siloam Dil ah va sil ah,” a ti a. (Siloam chuh “Sawl” tihna ahi.) Tichun, a va chieh a, a sil a, mit vakin a hungkit ta a.

MIKA 7:9

Lalpa chunga thil ka hihkhelh tâk ziekin, a lungnat na chuh thuok ing ka ting; ka chungthu ei genpih a, kei dinga vaihawmna chuh a muolsuoh masieh chun, tichun, vak ah ei puidawk in tin, chun, hukdawkna chuh mu’ng ka.

SAM LEHKHABU THE PSALMS 97:7

Milim siem kawm hote chengcheng chu muolpho in um u hen la, Milim suonghaw chuh; Nang haw pathien cheng chengte, a masang achun kûn tiem u.