ISAI 42:6 - PATHIEN LEKHABU THIENGTHO (BSI)

⁶ Tichun, kei Lalpa chuh ka hi a, diktatna’n ka hun sama, thilhih theihna ka hun pie a; na khut in hun tu’ng ka ting, hun vengbit ing ka ting; Mite thuthun ding leh Jentel te salhvak dinga ka hun guot ahi.

ISAI 42:6 ပူးပေါင်းရင်းမြစ်များ

LUKE 2:32

Jentel te salhvak ding vak leh, Na mi Israel te lopina ding chuh!” a ti a.

NASEPTE 13:47

Zie tawbanga hi Lalpa’n thu ei piek ka hiu hi: ‘Jentel te vak sak dinga ka guot na hiu hi, Khutia chuh khawvel pumpi hukdama a um theihna dingin,’ tih zik guol khan,” a tiu a.

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

ISAI 26:3

Lalpa, na chunga lungthim ngate chuh, nangmah a hun ginchak ziekin, lungmuong taka um dingin veng in la.

HEBRAI 13:20

Chun, Chamna Pathien, I Lalpau Isu Krista mithi lak apat kaithopa, kumsawt thugawlhna thisan zâla belam Chingpa Lien chun,

HEBRAI 9:15

Zieziekchun, Krista chuh Thugawlh Thak palai a hii, thugawlh masa nuoia sukkhelhna haw laka pat tatna’n, mi a hung thih tâk ziekin, sap a umte chun kumsawt goluoh ding thutiem chuh chang thei un au.

NASEPTE 26:23

Krista’n dahum thuok intin, amah chuh mithi lak apat thokit masapen, Judate leh Jentel te kawma hukdamna vak muhsak masapen hi’n a, a tih uh thu khah,” a ti a.

2 KORINTH 1:20

Pathien thutiem haw chuh bang zat hita lele, amah achun, “A hii” tih chuh a um ngâl a. Zieziekchun ahi, Pathien lopina dinga, Isu Krista vangin, “Amen” tih a hih sek hi.

ISAI 43:1

Himahleh, Aw Jakob, nangmau haw hun siempa, Aw Israel nangmau haw hun dindawk pa chun hiti hin a tii, “Lau kiu inla, ka hun tandawk ta ngâl a. Na min un ka hun sam ta a, Keia na hi tau a puo!

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

ISAI 41:13

Kei hi Lalpa na Pathien uh ka hi a, ‘Hun panpih ding ka hi,’ ” ti’n na khut changlam u chuh tu ding ka hi ngâla.

HEBRAI 8:6

Tu’n vang, Isu chuh thugawlh phazaw sem palai a hih dungzui zelin, nasep phazaw a hung chang tai, zie thugawlh chuh thutiem phazaw chunga hih a hih ziekin.

HEBRAI 7:26

Khutichun, Thiempu Lienpen, mi thiengtho, zumlezuol tuoh lo, nin beklo, mi gilote apat a kikawih chuom; vante haw chunglama um, I mamawhteu cheng ei hihsakpa chuh ahi.

ISAI 45:13

Keimah ngêi in, thutak leh ka thiltup te subukim dingin Kura chuh ka chawktho a. A chiehna lam chengah pui lamzang ka ting; Ka khawpi chuh tungding kit intin, ka mi saltângte chuh hun thahdawk ding ahi. kuoma’n kipahman a pie puou a, a thilpiek le a pie diek puou hi,” ti’n Bangakai hihthei Lalpa chun a gen tai.

HEBRAI 12:24

Isu, thugawlh thak palai kawm leh, thisan theh, Abel thisan sanga thu phazaw gen kawma hung na hi zawu hi.

MATTHAI 26:28

Ziehi ka thisana thugawlh thak, mi tamtak gitloh ngaihdamna dinga pawt chuh ahi.

ISAI 32:1

Ngaitie, leng khat chuh diktat takin vaihawm in chu’n tin, a miliente chun vaihawmna diktak in vaihawm un au.

HEBRAI 7:2

Tichun, Abraham chun a gâllâk thilte lak apat chun sawma-khat chuh a pie ta a. (Melkisedek min umzie masapen chuh, “Diktatna Leng,” a hi a, chun, Salem leng a hih ziekin, “Chamna Leng,” le a kitii.)

ISAI 27:3

“Kei Lalpa hi a enkawlpa chuh ka hi a, mitphetkal tinin tui ka buok zing a, Kuoma’n a khawih lohna dingun a sun a zan in veng ing ka.

ISAI 41:2

Suohlam apat a mi khat hun chawktho pa chuh kuo a? A chiehna lam chengah zawhna a pie sek a, lengte chungah vai a hawm seka; amau chuh leivui bangin chemzâm kawmah a pie a; buhsi huih mût lawn bangin a thalphel kawm achun a pie a.

ISAI 45:1

Lalpa’n Kura chuh leng dingin a tel ta a. Nam lien takte zo dingin a tel a, lengte thuneihna lâksak dingin a sawl a; tichun Lalpa’n khawpi kawtte chuh amah a dingin hawng ina. Lalpa chun Kura kawm achun,

JEREMIA 12:16

Chun, hiti hi hung hi’n a, Baal kawma ka mite kihâksiel a sinsak bangun, ka min a, ‘Lalpa chuh a hin zing bang in,’ ti a kihâksiel a sin u a, ka mite umdan guntaka a sin u chun ka mite lak ah tung ding ing ka.