ISAI 42:3 - PATHIEN LEKHABU THIENGTHO (BSI)

³ Luong kihek gawpsa chuh hekbawng pai puo’n tin, phita kuong liek liek chule sumit diek puo’n a; Thudik chuh ginum takin puodawk ina.

ISAI 42:3 ပူးပေါင်းရင်းမြစ်များ

EZEKIEL 34:16

“A vakmangte chuh hawl ing ka ting, nawhmang a um haw chuh puikit ing ka, a liem haw chuh tuom ing ka ting, a zawngkhal haw chuh suhat ing ka; himahleh, a thau leh a hat haw chuh subei ing ka ting; thu dik in chawm ing ka.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

JEREMIA 31:25

Thagau hinna chau haw chuh ka sutai ta a, mi lungkhamte chuh ka suhalh ta ngâla.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

SAM LEHKHABU THE PSALMS 147:3

Lungthim thasie te chuh a hih dama, A liemna teu chuh a tuom sak sek hi.

JOHAN 5:30

“Keimah chauh in bangmah ka hih thei puoi; bil a ka zak bang zelin vai ka hawm sek, ka vaihawm chuh diktak ahi, keimah thu thu’n hih ka guo puoh a, ei sawl pa thu thu a hih ka guot zawk sek ziekin.

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

SAM LEHKHABU THE PSALMS 98:9

Khawvel vaihawm dinga hung Lalpa masang achun: Khawvel hi diktat takin vaihawm sak intin, Khenchuom neilo in mi cheng cheng hi vaihawm sak ina.

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

JOHAN 20:27

Chun, Thoma kawma chun, “Na khutzung in vak khawih in la, ka khuthaw hi en ah; na khut hun thadawk inla, ka nak lak mai ah; taksang lo in um ki’n la, gingcha mai ah!” a ti a.

MIKA 7:9

Lalpa chunga thil ka hihkhelh tâk ziekin, a lungnat na chuh thuok ing ka ting; ka chungthu ei genpih a, kei dinga vaihawmna chuh a muolsuoh masieh chun, tichun, vak ah ei puidawk in tin, chun, hukdawkna chuh mu’ng ka.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

ISAI 50:4

Lalpa Pathien chun, hatlote chuh ka sukhat theihna dingin ka thugen dingte chuh ei sinsak a. Zingkal chengin ei phawng halh a, ka nakhang ahin ei suhalh seka, A sinsakna te chuh ka hethiem deuh deuh a.

MATTHAI 12:20

Zo dinga vaihawmna dik a sawl dawk masang sieh chuh Luong kihek gawp chuh hekbawng pai lo ding ahi, Phita chule sumit pai puo’n a.

SAM LEHKHABU THE PSALMS 54:5

Amah chun ka melmate gitlohna chu din ina; Nangin a mau haw chuh na thutak na ziekin sumang in.

SAM LEHKHABU THE PSALMS 94:15

Vaihawmna chuh diktatna lam ah vaikit intin; Chun, lunggil diktak pu chengcheng chun zie chu zui un au.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

ISAI 42:2

Kiko puo’n tin, a aw le suoh diek puo’n a; kawtthêl ah a aw chuh suoh diek puo’n a.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

ISAI 63:1

“Edom gam, Bozrah khawpi apat hung khu kuo a? A puon san silh a, lopitak leh hatna thilhih theihna tawh hung khu kuo a?” “Lalpa hukdam dinga thilhih thei tak, a zawhna thu phuong dinga hung pa kha ahi”