ISAI 41:10 - PATHIEN LEKHABU THIENGTHO (BSI)

¹⁰ Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

ISAI 41:10 ပူးပေါင်းရင်းမြစ်များ

THILSIEMBUL 15:1

Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n

THILSIEMBUL 26:24

Zie zan chun Lalpa chuh a kawmah a hung kilak a, “Kei hi na pa Abraham Pathien chuh ka hi: lau ki’n, na kawmah ka um hi, vang hun pie’ng ka ting, ka suokpa Abraham ziekin na suonte chuh hun hihpung ding ka hi,” a ti a.

THILSIEMBUL 31:5

a kawm u ah, “Na pau maisuoh ka et leh, tuma lam guol khan ka chungah a pha ta puoi tih ka he a; himahlele ka pa Pathien chuh ka kawmah a um zing hi.

THILSIEMBUL 49:24

Himahlele, amah thalpo chuh khauh tak in a um zing a, A bân tha haw chuh hihhat in a um a, Jakob Mi Hat Pathien khut ngêi leh, (zie apat chun Belam chingpa Israel te Suongpi chuh ahung uma.)

2 SAMUEL 22:19

Amau haw chun ka vangsiet lai tak chun ei do u a, Himahlele Lalpa chu ka kingakna pên ahi.

1 KHANGTHUBU 12:18

Khutichun, sawmthum chunga lawiupa Amasai chunga chun thagau a hungtung a, “Jessai chapa David, nang lama pang ka hiu hi, na chungah lungmuonna um hen, nangmah hun panpihte chunga le lungmuonna um hen; na Pathien chun a hun panpih sek ngâl a,” a ti a. Ziephet chun, David chun, amau haw chu a lawp a, sepaih hawn lawiupa dingin a siem ta a.

2 KHANGTHUBU 20:17

Zie kido na hi na do uh ngai puo’n a: pan mun khawh unla, ngak mai un, nang u lam a pang Lalpa hukdam na chu en zing mai u, Juda mite leh Jerusalem mite: lau kiu inla, lung le lungthuoi diek kiu in, zing leh do ding inkuon dawk un, Lalpa chu nang haw lam ah a pang ngâl a,” a ti a.

2 KHANGTHUBU 32:8

Amah lama pang chu mihingte sepaih ahiu a, ei uh ei panpih ding leh ei do sak dinga ei u lam a pang chu vang Lalpa I Pathien uh ahi ngâl a,” ti’n lungmuon na thu a gen a. Mipite chu a lengpau thu gen chun a tha muon ta a.

SAM LEHKHABU THE PSALMS 144:11

Ei hukdawk inla, malzinhaw khuta pat ei hukdawk in, a kam u chun zuou thu a gen sek u a, khut changlam u chu khut changlam diklo ahi.

SAM LEHKHABU THE PSALMS 144:8

A kam u chun zuou thu a gen sek u a, chun, a khut changlam u chuh a diklo ahi.

SAM LEHKHABU THE PSALMS 145:14

Lalpa chun kipukte chengcheng chu a tuzing a, Kun tha a umte chule a kaitho sek a.

SAM LEHKHABU THE PSALMS 147:12

Aw Jerusalem, Lalpa chuh pakcha’n; Aw Zion na Pathien chuh pakcha’n.

SAM LEHKHABU THE PSALMS 18:36

Ka nuoia ka kalsuon na chuh na hih lien ta a, Khutichun ka kênghaw hi kithawlh puo’n a.

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

SAM LEHKHABU THE PSALMS 29:11

Lalpa chun a mite kawmah hatna pien tin, Lalpa chun a mite chu thamuonna chun vangsak ina.

SAM LEHKHABU THE PSALMS 33:12

Lalpa Pathien a nei nam chuh a hamphau hi; A mah go luoh dinga a tel mite chuh.

SAM LEHKHABU THE PSALMS 37:17

Mi nunsie bân chuh sukbawt in um ding ahi ngâla: Himahleh, mi diktat chuh Lalpa’n a tu zing sek hi.

SAM LEHKHABU THE PSALMS 37:24

Puk mahleu le, puk tha tâwp puo’n a. Lalpa’n a khut in a tu zing ngâla.

SAM LEHKHABU THE PSALMS 41:12

Himahleh, kei vang lungthim phatak ka putna ahin nang in nei tu zinga, Na ma achun kumlekhuo a dingin nei kawih a.

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

SAM LEHKHABU THE PSALMS 46:7

Sepaih hawnte Lalpa chuh I kawm u ah a um a; Jakob Pathien chuh I insang uh ahi.

SAM LEHKHABU THE PSALMS 63:8

Ka hinna hin a hun zui hâm hâm a; Na khut changlam in nei tuzing a.

SAM LEHKHABU THE PSALMS 65:5

Aw ei hukdampa Pathien, Thil tizat um te’n kitûp takin ei dâwng un na tin; Nang kâwlmawng a mi cheng cheng leh, Tuipi chunga gamla taka umte kineppih na hi.

SAM LEHKHABU THE PSALMS 99:4

Lalpen hatna chun vaihawmna dik a ngaina a; Nang chun khenchuom neih lohna na hih det seka, Nang chun Jakob inkawte chungah vai na hawma, diktak in na hih sek a.

PAWTDAWKNA 14:13

Ziephet chun Mosi’n mipite kawm achun, “Lau kiu in, um hiet hiet mai un, Lalpa hukdamna tuni a a hun hih sak ding hih en mai un, tuni a Aigupta mi na muh teu hih kumkhuo’n mu kit ta puo’n lau.

