ISAI 41:27 - PATHIEN LEKHABU THIENGTHO (BSI)

²⁷ Keimah ngêi in Zion kawmah, ‘Entie, amau khu entie,’ ti masa’ng ka ting; Jerusalem kawm achun Chanchin Pha hun puo ding khat ka sawl a, (Ka mite chuh a hung tau a, In lam zuon in a hung ui!)

ISAI 41:27 ပူးပေါင်းရင်းမြစ်များ

ISAI 40:9

“Aw Zion, tâng sangte achun va kalto inla, Chanchin Pha hi va gen in! Aw Jerusalem, Chanchin Pha chuh phuong in ngeih tak in kiko in la! Lau ki’n. Juda khawpite kawm achun, Na Pathien chuh zie hin a um hi,” ti’n hilh in.

ISAI 52:7

Tang haw chiehkân pai a, Chanchin Pha tun a, kichamna chanchin pha hun puo a, Zawhna thu kiko pih a, hukdamna thu phuong a, Zion kawma, “Na Pathien in vai a hawm hi” tite keng chuh a hawih na e!

NAHUM 1:15

Tang haw a Chanchin pha tun a, chamna thu tângsappih te kengte chuh entie! Aw Juda na guolvak nate kipahpih in la, na thutiem te chuh muolsuoh in. Migilo chun la hun palzut kit ding ahi ta puoh ngâl u a, kichien taka sukmang ahi tau hi.

ISAI 48:3

Lalpa chun Israel te kawmah, “Tuma lam apat in thil hungtung dingte ka na genlawk a, tichun, thakhat in ka tunsak a.

ISAI 44:28

Kura kawm achun, ‘Amah chuh belam chin a ei chingpa ahi a; amah chun hih ding ka tih cheng chuh hih buting ina,’ tipa leh Jerusalem chungchâng a ‘Tundin a um kit ding na hi,’ tih leh Temple chungchâng a ‘Na suongphumte lem thak a um kit ding ahi,’ tipa chuh ka hi,” ti’n a gen ta a.

THUPHUON 2:8

“Chun, Smurna khuo a sapchuom haw lawi vânsâwlchâk kawm achun hiti hin zik ah: “A masapen leh Nunung pên, thi a hung thokitpa khan zie thu haw hi a gen ahi;

ROME 10:15

Sawl a hihloh u chun, bangti’n a thu a gen dinguh? “Thil pha chanchin kipah-um tunte keng chuh a hawih na e!” tih zik guol khan.

ISAI 48:12

Aw Jakob leh, ka tel chuom Israel, ana ngaitiem u! Kei hi Amah chuh ka hi a, amasapen leh a Nunung pên chuh ka hi.

ISAI 44:6

Lalpa, Israel mipite Tandawkpa leh vengpa, Bangakai hihthei Lalpa chun hiti hin a tii, “Kei a Masapen leh a Nunung pên, Pathien khat chauh ka hi a. Kei tihloh Pathien dang himhim a um puoi.

ISAI 43:10

Nang u haw hi Kei ei hetpihte na hiu a, ka suokte hi dinga ka hun tel na hiu a, Khutia chuh nei hetuh a, nei ginchak uh a, Kei mai hi Pathien ka hi tih na hêtchet theihna dingun, Lalpa’n a tii. Kei tih loh pathien dang himhim a um puoh a, um le um ngei puo’n tin, hung um kit diek puo’n a.

ISAI 41:4

Ziehaw umsak chuh kuo ahi? Ana guonggalh chuh kuo ahi? Atûng apat khang tamtak hun samdawkpa chuh kuo ahi? Kei, Lalpa a masapen leh a nunung pên kawma um hin ka hih ahi.

ISAI 46:9

Tuma lama thil ana umsa te kha hezing unla, Kei hi Pathien ka hi a, Kei tawbang hi kuomah a um puoi.