ISAI 41:16 - PATHIEN LEKHABU THIENGTHO (BSI)

¹⁶ Buh chil in chil in na tin, asi chuh huih in tawkmang vek intin, huihpi’n muntin ah thehzak intin: Tichun, nang u chuh Pathien achun kipâk un na tin uh, Israel Pathien Thiengtho hi lopina pie ta’n lau.

ISAI 41:16 ပူးပေါင်းရင်းမြစ်များ

JEREMIA 51:2

A si zap ding sawl ding ka hi; Babulon chungah, amah zap untin, a gamsung zap ngim un au; siet na ni achun ning tina huol in do ding ahi ngâl u a.

HABAKKUK 3:18

Lalpa achun kipâk zel ing ka ting ka hukdamna Pathien achun kipâk takin um zel ing ka.

JEREMIA 15:7

Gamsung a khawpi kawt haw a chun, amau haw chuh buhsi bangin ka zap a, cha bei in ka siem a; ka mite chuh ka sumang a, a umdan uh a kisik diek puou hi.

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

ROME 5:11

Khuti chauh chuh hilo in, kichamna, tu a ei muhsak pa, Krista vang chun Pathien ah I kipâk uh ahi.

MATTHAI 3:12

A khut in a leipuk a chawi a, a phuol zap thieng kei intin, buhpanga chun a buh khum in tin, a si vang chuh mei mittheilo in hâl tum ina,” a ti a.

ISAI 17:13

Namte chuh tui kinawk hattak gi hum hum guolin gi hum hum untin, himahleh, Pathien in a gai a, a vaikit u a, tâng panga leivui bang leh, chinpei in pawl a mût mang guolin nawhmang in a um tau hi.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

SAM LEHKHABU THE PSALMS 1:4

Himahleh, mi dukdaklote vang chuh a khuti puou hi; Buhsi huih in a mût mang tawbang hi ahi zawu hi.

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

ISAI 28:5

Zie ni chun, a mipi ana umsunte ding chun Sepaihte Lalpa chuh, lopina lallukhuk bang leh hawihna lukhuk tawbang hi’n a.

ISAI 29:5

Himahleh, na melmate hawpi chu vang, leivui nêl tak bangin um untin; mi kihchak-um, mipite chuh buhsi lengmang sekte bang hin um un au, ahi, zie chuh mitphetlohkal in hungtung phut ina.

ISAI 35:10

Tichun, Lalpa tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.

ISAI 40:24

Ahi, a phuh ahi puou a; ahi, a tuh ahi puou hi, a kung achun lei ah zung a khawh puou; zielo chule amah chun amau haw chuh a mût a, a vuoi u a, chinpei in buhsi a tawhmang guolin a tawkmang sek hi.

ISAI 51:3

Zion chuh thamuon ing ka ting, a hawma taihsan a a umna mun cheng achun A gamgaw chuh Eden bangin siem ing ka ting, Lalpa huon bangin siem ing ka ting; zie tak achun ka kawma kipah thugenna te, pahchakna la te, lawpna leh kipahna thawmte um ta’n a.

ISAI 60:19

“Sun laia na vak ding chuh nisa hita puo’n tin; zan a hun salhvak ding le thapi hita puo’n a; himahleh, kei, Lalpa hi kumlekhuo a dingin na vak hi tâng ka ting; chun, na Pathien u chuh na lopi nau hita’n a.

ISAI 65:18

Himahleh, ka thilsiem a chun kumlekhuo’n lawp leh kipâk in um un. Jerusalem thak ka siem chuh lawpna’n dim intin; a mite le kipâk takin um un au.

JEREMIA 51:20

“Nang chuh ka galdona khetbuk leh ka matchâk na hi seka, nang mah mang in namte chuh ka theh zaka, nang mah mang in lal gam haw chule ka susie a,

JEREMIA 51:33

Sepaihte Lalpa, Israel Pathien chun hiti hin a tii: Babulon chanu chuh buhchil na phuol tawbang hi’n tin, chawmlo kalin buhchil hun a chunga hung tung ding ahi.

DANIEL 2:35

Tichun, thikte, bellei te, sumeng te, dangkaguote leh sanate chuh a bawnin a gawp dimdem ta a, nipi laia phuol a buhsi kithit bang mai in a um ta a. Huih in ziehaw chuh a tawkmang ta a, a umnau mun himhim het ahi ta puoi. Himahleh suong, milim delh khum pên chuh tâng lienpi a hung suok a, tichun lei pumpi hi a dim ta a.

HOSEA 11:9

Ka lungnatna nasa tak chuh muolsuoh puo’ng ka ting; Ephraim chuh sukmangthai dingin dawi kit ta puo’ng ka. Kei chuh mihing hilo in, Pathien ka hi ngâl a. Kei, Mi thiengtho hi na kawmah ka um a, Lungna takin na kawmah hung ta puo’ng ka.

JOEL 2:23

“Nanguh, Zion chate haw, kipâk un! Nang haw dinga Lalpa thilhihte ziek chun kipâk un. Guoh masa chu a hun takin nanguh a hun pie ta ngâl a. Nanguh dingin guoh a zuk sak a, chavang guoh masa leh guoh nunung chuh.

MIKA 5:8

Jakob te laka a suokchate chu vang, gammânga sate laka sakeibaknei in tawbang leh belam hawn laka sakeibaknei vanglai bangin um ina: amah chun a chieh pai phawt chuh a tawh den a, a bawtthêk a, a panpih ding kuomah a um puou hi.

ISAI 29:19

Mi kingainiem te chun Lalpa a kipahna thak chuh nei kit un tin; chun, mi chagahte chuh Israel mi thiengtho achun limbawl in um tan au.