ISAI 41:25 - PATHIEN LEKHABU THIENGTHO (BSI)

²⁵ “Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

ISAI 41:25 ပူးပေါင်းရင်းမြစ်များ

ISAI 41:2

Suohlam apat a mi khat hun chawktho pa chuh kuo a? A chiehna lam chengah zawhna a pie sek a, lengte chungah vai a hawm seka; amau chuh leivui bangin chemzâm kawmah a pie a; buhsi huih mût lawn bangin a thalphel kawm achun a pie a.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

2 SAMUEL 22:43

Ziephet chun leia leivui bang mai in ka khen nêl a, Khawlai buonthuok bang mai in ka tawh zuon a, ka theh zak vek a.

ZEKARIA 10:5

Tichun, mi hattak bang hung hiu un tin, kidona kawtthêl buonthuok lak achun a melmateu tawhden un au. Lalpa chuh a kawm u a a um ziekin do un au: sakawl chung chuongte chuh zo ngêi ding ahiu hi.

MIKA 7:10

Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.

ISAI 44:28

Kura kawm achun, ‘Amah chuh belam chin a ei chingpa ahi a; amah chun hih ding ka tih cheng chuh hih buting ina,’ tipa leh Jerusalem chungchâng a ‘Tundin a um kit ding na hi,’ tih leh Temple chungchâng a ‘Na suongphumte lem thak a um kit ding ahi,’ tipa chuh ka hi,” ti’n a gen ta a.

JEREMIA 50:3

“Mâllam a kipatin amah chuh nam khatin a hun sim a, zie chun a gam chuh suhawm intin, zie tak achun kuomah cheng ta puo’n au! Mihing leh gamsa haw chuh tai mang untin, zie tak achun kuomah cheng ta puo’n au!

ISAI 45:13

Keimah ngêi in, thutak leh ka thiltup te subukim dingin Kura chuh ka chawktho a. A chiehna lam chengah pui lamzang ka ting; Ka khawpi chuh tungding kit intin, ka mi saltângte chuh hun thahdawk ding ahi. kuoma’n kipahman a pie puou a, a thilpiek le a pie diek puou hi,” ti’n Bangakai hihthei Lalpa chun a gen tai.

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

THUPHUON 16:12

Chun, vânsâwlchâk gupna chun a belhbu chuh Luipi lien, Euphrates chung achun a sung tha a, tichun, suohlam apat a leng hung kuon dingte lampi chuh hawn a hih theihna dingin, luipi chuh a kang tan ta a.

ISAI 45:1

Lalpa’n Kura chuh leng dingin a tel ta a. Nam lien takte zo dingin a tel a, lengte thuneihna lâksak dingin a sawl a; tichun Lalpa’n khawpi kawtte chuh amah a dingin hawng ina. Lalpa chun Kura kawm achun,

JEREMIA 1:14

Tichun, Lalpa chun ka kawmah tihin a gena, “Gamsung a cheng te chung ahin mâllam apat in thil phalo hung tung ina.