ISAI 41:4 - PATHIEN LEKHABU THIENGTHO (BSI)

⁴ Ziehaw umsak chuh kuo ahi? Ana guonggalh chuh kuo ahi? Atûng apat khang tamtak hun samdawkpa chuh kuo ahi? Kei, Lalpa a masapen leh a nunung pên kawma um hin ka hih ahi.

ISAI 41:4 ပူးပေါင်းရင်းမြစ်များ

THUPHUON 22:13

Kei, Alpha leh Omega, a masapen leh a nunung pên, a Bul leh a Tawp ka hi.”

ISAI 48:12

Aw Jakob leh, ka tel chuom Israel, ana ngaitiem u! Kei hi Amah chuh ka hi a, amasapen leh a Nunung pên chuh ka hi.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

ISAI 41:26

‘A thugen chuh a dik na e!’ ka tih theih dingin, na lak uh a thil hung tung ding kuo a gen dik le? Na lak u a kuoma’n a gen dik puou a, kuoma’n le na thugen uh a za kha diek puou hi!

ISAI 46:10

A bul apat a tâwp tienga thil hung um dingte ka na genlawk a; tuma apat in thil hungtung dingte ka na genlawk tai! Ka thil guonggalh te chuh lawhsam ngei puo’n tin, Ka thilhih guotte le hih buting ngêi ing ka, ka ti a.

ISAI 43:10

Nang u haw hi Kei ei hetpihte na hiu a, ka suokte hi dinga ka hun tel na hiu a, Khutia chuh nei hetuh a, nei ginchak uh a, Kei mai hi Pathien ka hi tih na hêtchet theihna dingun, Lalpa’n a tii. Kei tih loh pathien dang himhim a um puoh a, um le um ngei puo’n tin, hung um kit diek puo’n a.

NASEPTE 17:26

Mi khata kipatin, lei chung chengchenga um dingin, namtin mi a siem a. A dingun hunbi te a guot a, a umnau gi le a zam sak a.

THUPHUON 1:8

“Kei a Bul leh a Tawp chuh ka hi,” Lalpa Pathien, A umlai tak leh um sapa leh, hung um kit ding pa, Bangakai hihtheipa chun a tih ahi.

ISAI 42:24

Kuo a Jakob te galhing mata mat dinga pie a, Israel te gucha kawma pie chuh? A chungah gilo takin I hih sek uh a Lalpa ngêi chuh ahi ngâl a; Amah deih bangin a hing puou a, a thu ei sinsakte le I zawp diek puou hi.

THUPHUON 2:8

“Chun, Smurna khuo a sapchuom haw lawi vânsâwlchâk kawm achun hiti hin zik ah: “A masapen leh Nunung pên, thi a hung thokitpa khan zie thu haw hi a gen ahi;

THUPHUON 1:11

“Na thil muh ding chuh. lehkhabu ah zik inla, sapchuom haw lawi sagih, Ephesi khuo te, Smurna khuo te, Pergamos khuo te, Thuatira khuo te, Sardis khuo te, Philadelphia khuo te leh Laodikei khuo haw achun thâk ah,” a tih ka za a.

ISAI 40:12

Kuo ahi tuite chuh a khutpêk kuok a kawih a, van khu khâp a teh a, leia leivui hi lawh a teh a, tângte gikdan chuh teh a, muol haw chuh bûkna a bûk thei ding?

NASEPTE 15:18

Sawta kipan ta, ziehaw chengcheng hetsak sek pa Lalpa chun a tii,” tih zik ahi.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

ISAI 40:26

Chunglam a khun na mitteu hak to unla en un! Aksite khu kuo siem ahim! Amah chun sepaihte chuh kizawm zelin a puidawk sek a a min un a sam chiet sek a; A hatna nasat ziekin leh, thilhih theihna lama a hât ziekin, khatchale kimlo a um ngei puoi.

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

SAM LEHKHABU THE PSALMS 102:27

Nang vang chuh na ngêi ngêi na hi a, Na kumte chun beih ni himhim nei puo’n au.

ISAI 41:3

Amah chun amau haw chuh a delh zui a, bit takin a chieh zel sek hi. Lei tuol tawh khalo khawpa hat in a chieh sek hi.

ISAI 43:13

Kei hi Pathien ka hi a, nisa um a kipat khan kei hi Amah chuh ka hizing hi; Ka khut apat in kuomah a tai dawk thei puou a, kuoma’n ka thilhihte le a sang thei diek puou hi,” ti’n.

SAM LEHKHABU THE PSALMS 102:28

Na suokte chate chuh bit takin um zing untin uh, A suonteu chuh na masang ah hihdet in um un au.

ISAI 41:20

Chun, zie chuh mi’n a muh tieng u leh, Kei, Lalpa ngêi hin ka hih ahi tih he ta’n au. Tichun, Israel Pathien Thiengtho hin, zie chuh a hun umsak ngêi ahi tih hechien kei ta’n au.” ti’n.