ISAI 41:11 - PATHIEN LEKHABU THIENGTHO (BSI)

¹¹ “Ngaitie, na chung u a lungna taphawtte chu zakcha takin um un au. Kuole, a hun do taphawt chuh thi tei un tin;

ISAI 41:11 ပူးပေါင်းရင်းမြစ်များ

PAWTDAWKNA 23:22

Amahvang chuh a thugen na zawp takzet u a, ka gen takphawt na hih zel u chun, na melmateu hun do sak zel ing ka, na kilanpihteu chuh ka kilanpih ding ahi.

ISAI 45:24

“Lalpa chauh ah dikna leh Hatna a um hi,” ti’n gen un tin, himahlele, kei ei do taphawt chuh vang muolpho un au.

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

NASEPTE 16:39

Tichun, Rome mi ahiu hi tih a zak phet u chun, a lau tau a; chun, a va chieh u a, hah thep in a va thêm u a, a puidawk u a, khuo apat chieh mang dingin a ngên tau a.

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

PAWTDAWKNA 11:8

Chun, Mosi chun, “Na miliente cheng chuh ka kawmah hung untin, ka masangah bawkkhup in, ‘Ei taihsan un, nang leh mipi a hun zuite hi tawh,’ ti’n ei ngên un au. Zie tieng chuleh chieh ing kau,” a ti a. Zie zawh chun Mosi chun Pharaoh chuh lungna takin a nusieh ta a.

ZEKARIA 12:3

Himahleh, zie hun chuh a hungtun tieng leh, Jerusalem chuh suongtum gik tak tawbang in siem ing ka ting, kuo namte hitaleh, a dawpkang guo taphawt chuh amau leh amau kisuliem un tin. Tichun, khawvel a nam chengte chu amah do dingin kipunkhawm un au.

ISAI 49:26

Nang haw hun bawl gimtheite chu amau leh amau kithah tuoh sak ka ting; lungnatna leh tuolthahna thisan chun uain guolin dâwn kham un au. Khutichun, Kei hi Lalpa, nang haw hun hukdawkpa leh, Jakob mihat chuh ka hi tih micheng in he ta’n au,” ti’n.

ISAI 41:29

Ngaiun, kithepna maimai ahiu a; bangmah hihtheih a nei puou a, a milim pathiente chuh bangmahlo leh hawmngawn ahiu ui,” ti’n.

ISAI 29:8

Mi gilkiel in mang a neih leh an ana ne seka, himahleh, a hung khanglo a, a sung chuh ana hawm zing bang hi hi’n a; a hihloh leh, mi dangchâk in mang a neih tieng tui ana dâwn seka, himahleh, a hung khanglo a, ana chauh a, tui a duhchak zing bang hi hi’n a; Zion tâng do nam cheng chengte haw chuh zie tawbang chuh hi’n au.

ISAI 41:24

Ngaitiem u, bangmah na hi puou hi, na thilhih u le bangmah ahi diek puoi; nang haw hun hote chuh mi kihdak-um tak ahiu hi!

ISAI 40:17

Namtin chengte chuh amah dingin bangmahlo ahiu a; amah ding chun bangmahlo sanga tawm zaw, beingawn tawbang mai ahiu hi.

ISAI 17:13

Namte chuh tui kinawk hattak gi hum hum guolin gi hum hum untin, himahleh, Pathien in a gai a, a vaikit u a, tâng panga leivui bang leh, chinpei in pawl a mût mang guolin nawhmang in a um tau hi.

ISAI 29:5

Himahleh, na melmate hawpi chu vang, leivui nêl tak bangin um untin; mi kihchak-um, mipite chuh buhsi lengmang sekte bang hin um un au, ahi, zie chuh mitphetlohkal in hungtung phut ina.

ISAI 29:7

Tichun, Ariel hun do, nam chengcheng mipite, amah leh a kulh dote chengcheng leh amah sulungkham chengcheng mipite chuh, zan mang bang phetin leh zan a lunggel bang chauh in beimang un au.

ISAI 34:12

A miphateu chuh gamsung vaihawm dingin sam un tin, himahleh, zie tak achun sap ding kuomah um puo’n tin; a milien hawu chengcheng chuh bangmahlo hi’n au.

ISAI 40:2

Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

ISAI 54:15

Ngaitie, nang hun do dinga kipan a um chun, zie chuh keia kipan hi puo’n tin; kuole, nang hun do dinga kikhawm taphawt chuh nangmah ziekin kipuk un au!

JEREMIA 2:3

Israel chuh Lalpa a ding a kawihchuom, a gah pung masa ahi. Amah ne zo te chuh thiemloh chang untin; a chung u ah sietna hung tung ina,” tih hi Lalpa kamsuok ahi.

PAWTDAWKNA 12:29

Chun, hiti hi ahi a, zankhang lai chun Lalpa chun Aigupta gama cha lutîl chengcheng, lalchutphah a chu Pharaoh cha lutîl apat in suongkul ngakte cha lutîl gei in, gancha suok masapen tiengin a sulum vek ta a.

ISAI 49:25

Lalpa chun a dâwng a, “Zie thil ngêi chuh ahi a hungtung ding chuh, Sepaihte’n suongkul a a khumteu chuh puihdawk in um un tin, migilo gâllâkte chuh mat in um ina. Nang hun dote chuh do ing ka ting, na chate chu hukdawk ing ka.

JEREMIA 12:17

Himahleh, a ngaihthak loh u chun, zie nam te chuh bawt dawk ing ka ting, susie dimdem ding ka hi, tih hi Lalpa kamsuok ahi.”