ISAI 41:17 - PATHIEN LEKHABU THIENGTHO (BSI)

¹⁷ “Mi gimthei leh chagah te chun tui dâwn ding a hawl u a, dangchâk a a gawl uh a hul tieng leh, Kei, Lalpa hin ana dâwng ing ka ting, Kei, Israel Pathien hin amau haw hengilh ngei ta puo’ng ka.

ISAI 41:17 ပူးပေါင်းရင်းမြစ်များ

ISAI 55:1

Kuole, dangchâk tapohte chuh hung unla! Zie taka hin tui a um hi. Dangka neilote haw, hung kichâwk un la, neu un; Hung unla, uain leh bâwngnawi a man beiin hung kichâwk un!

ISAI 30:19

Zieziekchun, nang haw Jerusalem a cheng, Zion mipite chuh kap kit ta puo’n lau. Lalpa chuh mi lungsiet thei tak ahi a, panpihna ngên a na kiko tieng u leh hun dâwng ina.

MATTHAI 5:6

“A diktatna ziek a gilkiel a dangchâkte chuh a hamphau hi; hung tai ding ahi ngâl un.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

THILSIEMBUL 28:15

Chun, ngaitie, na kawmah ka um a na chieh na taphawt ah hun vangsak zel ing ka ting, zie gam ahin hun puikit ing ka; Na kawma ka thugen hi ka hih masieh chuh hun thahtham lo hiel ding ka hi,” a ti a.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

THUPHUON 21:6

Chun, ka kawmah, “Hih zawh ahi tai! Kei Alpha leh Omega, a Bul leh a Tawp chuh ka hii. Dangchâk ta chengte kawm achun, Hinna tuikhuk a um, a thawn in pie’ng ka.

2 KORINTH 12:9

Himahlele, amah chun ka kawmah, “Ka lungsietna hi nang dingin a buting ahi, ka thilhih theihna hi na zawnkhalna ahin a puo sukbukim a a um sek,” a ti a. Khutichun, Krista thilhih theihna chuh ka chunga a um theihna’n, kipâk mah mah kawmin ka zawnkhalna haw hi suong zaw tang ka.

LUKE 16:24

Khutichun, a kiko a, ‘Hepa Abraham! nei lungsiet inla, Lazarus kha hun sawl ah, a khut zung mûk tui hun dieh hen la, ka lei hih daihna dingin, zie mei kuong a hin ka na mah mah hi!’ a ti a.

MATTHAI 5:3

“Thagau lama tasam kisate chuh a hamphau hi; van gam amau a ahi ngâl a.

SUNNA LA 4:4

A chasen nawichep laiteu chu dangchâk in, a lei uh a khadang u ah a bek chak a; Naupangte chun chângthâk a ngên u a, himahleh kuoma’n a pie puou hi

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

ISAI 43:20

Ka mi, ka telte ei pahchaknau sulang dinga kei dinga ka mi siemte chuh tui dâwn ding ka piek theih na dingin thaleka tuite ka um saka.

SAM LEHKHABU THE PSALMS 94:14

Lalpa chun a mite hengilh ding ahi puoh ngâl a, A gochan chuh taihsan diek puo’n a.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

SAM LEHKHABU THE PSALMS 42:2

Ka hinna hi Pathien utcha’n, Pathien hing utcha’n a ha huoi huoi hi: Bangtik ahi die Pathien ma a ka tun a, ka va kilat ding?

SAM LEHKHABU THE PSALMS 34:6

Zie mi gimthei hi a kiko a, chun Lalpa chun a dâwng a, A lungkham na chengcheng achun a hukdawk ta a.

SAM LEHKHABU THE PSALMS 22:15

Ka tha hi leibel sie hal bangin a gaw zo ta a; Ka lei nasan le ka khadang ah a bek chak kêi a; Nang in thihna lei vui ahin nei kuol sak ta ngâla.

PAWTDAWKNA 17:6

Ngaitie, Horeb a suongpi chung akhun na masangah ana ding ing ka ting; chun, suongpi chuh hun khên in na tin, tichun, mipite dâwn ding tui chuh hung luong dawk mai in a,” a ti a. Mosi’n Israel upate mitmuh chun khutibang chun a vak hih a.

PAWTDAWKNA 17:3

Zie tak achun mipite dangchâk in a um u a; tichun mipite chuh Mosi chungah a phunchiek u a, “Bang zieka ka chateu leh ka ganchateu tawh dangchâk a thi dinga Aigupta gam apat nei puihdawk a?” a tiu a.

SAM LEHKHABU THE PSALMS 37:25

Naupang ka na hita a, tuhin a têk ka hung hita a, Himahlele mi diktat chuh taihsana a um ka he kha puoh a, A suonte khutdawh le ka mu kha diek puoi.

SAM LEHKHABU THE PSALMS 74:21

Aw, nuoisiehna thuok haw chu muolpho in vaikit kiu hen la, Gimthei leh tasamte chun na min pakchau hen.

ISAI 48:21

Lalpa’n a mite gamlum leh thalek gamgawa a puih lai khan; dangchâk in a thuokgim ngei puou a; Amau haw dingin suongpi ah tui a pawtsak a, suongpite hihphel in tui a kichikdawk ta a.

ISAI 49:10

A gil uh kiel ta puo’n tin, a dang uh châk diek puo’n a; huihlum in a sugimthei in, nisa’n ka diek ta puo’n a, amau haw lungsietpa chun puihuoi intin; tichun, lui luong pang haw achun pui intin, tui nak nei mun haw achun pui ding ahi ngâla.

ISAI 58:11

Chun, Lalpa chun hun pui zing intin, gamgaw ale thilpha’n hun hih tai zing intin, na guhhaw le hihhat ina. chun, huon tuia chawm tawbang leh tuinak kang ngeilo tawbang hita’n la.

ISAI 62:12

Tichun, amau chuh “Mi Thiengtho, Lalpa hukdam sate” tih hiu intin, chun, nang u chule, Khawpi nutsieh a um hilo in, “Hawldawk a um,” ti a sap hita’n lau, a ti a.

ISAI 65:13

Zieziekchun, Lalpa Pathien chun hiti hin a tii, “Ngaitiem u, ka suokte chun vah takin ne’n tin un, himahleh, nang haw vang chuh gilkiel in um un lau; ka suokte chun tui dâwn un tin, himahleh, nang u chuh dangchâk in um un lau; ka suokte chuh kipâk takin um un tin, himahleh, nang u chuh vang zakcha takin um unlau!

ISAI 65:24

Chun, hiti hi hi’n tin, amau chun ei sap masang un dâwng ing ka ting; thu a gen zing lai un ngaitha ding ka hi.

EZEKIEL 47:8

Amah chun ka kawmah, “Zie tui suohlam gam lama luong hi Arabah gama luong lut ding ahi. Tuipi Thi ah luong lut intin, tichun, Tuipi tui-al chuh, tui thieng suok sak ina.

1 LENGTE 17:8

Chun, Lalpa thu chu a kawmah a hung tunga,

2 KHANGTHUBU 6:17

Khutichun Lalpa Israel Pathien, na suok David kawma thu na gen chu tuhin lawhtit sak tei in.

JEREMIA 31:25

Thagau hinna chau haw chuh ka sutai ta a, mi lungkhamte chuh ka suhalh ta ngâla.