PAWTDAWKNA 20:20

Chun, Mosi’n mipite kawm achun, “Lau kiu in, Pathien in a hun patep na hiu hi, a hun suklauh hi na gitloh lohna dinguh ahi,” a ti a.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 35:4

Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

ISAI 37:6

Isai chun a kawm u ah, Na puu kawma chuh hiti ahih na gen dinguh ahi: “Lalpa chun hiti hin a tii, ‘Asuria leng suokte apat na thu zak a hun gensietnau kha na lauh loh ding ahi.

ISAI 43:5

Lau kiu inla, na kawm u ah ka um ngâl a! “Na suonteu chuh suohlam apat in hun pui ing ka ting, tumlam gam apat in hun puikhawm ing ka.

ISAI 44:2

Lalpa nangmau hun siempa, sûl apat a nanguh hun tungdawkpa, nanguh haw hun panpih ding chun hiti hin a tii. Aw Jakob, ka suokte na hiu a, nanguh Jeshurun haw ka mi telte haw, lau kiu in.

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

ISAI 50:9

Ngaitie, Lalpa Pathien chun ei panpih intin; kuo a thiem loh ei chansak ding? Amau haw chuh puon banga ziel in um un tin; nget in puon a nêk siet guolin nek zawhin um un au.

ISAI 52:7

Tang haw chiehkân pai a, Chanchin Pha tun a, kichamna chanchin pha hun puo a, Zawhna thu kiko pih a, hukdamna thu phuong a, Zion kawma, “Na Pathien in vai a hawm hi” tite keng chuh a hawih na e!

ISAI 60:19

“Sun laia na vak ding chuh nisa hita puo’n tin; zan a hun salhvak ding le thapi hita puo’n a; himahleh, kei, Lalpa hi kumlekhuo a dingin na vak hi tâng ka ting; chun, na Pathien u chuh na lopi nau hita’n a.

SUNNA LA 3:57

Ka hun sap ni’n nangin nei dâwng a; “Lau ki’n” nei ti a.

DANIEL 10:12

Tichun, ka kawmah, “Daniel, lau hiel ki’n, Pathien masanga kingainiem ding leh hethiem dinga na lunggil na piek tung ni apat khan na pauchamna zak ahi tai. Na pauchamna dawna a umna zieka chuh hung ka hi.

DANIEL 6:16

Ziephet chun leng chun thu a pie ta a, Daniel chuh a hun pui u a, sakeibaknei kul achun a paih lut tau a. Leng chun Daniel kawmah, “Na Pathien, a na nasep zing sek pa chun hun hukdawk hen,” ti’n a gen a.

HOSEA 1:9

Chun, Lalpa’n hiti hin a ti a: “A min dingin ‘Lo-ami’ na sak ding ahi: a ziek chuh, nang haw hi ka mite na hi puou a, Kei le na Pathien uh hi diek puo’ng ka,” ti’n.

HAGGAI 1:13

Tichun, mite kawma Lalpa mi sawl Haggai chun Lalpa thugen chuh mipite kawmah a gen ta a, “Na kawm u ah ka um hi; Lalpa chun a tii,” ti’n.

HAGGAI 2:5

Aigupta apat a na hung pawt lai u khan le, na kawm u a um zel ding ka hi tin ka hun thutiem sa bang khan na lak uh ah ka thagau a cheng zing hi, lau kiu in.

ZEKARIA 10:12

Chun, amau haw chuh suhat ing ka ting, amah min in asuk ato in chieh un au,” Lalpa’n a tii.

ZEKARIA 10:6

Chun, Juda insung chuh suhat ing ka ting; Joseph insung chuh hukdawk ing ka, puikit ing ka ting, amau haw ka lainat ngâl a. Ka paih thak loh bang mai in, Kei, Lalpa a Pathien u chuh ka hi ngâl a, a pauchamnateu chuh dâwng ing ka.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

LUKE 1:13

Himahlele, vânsâwlchâk chun a kawmah, “Zakaria, lau ki’n, Pathien in na pauchamna khah a he a puo, na zi Elizabet chun chapa hun hinsak intin, a min dingin Johan na sak ding ahi.

LUKE 1:30

Vânsâwlchâk chun a kawmah, “Mari, lau ki’n, Pathien deihchuom na hi.

ROME 8:31

Zie thu haw achun banga I gen tâk ding u leh? Pathien ei u lama a pan chun kuo a ei do thei ding?

2 KORINTH 12:9

Himahlele, amah chun ka kawmah, “Ka lungsietna hi nang dingin a buting ahi, ka thilhih theihna hi na zawnkhalna ahin a puo sukbukim a a um sek,” a ti a. Khutichun, Krista thilhih theihna chuh ka chunga a um theihna’n, kipâk mah mah kawmin ka zawnkhalna haw hi suong zaw tang ka.

EPHESI 3:16

A Thagau zâla mihiem sungnung lama chuh a thilhih theihna a sukhat a na um theihna dingun ka ngên sek a,

DAN NIHNA 20:1

“Na melmateu do dinga na kuon u a, sakawl haw, kidona kangtalai haw leh nang u sanga tamzaw sepaih na muh tieng u leh amau chuh na lauh dinguh ahi puoi; Aigupta gam apat hun puidawk Lalpa na Pathien u chuh na kawm u ah a um ngâla.

PHILIPPI 4:13

Ei suhatpenpa achun thil bang cheng ka hih thei ahi.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

VAIHAWMTE 6:16

Chun, Lalpa chun a kawmah, “Na kawma um zel ding ka hi, tichun Midian mite chuh mi khat bangmai in baihlam takin zo vek ding na hi,” a ti a.