ISAI 42:1 - PATHIEN LEKHABU THIENGTHO (BSI)

¹ “Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

ISAI 42:1 ပူးပေါင်းရင်းမြစ်များ

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

ISAI 52:13

Ngaitie, “Ka suokpa chun chingthei takin hih intin; amah chuh nasa taka limbawl leh chawihsân in um in tin, sang taka hung um ding ahi.

PHILIPPI 2:7

Mihiemte banga hung pieng in, suok tawbang in a kingainiem a, a mah leh amah a kisudawng zaw ta a.

ISAI 43:10

Nang u haw hi Kei ei hetpihte na hiu a, ka suokte hi dinga ka hun tel na hiu a, Khutia chuh nei hetuh a, nei ginchak uh a, Kei mai hi Pathien ka hi tih na hêtchet theihna dingun, Lalpa’n a tii. Kei tih loh pathien dang himhim a um puoh a, um le um ngei puo’n tin, hung um kit diek puo’n a.

MATTHAI 17:5

A gen lai takin, ngaitie, meitang vam takin amau haw chuh a hun lieh ta a, chun, ngaitie, meitang apat chun aw gi khatin, “Ziehi ka chapa deih tak, ka lungkimna mah mah chuh ahi; amah thu ngai un,” a ti a.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

1 PETER 2:4

Lalpa, Suong Hing, mihiemte’n thil manloh banga a nawlh uh, Pathien ngaih a vang chuh ten dawk leh lul tak kawm achun hung un.

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

ISAI 41:8

“Himahlele, nanguh Israel te, ka suok Jakob haw, ka mi tel, ka guolpa Abraham suonte na hiu a.

EPHESI 1:6

A hehpihna lopitak ziek leh, a Chapa deihtak chuh thilthawnpiek a ei piek tâk ziekin Pathien chuh pakchai tiu.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

KOLOSSA 1:13

Amah chun khuothim thilhih theihna apat chun ei hukdawk a, a Chapa deihtak gam ah ei puilut ta a;

EPHESI 1:4

Hehpihna leh thiengtho leh nuolna beia amah masanga I um theihna dingun, leisiet kisiem ma pek a Krista a ei na telsa him I hi ngâl u a.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

1 PETER 2:6

Zieziekchun, Pathien Lehkhabu achun, “Ngaitiem u, Zion achun a ning a suong phachuom pen, ten dawk, lul tak chuh ka kawih ahi; kuole, amah gingcha ta chuh muolpho hiel puo’n au,” tih zik ahi.

NASEPTE 28:28

“Zieziekchun, Pathien hukdamna thu hi, Jentel te kawma sawl ahi tai, tih zau in, amau haw chun vang a na ngaitha ding ahiu hi!” a ti a.

NASEPTE 9:15

Himahlele, Lalpa chun a kawmah, “Chieh mai ah, Jentel te, lengte, Israel suonte kawma ka min puok lutna dinga ka bel guot ahi a puo!

LUKE 9:35

Chun, mei lak apat chun aw a hung pawt a, “Ziehi ka Chapa, ka tel pa chuh ahi, amah thu ngaiun!” a hun ti a.

ZEKARIA 3:8

Zieziekchun, nang thiempu Lienpen Joshua, ngaitha’n! Nang haw thiempu naseppihte haw, ngaithau in, masang hun lama thilpha hungtung ding etsakna na hi ngâl u a: Ka suokpa, a Bakpi kiti chuh hun sulang ding ka hi.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

NASEPTE 11:18

Chun, zie thu haw chuh a zak phât un, thamuong takin a um tau a, “Khuti a hih le chuh, Pathien in Jentel te le hinna dinga lunghei a phalsak ahi ta chu,” ti’n Pathien a pakcha tau a.

JOHAN 16:32

A hun tung ding ahii, a tung le ahi zieng tai, zie tieng chu leh nangmau In lam chietah dalh vek un na tin uh, keimah chauh in nei thahtha’n lau; himahlele, Pa ka kawma a um ziekin, keimah chauh in ka um diek puoi.

JOHAN 6:27

An khadang a mang mai ding delh in phe phe kiu in, himahleh kumkhuo a hin chana um ding an, Mihiem Chapa’n a hun piek ding chuh delh in phe zawu un: Pa Pathien chun amah chuh a melchik ta ngâl a,” a ti a.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

ISAI 32:16

Zie ni chuleh, gam thip achun thudika vaihawmna chuh um ta’n tin, muntin ah diktatna um zing ta’n a.

LUKE 4:18

“Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,

LUKE 4:19

Lalpa lungkim kum thu gen ding banga ei sawl ahii,” tih hi.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

ISAI 41:9

Kâwlmawng tâwp apat in ka hun puikhawm a, gam tawppen apat in ka hun sam khawm a, na kawm u ah, ‘Ka suokte na hiu a.’ Ka hun nawlh puoh a, ka hun tel zawk na hiu ui.

ISAI 42:2

Kiko puo’n tin, a aw le suoh diek puo’n a; kawtthêl ah a aw chuh suoh diek puo’n a.

HAGGAI 2:23

Zie ni chu leh aw Zerubabel, ka suokpa, Shealtiel chapa khut in hun panpih ing ka ting, min namna zungbuh guolin hun siem ing ka, Lalpa chun a tii. Nang hi ka hun tel ta ngâla, Lalpa chun a tii,” ti’n.

SAM LEHKHABU THE PSALMS 72:4

Amah chun mi laka gimthei haw chu genpih intin, Tasamte chuh hukdam in a, Nuoisiehpa vang chuh chil gawp niuneu in a.

SAM LEHKHABU THE PSALMS 89:4

Na suonte chu kumlekhuo a dingin sudet ing ka ting, Na lalchutphah le khang chengcheng tieng in lemto ing ka.” Selah

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

ISAI 63:1

“Edom gam, Bozrah khawpi apat hung khu kuo a? A puon san silh a, lopitak leh hatna thilhih theihna tawh hung khu kuo a?” “Lalpa hukdam dinga thilhih thei tak, a zawhna thu phuong dinga hung pa kha ahi”