ISAI 41:2 - PATHIEN LEKHABU THIENGTHO (BSI)

² Suohlam apat a mi khat hun chawktho pa chuh kuo a? A chiehna lam chengah zawhna a pie sek a, lengte chungah vai a hawm seka; amau chuh leivui bangin chemzâm kawmah a pie a; buhsi huih mût lawn bangin a thalphel kawm achun a pie a.

ISAI 41:2 ပူးပေါင်းရင်းမြစ်များ

THILSIEMBUL 11:31

Chun, Terah chun a chapa Abram leh a chapa-cha, Haran chapa Lot tawh a chapa Abram zi, a monu Sarai te chuh a pui a; Kanaan gama chieh dingin Kaldai te khuo Ur apat chun a pawt khawm tau a; chun, Haran khuo a hung tung u a, tak achun a cheng tau hi.

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

2 SAMUEL 22:43

Ziephet chun leia leivui bang mai in ka khen nêl a, Khawlai buonthuok bang mai in ka tawh zuon a, ka theh zak vek a.

2 LENGTE 13:7

Jehoahaz chun sakawl chung chuong mi sawmnga leh sepaih singkhat tihloh chuh, neih a nei ta puoh a. Suria leng chun a sukmangthai sak vek a, leivui kichil nêl bang mai in a siem ta a.

2 KHANGTHUBU 36:23

“Ziehi Persia leng Kura thupiek chuh ahi. Leichung a lalgam chengcheng chu Lalpa Van Pathien chun ei pie ta a, chuleh, Juda gama Jerusalem achun a In sa dingin thu ei pie a. Nanguh a mite laka kuo a chieh ding? Lalpa a Pathien in umpih henla, va chieh to hen, ti’n.”

EZRA 1:2

Persia leng Kura chun hiti hin a tii: “Khawvel gam cheng hi Lalpa van Pathien chun ei pie ta a; chuleh Juda gama Jerusalem achun A In sa dingin thu ei pie tai.

ISAI 40:24

Ahi, a phuh ahi puou a; ahi, a tuh ahi puou hi, a kung achun lei ah zung a khawh puou; zielo chule amah chun amau haw chuh a mût a, a vuoi u a, chinpei in buhsi a tawhmang guolin a tawkmang sek hi.

ISAI 41:25

“Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

ISAI 41:3

Amah chun amau haw chuh a delh zui a, bit takin a chieh zel sek hi. Lei tuol tawh khalo khawpa hat in a chieh sek hi.

ISAI 42:6

Tichun, kei Lalpa chuh ka hi a, diktatna’n ka hun sama, thilhih theihna ka hun pie a; na khut in hun tu’ng ka ting, hun vengbit ing ka ting; Mite thuthun ding leh Jentel te salhvak dinga ka hun guot ahi.

ISAI 45:1

Lalpa’n Kura chuh leng dingin a tel ta a. Nam lien takte zo dingin a tel a, lengte thuneihna lâksak dingin a sawl a; tichun Lalpa’n khawpi kawtte chuh amah a dingin hawng ina. Lalpa chun Kura kawm achun,

ISAI 45:13

Keimah ngêi in, thutak leh ka thiltup te subukim dingin Kura chuh ka chawktho a. A chiehna lam chengah pui lamzang ka ting; Ka khawpi chuh tungding kit intin, ka mi saltângte chuh hun thahdawk ding ahi. kuoma’n kipahman a pie puou a, a thilpiek le a pie diek puou hi,” ti’n Bangakai hihthei Lalpa chun a gen tai.

ISAI 46:11

Suohlam apat a mi hung dingin ka sama, Mu bangin hung leng suk un tin, Ka thil gente chuh hun hih bukim in a. Ka guonggalh zo ta a, hihin um ngêi ina.

ISAI 48:15

Kei, keimah ngêi hin thu ka gen ta a, ka na sam ta a; amau chuh ka puidawk a, a chiehna lampiu achun lawhtit sak zel ing ka.

SUNNA LA 1:15

Lalpa’n ka mihatteu chu bangmahlo a chansak ta a; Ka tangvalteu sumangthai dingin khawppi pawimawh a sama. uain thawkna bang mai in Lalpa’n Juda chanute chu a tawh den a.

HEBRAI 7:1

Melkisedek chuh, Salem lengpa, Chungnung pên Pathien Thiempu ahi. Abraham chuh leng lite that zo a, a hung vaihkit lai chun, Melkisedek chun ana lamtuoh in, a na vangsak hi.

THUPHUON 16:12

Chun, vânsâwlchâk gupna chun a belhbu chuh Luipi lien, Euphrates chung achun a sung tha a, tichun, suohlam apat a leng hung kuon dingte lampi chuh hawn a hih theihna dingin, luipi chuh a kang tan ta a.

THUPHUON 7:2

Chun, vânsâwlchâk dang khat. Pathien hing tiemtehna chawia. suohlam apat hung dawk hile ka vak mu a. Amah chun vânsâwlchâk li, lei chung leh, tuisuohgiet suksiet theihna a piekteu kawm achun. aw ngeih takin,